A Wakak na Wasiso un o Iesu Karisito o Jon i tumusi 14:30 - Nupela Testamen long tokples Kandas

³⁰ “Kan wasiso liklik mo torom mot, uni a labino taginin una rakrakon bual milau mo in nanpat. Kalako dekdekino sur in winim pas iau nami,

A Wakak na Wasiso un o Iesu Karisito o Jon i tumusi 14:30 Referans Kwoze

1 Jon 5:19

Dat sa tasmani lena, dat a kum nutnutun o God, ma a rakrakon bual rop i kis utuntudu ina warkurai anun o Satan.

1 Jon 4:4

A kum nutnutung liklik, mot anun o God, ma mot sa winim pas a kum torotoro na poropet, uni a Tokodos na Nion ra i kis un mot, i dekdek taun a nion ra i kis una taro tagun a rakrakon bual.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

A Wakak na Wasiso un o Iesu Karisito o Jon i tumusi 12:31

A du bung ri din warkurai a rakrakon bual. Uniri din lakro ru a labino anun a rakrakon bual.

Epeses 6:12

Uni ka dat waim nama taro, dat waim nama kum mugumugu anun a kum laulau na nion, a kum nion ra det utur ukai a warkurai, a kum nion ra det utur ukai a dekdekin a dumirum nin una rakrakon bual, ma a kum laulau na nion tagun a maino.

1 Pita 2:22

“Ke pam tar tu sakino petutna, ma ke watung tar tu torotoro na wasiso.” Ais 53:9

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

2 Korin 4:4

O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God.

Ibru 4:15

I tasmani lena katu dekdekin dat sur dat in winim pas a sakino, ma i maris pas dat. Uni di sa lar mugu tari nama wur ngas na ululam rop lenkutkai ra di ser lar dat nami, ikut ke pam tu sakino petutna.

Luk 22:53

Una kum bung rop dat ser kis tomo ubalan in noworo ina rumu na etabor ma ka mot pam ukai iau. Ikut uniri anumot a du bung, ra a dekdekin a dumirum i mugu mot.”

Kolosi 1:13

I sa ulaun pas dat gusun a dekdekin a dumirum, ma i sa ben ruk pas dat una matanitu anun o Nutunu ra i nem doko i,

Ibru 7:26

O Iesu i a mugumugu na tene etabor, ra i sot sur in warut dat. Uni i tasur umatan o God, ma ka din takun lar pasi un tu sakino petutna, ma katu dur umatan o God. O God i ulabo gisen pasi sapat netes una langit, gusun a sakino taro.

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

Luk 1:35

A ensel i balu i lena, “A Tokodos na Nion in kis un ui, ma a dekdekin o God a Labino Sakit in pulus bat ui. Ra a Tasur na Musano ra un usus pasi, din watungi a Nutun o God.

1 Pita 1:19

I kul langolango pas mot nama gapin o Karisito ra a matano i ka, i ra i elar nama barman na sipsip, ra kalako dur uni ma katu misait uni.

1 Jon 5:18

Dat tasmani lena det rop ra a kum nutnutun o God, ka det ser pam meleti mo a kum sakino petutna. Uni a Nutun o God i tamtamabat det ut, ra o Satan ke pet lar pasi sur in ban laulau det.