A Wakak na Wasiso un o Iesu Karisito o Jon i tumusi 14:17 - Nupela Testamen long tokples Kandas

¹⁷ I a Tokodos na Nion, ra in upuaso a lingmulus. A taro tagun a rakrakon bual ka det in nemi, uni ka det in tama lele i ma ka det in tasmani. Ikut mot, mot tasman a Tene Warut, uni i kis tomo nam mot ma in kis un mot.

A Wakak na Wasiso un o Iesu Karisito o Jon i tumusi 14:17 Referans Kwoze

A Wakak na Wasiso un o Iesu Karisito o Jon i tumusi 16:13

A Tokodos na Nion, ra i ser upuaso a lingmulusino, in nanpat, ma in utalapor mot una kum lingmulusino rop un o God. A kum wasiso ra in watungi awu sur anunu, in watungi kut a kum wasiso ra i longoro i, ma in inanos mot una kum utna ra in nanpat numur.

1 Jon 2:27

A Tokodos na Nion, ra o Karisito i pitar tari torom mot, kura ut un mot, ra ka mot sibo sur taio in ususer mot. Uni a Tokodos na Nion i ususer mot una kum utna rop. Ma a utna ra i ususer mot uni i lingmulus, ma awu sur a torotoro. Mot in nuk ukai a etowo ri, sur mot in kis tukum un o Karisito.

A Wakak na Wasiso un o Iesu Karisito o Jon i tumusi 15:26

“An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau.

1 Jon 4:6

Dat anun o God, ma osi ra i tasman o God i longoro dat. Ikut osi ra awu sur tagun o God, ken longoro dat. Lenra dat in tasman lele a Nion ra i lingmulus, ma a nion ra i torotoro.

1 Korin 3:16

Pepetlai, ka mot tasmani lena mot a rumu anun o God, ma a Nion o God kura un mot?

1 Korin 2:14

Ikut, osi ra a Tokodos na Nion ke kis uni, ken utur ukai a kum etowo, ra i wanpat gusun a Nion o God. Uni a kum etowo ra, a kum longlong na utna kut toromi. Ma ken tasman lele a kum etowo, uni a Tokodos na Nion ke kis uni sur in utalapori toromi.

1 Korin 6:19

Pepetlai, ka mot tasmani lena a pinimot i a rumu anun a Tokodos na Nion? A Tokodos na Nion ra i kis un mot, o God i sa tabor tar mot nami. Mot ut awu sur anumot,

2 Timoti 1:14

Una dekdekin a Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.

A Wakak na Wasiso un o Iesu Karisito o Jon i tumusi 14:16

Ma an saring o Tita, ra in tulu ru ara Tene Warut bulung torom mot, sur in kis tukum torom mot.

A Wakak na Wasiso un o Iesu Karisito o Jon i tumusi 14:23

O Iesu i balu i lena, “Ra taio i nem iau, in mur anung a kum etowo. O Tita in nemi, ma mir nam o Tita mir in nan toromi, ma mir in kis tomo nami.

1 Jon 3:24

Osi ra i mur anun a kum warkurai, i laun un o God, ma o God kai i laun uni. Ma dat tasmani lena o God i laun un dat, uni a Tokodos na Nion ra i tabor dat nami, kuri ut un dat.

1 Jon 4:4

A kum nutnutung liklik, mot anun o God, ma mot sa winim pas a kum torotoro na poropet, uni a Tokodos na Nion ra i kis un mot, i dekdek taun a nion ra i kis una taro tagun a rakrakon bual.

Epeses 3:17

sur o Karisito in kis una balamot, ra mot nurnur uni. Ra a wararing sur anumot a marmaris in tur dekdek elar namin nanai ra a wakakorino i rarau.

Galesia 4:6

Mot a kum nutnutun o God ut. I ra a kibino ra i pitar ru a Tokodos na Nion, a Nion o Nutunulik, sur in kis ubalamot, ma i kakabo torom o God lena, “Aba! Tita!”

2 Korin 13:5

Mot in tama wakak anumot a nilaun, ra anumot a nurnur i lingmulus o awu. Mot tasmani lena, o Karisito Iesu i kis un mot, niko? Ra awu, anumot a nurnur ke lingmulus.

Kolosi 1:27

O God i upuaso i lena, a taro ra awu sur a taro Juda, det kai det in tasman a utna ra numugu i kis eno, ra i wakak doko ma in udan det. Iri a utna ra: o Karisito ut i kis una numot a nilaun, i mo ra, mot kis langlang nama nurnur sur a minamar anun o God, ra mot in rakoni.

Epeses 2:22

Ma mot kai ra tagun o Karisito, o God i dat tomo mot, sur mot in nanpat a rumu ra a Niono i kis uni.

Matiu 10:20

Awu sur mot ra mot in wasiso, a Nion a Tamamot ut in unuk tar mot nama sau ra mot in watungi.

Tamtama 2:17

Osi ra arin talngano kura, i wakak sur in longoro a wasiso ra a Tokodos na Nion i watungi torom a kum lotu. Osi ra i winim pas a inaim, an tabori nam lako mana ra i kis eno. Ma an tabori kai nama kabang na wat, ra di sa tumus tar a matok na rising uni, ra katutaio i tasmani. O naro sot kut, ra an pitari tano, in tasmani.

1 Jon 5:7

Detul ri, detul wasiso talapor uni:

2 Korin 6:16

A kum torotoro na god ka det in tur lar pas una rumu na etabor anun o God. Uni dat ut a rumu na etabor anun o God ra i laun. I elar nami ra o God i sa watung tari, “An kis tomo nam det, ma an nan epotor tandet. Ma iau a God anundet, ma det anung a taro.” Wkp 26:12

1 Korin 14:15

Asau an pami? An wararing nama niong, ma an wararing kai nama nuknuking. An kelekele nama niong, ma an kelekele kai nama nuknuking.

A Wakak na Wasiso un o Iesu Karisito o Jon i tumusi 6:40

Una nemnem anun o Tita, det rop ra det tamtama torom o Nutunu ma det nurnur uni, det in laun tukum, ma iau an ukatutur pas det gusun a minat una bung na warkurai.”