A Wakak na Wasiso un o Iesu Karisito o Jon i tumusi 14:16 - Nupela Testamen long tokples Kandas

¹⁶ Ma an saring o Tita, ra in tulu ru ara Tene Warut bulung torom mot, sur in kis tukum torom mot.

A Wakak na Wasiso un o Iesu Karisito o Jon i tumusi 14:16 Referans Kwoze

A Wakak na Wasiso un o Iesu Karisito o Jon i tumusi 14:26

A Tene Warut, a Tokodos na Nion ra o Tita in tulu ru i una risang. In ususer mot una kum utna rop, ma in unuk tar mot melet nama kum wasiso ra a sa watung tari tamot.

A Wakak na Wasiso un o Iesu Karisito o Jon i tumusi 15:26

“An tulu ru a Tene Warut torom mot tagisapat tan o Tita, i a Tokodos na Nion ra in upuaso a lingmulus. Ra in nanpat in wasiso puaso un iau.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

1 Jon 2:1

A kum nutnutung liklik, a tumus a kum utna ri torom mot sur gong mot pam a sakino. Ikut ra taio in pam a sakino, anundat a tene warut, o Iesu Karisito a Tene Tokodos, in wasiso anun o naro ra, torom o Tamano.

A Wakak na Wasiso un o Iesu Karisito o Jon i tumusi 4:14

Ikut det ra det in inum a danim ra an tabor det nami, ka det in muruk melet mo. A danim ra an tabor det nami, in elar nam ara matmatano danim una nundet a nilaun, ra in burburak pat ma in tabor det nama nilaun tukum.”

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Pilipai 2:1

A nilaun anumot un o Karisito i uragot mot, anun a marmaris i umanatung a nuknuki mot, mot laun tomo nama Tokodos na Nion, mot nem etetalai mot, ma mot pam a wakakino torom mot etetalai.

A Pas anun o Pol torom a taro Rom 5:5

Ra dat kis langlang nama nurnur, dat tasmani lena a utna ra o God i sa uliliman taru uni in nanpat ut. Uni o God i sa pitar tar a Tokodos na Nion tandat. Ra a Tokodos na Nion i sa lingis tar a marmaris anun o God unin balandat.

Aposel 13:52

Ma a taro na ususer tong o Antiok det bukus nama gasgas ma a Tokodos na Nion.

A Wakak na Wasiso un o Iesu Karisito o Jon i tumusi 17:15

Ka saring ui sur un rakon ru det gusun a rakrakon bual, awu. Ikut a saring ui sur un tamtamabat det gusun a Tene Sakino.

A Wakak na Wasiso un o Iesu Karisito o Jon i tumusi 14:18

Ra an nan gusun mot, ka mot in kis na nat na soi, uni an milet melet kut torom mot.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

A Pas anun o Pol torom a taro Rom 8:34

Osi ra in watungi lena, din pitar a warkurai na minabalu torom dat? Katutaio. Uni o Karisito Iesu i sa mat sur dat. Awu sur i kut ra, o God i sa ukatutur melet pasi kai gusun a minat, ma uniri kusapat mo i kis una papor sot na laman o God, ma i ser wararing sur dat.

A Wakak na Wasiso un o Iesu Karisito o Jon i tumusi 14:14

Ra mot in sasaring sur tu utna nama risang, an pam sot pasi.

A Wakak na Wasiso un o Iesu Karisito o Jon i tumusi 17:20

“Awu sur a wararing kut sur det, a wararing utkai sur a taro ra numur det in nurnur un iau, a taro ra a kum tene nurnur det in wasiso puaso un iau torom det.

A Wakak na Wasiso un o Iesu Karisito o Jon i tumusi 16:22

Lenkutkai ra torom mot, uniri mot tupunuk, ikut an tama melet mot, ra mot in gas. A ngas na gas ri, kataio in pet lar pasi sur in rakon ru i gusun mot.

2 Tesalonaika 2:16

O God a Tamandat, i maris dat, ma una nun a marmaris i tabor dat nama wasiso na ururagot ra ken rop, ma i warut dat sur dat in kis langlang nama nurnur sur a wakakino ra in pami. Ra metul wararing sur anundat a Labino o Iesu Karisito ma o God a Tamandat

A Wakak na Wasiso un o Iesu Karisito o Jon i tumusi 7:39

Una wasiso ri, o Iesu i wasiso una Tokodos na Nion. Ka di pitari utmakai a Tokodos na Nion, uni o Iesu ke losi utmakai anun a minamar. Numur, det ra det nurnur un o Iesu, din tabor det nami.

Aposel 1:4

Un ara bung tagun a kum bung numur tan anun a katkatutur melet gusun a minat, det kis tomo una inangon, ra i turbat det lena, “Gong mot wan gusun o Jerusalem, mot in kis langlang pas a Tokodos na Nion, ra o Tita i sa uliliman taru uni, ra a sa inanos tar mot nami.

1 Jon 2:27

A Tokodos na Nion, ra o Karisito i pitar tari torom mot, kura ut un mot, ra ka mot sibo sur taio in ususer mot. Uni a Tokodos na Nion i ususer mot una kum utna rop. Ma a utna ra i ususer mot uni i lingmulus, ma awu sur a torotoro. Mot in nuk ukai a etowo ri, sur mot in kis tukum un o Karisito.

2 Jon 1:2

Met nem mot kibino una lingmulusino ra kuri un dat, ma in kis tukum un dat.