Jems 1:10 - Nupela Testamen long tokples Kandas

¹⁰ Ra taio a tene gongon, in gas kut ra o God in unatino pasi. Uni, anun a nilaun i elar kut nama puspus na duwai, in rop oros kut.

Jems 1:10 Referans Kwoze

1 Pita 1:24

I elar nami ra di sa tumus tari una Buk Tabu lenri, “A taro rop det elar kut nama wuliso, ma anundet a ememar i elar kut nama purpur ra i puspus. A wuliso in marang, ma a puspus ina purpur in puku,

1 Jon 2:17

A rakrakon bual ma a kum laulau na nemnem ra det wanpat taguni, det in rop kut, ikut osi ra i mur a nemnem anun o God, in laun tukum.

1 Timoti 6:17

Un utumarong det ra det ululeng nin una rakrakon bual sur gong det ulabo pas det ut, ma gong det nurnur una mani ra i ser rop kut. Det in nurnur kut un o God, ra i ser tabor dat nama kum wakak na utna rop sur dat in gas nami.

Matiu 5:3

“Det ra det tasmani lena det sibo una niondet, det dan, uni anundet a matanitu tagisapat una langit.

1 Korin 7:31

Ma det ra det papam nama kum utna ra kuri upiso, det in laun lari ra ka det nuknuk bing una kum utna ra. Uni a rakrakon bual ri dat laun uni, i sa rorom nanan.

Jems 4:14

Ikut ka mot tasman asau ra in nanpat torom mot markan. Anumot a nilaun i elar nama sau? Mot elar kut namin nawal, ra i wanpat pas kut, ma i rorom melet.

Matiu 6:30

O God i mar a kum wuliso sa ubual nama kum wakak na purpurindet, ra i puspus uniri, ra markan din tun ru i una sungun. Ra i pami lenra una kum wuliso, pepetlai, ken mar mot kai? Anumot a nurnur i natino doko.

Pilipai 3:8

I lingmulus, a kum utna rop ri, det a kum utna oros mukut torom iau. Ara utna kut ra i labo sakit, a tasman o Karisito Iesu anung a Labino. A sa ubek ru a kum utna rop ri, kibino un o Karisito. Det elar mukut nama beren umatang, sur an los pasi mukut o Karisito una nung a nilaun,