A Wakak na Wasiso un o Iesu Karisito o Jon i tumusi 14:20 - Nupela Testamen long tokples Kandas

²⁰ A bung ra an katutur melet gusun a minat, mot in tasmani lena kura iau un o Tita, ma mot kai kuri un iau, ma iau kura un mot.

A Wakak na Wasiso un o Iesu Karisito o Jon i tumusi 14:20 Referans Kwoze

A Wakak na Wasiso un o Iesu Karisito o Jon i tumusi 17:26

A sa watung puaso tar ui torom det, ma kan mana nama wasiso talapor un ui torom det, sur det in tasman ui, sur a marmaris ra u nem iau nami, in kis un det ma iau kai an laun un det.”

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

1 Jon 4:12

Katutaio utmakai i tama tar o God. Ikut ra dat nem etetalai dat, o God kuri un dat, ma anun a marmaris i bukus un dat.

A Wakak na Wasiso un o Iesu Karisito o Jon i tumusi 14:10

Pepetlai, ko nurnur lena iau kura un o Tita, ma o Tita kuri un iau? A kum wasiso ra a watungi tamot, awu sur anung. O Tita ra kuri un iau i pam anun a pinapam.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

A Wakak na Wasiso un o Iesu Karisito o Jon i tumusi 10:38

Uniri a pami ut anun a kum pinapam. Ikut ra ka mot nurnur una nung a wasiso, mot in nurnur un iau kibino una kum pinapam a pami, sur mot in tasmani lena o Tita kuri un iau, ma iau kura un o Tita.”

2 Korin 13:5

Mot in tama wakak anumot a nilaun, ra anumot a nurnur i lingmulus o awu. Mot tasmani lena, o Karisito Iesu i kis un mot, niko? Ra awu, anumot a nurnur ke lingmulus.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

A Wakak na Wasiso un o Iesu Karisito o Jon i tumusi 16:26

Una kum bung ra, mot in sasaring nama risang. Ka watungi lena iau an saring o Tita sur in warut mot,

Kolosi 2:9

Uni o Karisito i wanpat a mulusino, ma a nilaun rop anun o God i bukus uni.

Kolosi 1:19

Uni o God i gas sur anun a kudulano nilaun rop in bukus un o Nutunu.

A Wakak na Wasiso un o Iesu Karisito o Jon i tumusi 6:56

Osi ra in nan a pining ma in inum a gaping, in laun un iau, ma iau an laun uni.

2 Korin 5:17

Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

A Wakak na Wasiso un o Iesu Karisito o Jon i tumusi 17:11

Uniri an nan torom ui, kan kis suano i melet mo nin una rakrakon bual, ikut det, kuri utmakai det una rakrakon bual. Tita, ui u tasur sakit, un tamtamabat det nama dekdekin a risam, a rising ra u pitar tari tang. Un tamtamabat det sur det in takai kut, elar nam ui ma iau, dar takai kut.

A Wakak na Wasiso un o Iesu Karisito o Jon i tumusi 16:23

“Una bung ra, ka mot in ting melet iau mo un tu utna. A inanos mot nama lingmulus, o Tita in tabor mot nama sau ra mot sasaring suri nama risang.

Epeses 2:10

Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

A Wakak na Wasiso un o Iesu Karisito o Jon i tumusi 17:7

Uniri, det sa tasmani lena a kum utna rop ra u pitar tari tang, i wanpat mulus ut tagisapat tam.

2 Korin 12:2

A tasman ara musano, a te Karisito, numugu tan a noino ma wat na kilalo, o God i ben pasi usapat una mantul na langit. Ka tasmani ra i los tito pasi, tomo nama pinino, o a niono kut. O God kut i tasmani.

2 Korin 5:19

Un o Karisito, o God i marom nama taro taginin una rakrakon bual. Ken nuk melet pasi mo anundet a kum sakino petutna sur in warkurai det uni. Iri a wasiso na emarom, ra i pitar tari tamet.

A Pas anun o Pol torom a taro Rom 16:7

Mot in pitar anung a marmaris kai torom o Andronikus ma o Junias, aru kukung ra der kis tomo nam iau una karabus. Epotor tan a kum aposel a risander i wan sarara. Der aru mugano te Karisito tang, ma iau, a mur tander.

A Wakak na Wasiso un o Iesu Karisito o Jon i tumusi 14:11

Mot in nurnur un iau ra a watungi lena kura iau un o Tita, ma o Tita kuri un iau. Ma ra ka mot nurnur una nung a wasiso, mot in nurnur kut un iau, kibino una kum utna na ukisin ra a pami.