A Wakak na Wasiso un o Iesu Karisito o Jon i tumusi 16:22 - Nupela Testamen long tokples Kandas

²² Lenkutkai ra torom mot, uniri mot tupunuk, ikut an tama melet mot, ra mot in gas. A ngas na gas ri, kataio in pet lar pasi sur in rakon ru i gusun mot.

A Wakak na Wasiso un o Iesu Karisito o Jon i tumusi 16:22 Referans Kwoze

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

Aposel 13:52

Ma a taro na ususer tong o Antiok det bukus nama gasgas ma a Tokodos na Nion.

A Wakak na Wasiso un o Iesu Karisito o Jon i tumusi 16:6

Mot tupunuk doko uni a watung a kum wasiso ri torom mot.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

Aposel 16:25

Una labino mirum, o Pol ma o Sailas der wararing, ma der kelekele torom o God. Ma a taro kai ra det kis una karabus, det longoro der.

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

Ibru 6:18

Aru utna ri, a liliman, ma a risano ra i udekdek anun a liliman nami, ka din keles lar pasi, ma o God ken toro lar pas nami. O God i pami lenra sur in uragot dat, ra dat sa kalabor bakit taru uni, sur dat in tur dekdek una nundat a kinkinis langlang nama nurnur sur a liliman anun o God, ra kura numur in nanpat.

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

A Wakak na Wasiso un o Iesu Karisito o Jon i tumusi 21:7

A nat na ususer ra o Iesu i ser nem doko i, i watungi tan o Pita lena, “A Labino ut nago!” O Saimon Pita i longoro i lena a Labino ut nago, ra i pipis melet pas in namalu ra i palos tari ra i woro a uben, ma i sirok losop utiro utasi.

A Wakak na Wasiso un o Iesu Karisito o Jon i tumusi 14:27

A pitar a malmal torom mot. Anung a malmal ra, a tabor mot nami. Ka tabor mot elar nama rakrakon bual i etabor. Gong a balamot i mamaut, ma gong mot ngara.

A Wakak na Wasiso un o Iesu Karisito o Jon i tumusi 14:1

O Iesu i watungi tandet lena, “Gong a balamot i mamaut, mot in nurnur un o God, ma mot in nurnur kai un iau.

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

Luk 24:41

Det gas ma det kisin, ikut ka det nurnur utmakai. Ma i ting det lena, “Katu utna kuri sur an nani?”

Luk 16:25

“O Abaram i balu i lena, ‘Nutunglik, un nuk pasi, ra u laun utmakai, u pam ukai anum a kum wakak na utna, lenkutkai ra torom o Lasarus, i pam ukai a kum laulau na utna. Ikut uniri i utur ukai a gasgas nin, ma ui, u taramo a labino ngunungut.

Luk 10:42

Ara utna kut i labo sakit sur a nuknukim in kis uni. O Maria i sa pilok pasi, ma katutaio ut in los ru i gusuni.”

Matiu 28:8

Der wan lakit gusun a kulam na minat. Der ngara, ikut a labino gasgas kai i los der. Der kalabor sur anun a kum nat na ususer sur der in inanos det.

A Wakak na Wasiso un o Iesu Karisito o Jon i tumusi 16:20

A inanos mot nama lingmulus, mot in tupunuk ma mot in tangis, ikut a rakrakon bual in gas. Mot in tupunuk, ikut numur anumot a tupunuk in tupukus sur a gasgas,

Luk 19:26

I balu det lena, ‘A watungi tamot, osi ra a susut kura tano, din tabor meleti nama susut. Ikut osi ra kalako, din rakon ru i utkai asau lik ra kura tano.

A Wakak na Wasiso un o Iesu Karisito o Jon i tumusi 16:16

“Ken suano i kut, ra ka mot in tama melet iau mo. Ma ken suano i kut, mot in tama melet iau.”

A Wakak na Wasiso un o Iesu Karisito o Jon i tumusi 14:19

“Ken suano i kut, ra a taro tagun a rakrakon bual ka det in tama melet iau mo. Ikut mot, mot in tama iau. Ma mot in laun, uni a laun.

2 Korin 6:10

Met tupunuk, ikut met ser gas una kum bung rop. Met sibo, ikut met warut a susut na taro sur anundet a susut na utna. Kalako utna anumet, ikut a kum utna rop anumet.