Ibru 9:18 - Nupela Testamen long tokples Kandas

¹⁸ Lenutra una mugano kunubus di etabor nama gap sur din upuaso i lena a wewegua i mat.

Ibru 9:18 Referans Kwoze

Ibru 9:22

A lingmulus, a Warkurai anun o Moses i watungi lena, milau a kum utna rop, din gos talapori nama gap. Ra a gap ken tilingis, o God ken unus ru a kum sakino petutna.

Ibru 9:14

Ra i lingmulus lena di gos talapor a taro lenra, i lingmulus sakit ra a gapin o Karisito i gos talapor dat! Una dekdekin a Tokodos na Nion ra i kis tukum, o Karisito i pitar tar anun a nilaun torom o God. Anun a nilaun katu dur uni. Ra a gapino i gos talapor anundat a nilaun gusun a kum minat na pinapam ra dat in iru uni, sur dat in papam torom o God ra i laun.

Ibru 9:17

Katutaio in papam nami ra a musano ra i laun utmakai. Ikut, ra i sa mat, taio in pet lar pasi maragom sur in rakon a kum utna kura una kunubus una dono pepa ra.

Ibru 9:19

Ra o Moses i sa watung rop tar a kum Warkurai tan a taro rop, i los pas a gapin a kum barman na bulumakau ma a kum meme, ra i ubek tomo pasi nama danim. I los pas a kano duwai lik ra di watungi namin isop, ra di sa ker wat tari nama merek na iwu ina sipsip. I puk pasi una gap, ra i lamir a buk na Warkurai ma a taro rop nami.