A Wakak na Wasiso un o Iesu Karisito o Jon i tumusi 12:26 - Nupela Testamen long tokples Kandas

²⁶ Ra taio i nemi sur iau anun a Labino, i wakak sur in mur iau, ma i anung a tultul ra in kis tomo nam iau una dino ra an kis iai. Osi ra i papam torom iau, o Tita in ulabo pasi.

A Wakak na Wasiso un o Iesu Karisito o Jon i tumusi 12:26 Referans Kwoze

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

Kolosi 3:24

Uni mot tasmani lena, numur a Labino in pitar a ikul torom mot, i a wakak na kinkinis ra numur mot in rakoni. Mot a kum tene ititula anun a Labino o Karisito, ma i ut anumot a mugumugu mulus.

A Pas anun o Pol torom a taro Rom 1:1

Iau o Pol, a tultul anun o Karisito Iesu, a tumus a pas ri torom mot. O God i kabo pas iau, sur an aposel, ma i pilok pas iau sur an warawai nama nun a Wakak na Wasiso torom a taro.

A Wakak na Wasiso un o Iesu Karisito o Jon i tumusi 17:24

“Tita, a nemi sur det ra u sa pitar tar det tang, det in kis tomo nam iau una tamon ra an kis iai, sur det in tama anung a minamar, a minamar ra u pitar tari tang, uni u nem iau numugu ra ko ukisi utmakai a rakrakon bual.

A Wakak na Wasiso un o Iesu Karisito o Jon i tumusi 10:27

Anung a kum sipsip det ser longoro in nalngang. A tasman det, ma det ser mur iau.

2 Korin 5:8

Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino.

A Pas anun o Jud 1:1

Iau o Jud, a tultul anun o Iesu Karisito ma a tisin o Jems. A tumus a pas ri torom mot ra o God a Tamandat i sa kabo pas mot, ma i maris mot, ma mot kis una tamtamabat anun o Iesu Karisito.

1 Jon 5:3

Ra dat nem o God, dat in mur anun a kum warkurai. Ma anun a kum warkurai, ke ngangitin sur dat in muri.

2 Pita 1:1

Iau o Saimon Pita, a tultul ma aposel anun o Iesu Karisito. A tumtumus torom mot, ra o God i sa tabor tar mot nama wakak na nurnur, elar nami ra i tabor met kai nami, kibino una tokodos na petutna anun o Iesu Karisito, i ra a God anundat, ma anundat a Tene Ulaun.

2 Korin 4:5

Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu.

A Pas anun o Pol torom a taro Rom 14:18

Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.

A Wakak na Wasiso un o Iesu Karisito o Jon i tumusi 15:20

Mot in nuk pas a wasiso ra a sa watung tari tamot lena, ‘A tultul ke labo taun anun a labino.’ Ra det ban laulau iau, det in ban laulau mot kai. Ra det mur anung a wasiso, det in muri kai anumot a wasiso.

Luk 6:46

“Ilai ra mot watung iau ‘Labino, Labino,’ ma ka mot pam asau ra a watungi tamot?

Pilipai 1:23

Aru nuknuking. Ara, a nem doko i, sur an nan ma an kis tomo nam o Karisito, i ra i wakak sakit tan ara pasander.

A Wakak na Wasiso un o Iesu Karisito o Jon i tumusi 14:3

Ra a sa waninar tar a dino sur mot, an milet melet, ma an ben pas mot torom iau sur mot kai mot in kis una tamon ra a ser kis iai.

A Wakak na Wasiso un o Iesu Karisito o Jon i tumusi 13:16

A inanos mot nama lingmulus, a tultul ke labo taun anun a labino. Ma osi ra di tultulu i, ke labo taun o naro ra i itula.

Luk 9:23

Ra i watungi tandet rop lena, “Ra taio i nemi sur in mur iau, gong i mur a nuknukino. In los pas anun in nanai kutus una kum bung rop ma in mur iau.

Matiu 25:21

Anun a labino i balu i lena, ‘Wakak sakit, ui a wakak na tultul, u lingmulus una num a pinapam. An ubek tar ui sur un tamtamabat lako susut na utna, uni u lingmulus una kum nat na utna ri. Ra uniri dar in nan ma dar in gas tomo.’

Tamtama 14:4

Det ri, katu dur un det, uni ka det inep tomo nama wardain. Det ser mur a Barman na Sipsip una kum nubual ra i ser wan iai. O God i kul langolango pas det taginin epotor tan a taro una rakrakon bual, sur det in elar nama mugano wino ra di ser tabor o God ma a Barman na Sipsip nami.

Kolosi 4:12

O Epapras, i ara ut tagun mot, ma a tultul anun o Karisito Iesu, i pitar anun a marmaris torom mot. I ser wararing dekdek sur mot, sur mot in tur dekdek una numot a kinkinis na nilaun un o Karisito, ma mot in tasman mulus a nemnem rop anun o God.

A Wakak na Wasiso un o Iesu Karisito o Jon i tumusi 21:22

O Iesu i balu o Pita lena, “Ra a nemi sur in laun tuk an milet, awu sur a utna anumi. Ikut ui, un mur iau.”

A Wakak na Wasiso un o Iesu Karisito o Jon i tumusi 14:15

“Ra mot in nem iau, mot in mur anung a kum warkurai.

A Wakak na Wasiso un o Iesu Karisito o Mak i tumusi 8:34

O Iesu i kabo pas a kunur na taro tomo nam anun a kum nat na ususer toromi, ma i watungi tandet lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

Matiu 16:24

Ra o Iesu i watungi tan anun a kum nat na ususer lena, “Ra taio i nemi sur in mur iau, gong i mur a nuknukino. In los pas anun in nanai kutus ma in mur iau.

Luk 12:37

Ra a labino in nanpat, ma anun a kum tultul det sa waninar, det dan. A inanos mot nama lingmulus, in emar pas sur in pam anun a pinapam, ma in ukis tar det nisan a kabulu na inangon ma in tabor det.