Ibru 3:14 - Nupela Testamen long tokples Kandas

¹⁴ Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Ibru 3:14 Referans Kwoze

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Ibru 6:11

Anumet a labino nemnem sur mot rop taktakai mot in dekdek una marmaris lenutra mot ser pami, tuk una ururopino. Mot in pami lenra, sur a kum utna ra mot kis langlang nama nurnur suri, in nanpat mulus ut torom mot.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

Ibru 12:10

A kum tamtaman dat taginin upiso det ukodos dat a nat na du bung kut, elar nama kisapi ra det nuki lena i wakak. Ikut, o God i ukodos dat sur dat in wakak, sur dat in talapor elar nami.

Ibru 6:4

Katutaio in ben pukus lar pas a taro sur det in nukpukus torom o God ra det sa wan gisen gusuni. Det sa tasman tar a talapor anun o God, det sa wan tama tar a etabor tagisapat una langit, det sa los pas a Tokodos na Nion,

Epeses 3:6

Iri a utna ra numugu i kis eno: Det ra awu sur a taro Juda, ra det in mur a Wakak na Wasiso, det in rarakon tomo nama taro Juda, una kum utna ra o God i udan a kum nutnutunu nami. Ma det rop, ara musano mukut. Ma det ra tagun o Karisito Iesu, a kum liliman anun o God anundet utkai.

Ibru 3:1

I mo ra a kum tistising ra o God i sa pilok pas mot sur mot anun a taro, a nuknuki mot in kis dekdek un o Iesu. I ra a Aposel ma a mugumugu na tene etabor torom o God, ra dat nurnur uni ma dat wasiso puaso uni.

A Pas anun o Pol torom a taro Rom 11:17

A taro Israel det elar namin nanai na oliw mulus, ma mot a taro gisen mot elar namin lomlom nin nanai na oliw. O God i pak ru a ramano kum kano gusun in nanai na oliw mulus. I los pas a ramano kum kano lomlom na oliw, ma i pam a bading tomo namin nanai na oliw mulus. Ra uniri, mot laun tagun a polo ra i wan gusun a wakakor nin nanai na oliw mulus.

1 Korin 10:17

Teken beret kut. Dat susut, ikut, dat ara pinindat uni dat wangon tagun in teken beret kut.

1 Jon 1:3

Met inanos mot un o naro ra met sa tama tari ma met sa longoro tari, sur dat in lason tomo, elar nam met, met lason tomo nama Tamandat, ma o Nutunu o Iesu Karisito.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

1 Pita 5:1

Uniri an wasiso torom mot a kum mugumugu na lotu, uni iau kai a mugumugu elar kut nam mot. Ra o Karisito i taramo a kum ngunungut, a tama tari, ma numur ra in nanpat, an rarakon una nun a minamar.

1 Timoti 6:2

Ma det ra anundet a mugumugu a tene nurnur, gong det rosumur gusuni, uni det tasmani lena det tar tistisino una nurnur. Det in ser mur wakak anun a wasiso, uni anundet a pinapam in warut a tene nurnur, ra det ser nemi. Timoti, un ususer det ma un udekdek det nama kum etowo ri.

1 Korin 9:23

A kum utna ri a pami sur a Wakak na Wasiso in lubung, sur in udan iau tomo nam det.

A Pas anun o Pol torom a taro Rom 11:22

I mo ra mot in tama a marmaris ma a kankan anun o God. I ese anun a kankan torom det ra det wan gisen gusuni, ma i ese anun a marmaris torom mot, ra mot tur dekdek una nun a marmaris, ma ka mot mana gusuni. Ikut, ra awu, in pak ru mot kai.

Ibru 11:1

Asau a nurnur? I lenri: Ra taio i nurnur, i sa tasman mulusi lena, asau ra i kis langlang suri nama nurnur, in rakon pasi ut. Ke tama i utmakai, ikut i tasmani lena i lingmulus ut.