A Wakak na Wasiso un o Iesu Karisito o Jon i tumusi 15:11 - Nupela Testamen long tokples Kandas

¹¹ “A watung a kum wasiso ri tamot, sur anung a gasgas in kis un mot, ma anumot a gasgas in bukus una numot a nilaun.

A Wakak na Wasiso un o Iesu Karisito o Jon i tumusi 15:11 Referans Kwoze

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

A Wakak na Wasiso un o Iesu Karisito o Jon i tumusi 17:13

“Iri an nan torom ui, ikut a watung a kum wasiso ri ra a kis utmakai nin una rakrakon bual, sur anung a labino gasgas in ubukus anundet a nilaun.

A Wakak na Wasiso un o Iesu Karisito o Jon i tumusi 16:24

Tuk uniri, ka mot sasaring utmakai sur tu utna nama risang. Mot in sasaring ra din tabor mot, sur a gasgas in bukus una numot a nilaun.

1 Jon 1:4

Ra met tumus a kum utna ri, sur anundat a gasgas in kudulano.

1 Pita 1:8

Ka mot tama o Iesu utmakai, ikut mot nem doko i. Uniri ka mot tama i, ikut mot nurnur uni. Ma mot bukus nama labino gasgas ra ka din palos sot pasi nam tu wasiso, ma a gasgas ra, a minamarino i labo sakit.

2 Jon 1:12

A susut na utna ra an tumusi torom mot, ikut ka nemi sur an tumtumus una dono pepa namin nepen. A nuki sur an nan ut torom mot, ma dat ut dat in wasiso tomo, sur anundat a gasgas in bukus.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

1 Tesalonaika 5:16

Mot in ser gas.

Luk 15:32

I wakak sur dat in gas ma dat in nangon, uni o tisimlik ri i sa mat ma uniri i sa laun melet, i raro pas, ma uniri i sa wanpat melet.’”

Luk 15:9

Ra i sa sio pasi, in kabo tomo pas a kum paspasano ma det ra det kis milau, ra in watungi tandet lena, ‘Dat in gas, uni a sa sio melet pas ara mani ra a ban raro tari.’

Pilipai 1:25

A tasman mulusi lena, an laun ma an kis tomo nam mot, sur mot in lubung, ma mot in gas una nurnur.

Epeses 5:18

Gong mot sipak nama wain, uni in ban laulau anumot a nilaun. Ikut, mot in bukus nama Tokodos na Nion.

A Wakak na Wasiso un o Iesu Karisito o Jon i tumusi 3:29

Tu musano ra i nolin nam tu ino, anun a ino ut ra. A pasan a musano ra i nolin, in tur ma in longoro suri. Ra in longoro in nalngano, in gas doko. Uniri, anung a gasgas i elar nam anun a gasgas, ra anung a gasgas i sot maragom.

Luk 15:5

Ra i sa sio pasi, in ubek pasi unin kabarano, ra in nan nama gasgas.

Luk 15:23

Mot in nan, ma mot in dat pas tu barman na bulumakau ra i butbut urin, mot in um doko pasi, sur dat in nangon ma dat in gas tomo.