A Wakak na Wasiso un o Iesu Karisito o Jon i tumusi 11:40 - Nupela Testamen long tokples Kandas

⁴⁰ O Iesu i watungi tano lena, “Pepetlai, ka watung tari tam lena, ra un nurnur un tama a minamar anun o God?”

A Wakak na Wasiso un o Iesu Karisito o Jon i tumusi 11:40 Referans Kwoze

A Wakak na Wasiso un o Iesu Karisito o Jon i tumusi 11:4

O Iesu i longoro i, ra i watungi lena, “Awu sur o Lasarus in mat una misait ri. I misait kut, sur din tama a minamar anun o God, ma sur din mari kai a Nutun o God nami.”

A Wakak na Wasiso un o Iesu Karisito o Jon i tumusi 1:14

A Wasiso i wanpat a musano mulus, ma i kis epotor tamet. Met sa tama tar anun a minamar, a minamar anun o Nutunu, ara sot kut, ra i wan tagisapat tan o Tamano, i bukus nama marmaris ma a lingmulus.

2 Korin 3:18

Ma dat, ra ka di pulus bat a masarindat nam tu du malu, dat upuaso a minamar anun a Labino. Ma anundat a nilaun i tupukus nanan sur dat in elar nam o Karisito, ma anun a minamar i lubung una nundat a nilaun. A minamar ra, tan a Labino ut, i ra a Nion.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

A Wakak na Wasiso un o Iesu Karisito o Jon i tumusi 9:3

O Iesu i balu det lena, “A musano ri ke pam tar tu sakino petutna, o tamano ma o nano kai awu. I pulu kut sur a taro det in tama a dekdekin o God uni.

A Wakak na Wasiso un o Iesu Karisito o Jon i tumusi 12:41

O Aisaia i watungi lenri uni i sa tama mugu a minamar anun o Iesu, ra i wasiso uni.

Matiu 17:20

Ma i balu det lena, “Uni anumot a nurnur i natino doko. A inanos mot nama lingmulus, ra anumot a nurnur in natino elar namin pitino mastad, mot in pet lar pasi sur mot in watungi tan a tangai ri lena, ‘Un karai taginin utong,’ ra in karai kut. Katu utna in ngangitin torom mot.”

A Wakak na Wasiso un o Iesu Karisito o Mak i tumusi 9:23

O Iesu i watungi tano lena, “Ilai ra u watungi lenri, ‘Ra un pet lari’? Osi ra i nurnur, in pet lar pas a kum utna rop.”

A Pas anun o Pol torom a taro Rom 6:4

Lenra, ra di baptaiso dat, dat mat tomo nami ma di por tomo dat kai nami. O God a Tamandat i ukatutur pas o Karisito gusun a minat nama minamarino, lenkutkai ra dat in laun nama matok na nilaun.