A Wakak na Wasiso un o Iesu Karisito o Jon i tumusi 13:24 - Nupela Testamen long tokples Kandas

²⁴ O Saimon Pita i pet ukinalong pas a nat na ususer ra, ma i watungi lena, “Un ting o Iesu lena, osi ra i watung a wasiso ri uni.”

A Wakak na Wasiso un o Iesu Karisito o Jon i tumusi 13:24 Referans Kwoze

Aposel 21:40

Ra a labino mugumugu i mulaot tari, o Pol i tur una leta ina rumu, ra i turbat a taro nama lamano. Ra det sa tur wowon, i wasiso tandet nama wasiso Ibru lena,

Aposel 13:16

O Pol i katutur, ra i turbat det nama lamano sur det in kis wowowon, ra i watungi lena, “Mot a taro Israel, ma mot a taro gisen kai ra mot lotu torom o God, mot in longoro iau.

Aposel 12:17

Ra i turbat det nama lamano, sur det in kis wowowon. Numur i inanos det una pinapam anun a Labino ra i ben pirso petlan pasi gusun a karabus. Ma i watungi lena, “Mot in inanos o Jems ma det, ra dat tar tistisino una nurnur, una utna ri.” Ra i wan gusun det sur ara tamon gisen.

Luk 5:7

Det kalu pas a kum paspasan det tagun ara pot kai sur det in warut det. Ra det wan torom det, ma det ubukus pas aru pot rop, ra der ling na murung mo.

Luk 1:22

Ra i wan pirso, ke wasiso lar pas mo torom det. Det tasmani lena o Sekaraia i sa tama tar tu tamtama tiro una rumu na etabor, uni i tustusu mukut torom det nama ru lamano.

A Wakak na Wasiso un o Iesu Karisito o Jon i tumusi 13:23

Ara nat na ususer i kis milau o Iesu. A nat na ususer ri, o Iesu i ser nem doko i.

A Wakak na Wasiso un o Iesu Karisito o Jon i tumusi 13:25

A nat na ususer ra, i ere torom o Iesu ra i tingi lena, “Labino, osi ra u watung a wasiso ri uni?”