Ibru 13:1 - Nupela Testamen long tokples Kandas

¹ Gong mot mana nama marmaris etetalai torom mot, lar a kabo tistisino.

Ibru 13:1 Referans Kwoze

1 Jon 4:20

Ra taio i watungi lena, “A nem o God,” ikut i nget o tisino, i a tene torotoro. Uni osi ra ke nem o tisino ra i tama i, ken nem lar pasi kai o God ra ke tama i.

1 Pita 3:8

Anung a kum ururop na wasiso torom mot rop i lenri, i wakak sur a nuknuki mot in takai kut. Ra taio tagun mot in los a maut, mot kai mot in losi tomo nami. Mot in nem etetalai mot elar ut ra mot nisnisino. Mot in lason una marmaris, ma mot in unatino pas mot.

1 Pita 1:22

Ma uniri, mot sa rus talapor mot, uni mot sa mur a lingmulus na wasiso, sur mot in nem mulus a kum tistisi mot una nurnur. I mo ra, mot in nem etetalai mot nama marmaris mulus una balamot.

2 Pita 1:7

Ma mot in palataun a petutna ra i wakak umatan o God, nama marmaris torom a kum tistisi mot una nurnur. Ma mot in palataun a marmaris ra, nama marmaris kai torom a taro rop.

1 Pita 2:17

Mot in urur torom a taro rop. Mot in nem a kum tistisi mot una nurnur, mot in ngara sur o God, ma mot in urur torom a king.

Ibru 10:24

Dat in nuknuk sur lako kum kisapi sur dat in wangun etalai a nuknukin dat sur dat in nem a taro ma dat in pam a kum wakak na pinapam.

2 Tesalonaika 1:3

A kum tistisi metul, i wakak sur metul in ser watung wakak torom o God un mot. I tokodos lenra, uni anumot a nurnur i lubung dekdek, ma a marmaris torom mot etetalai kai i lubung nanan.

1 Pita 4:8

Iri a utna ra i labo sakit taun a kum utna rop, mot in nem etetalai mot nama lingmulus, uni a marmaris i pulus bat a susut na sakino petutna.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Galesia 5:13

A kum tistising, o God i sa kabo pas mot toromi sur mot in langolango mulus. Ikut gong mot nuki lena mot sa langolango sur mot in mur a kum sakino nemnem ina pinimot, awu. Mot in warut etetalai mot nama marmaris.

Tamtama 2:4

Ikut a takun mot una utna ri: Ka mot nem iau mo elar nami ra numugu mot nem iau.

1 Jon 3:23

A warkurai anun o God i lenri: Dat in nurnur una risan o Nutunu, o Iesu Karisito, ma dat in nem etetalai dat, elar nam anun a warkurai torom dat.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

A Wakak na Wasiso un o Iesu Karisito o Jon i tumusi 15:17

Mot in nem etetalai mot. Iri anung a warkurai torom mot.

Epeses 5:2

Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.

Epeses 4:3

Mot in dekdek sur mot in takai kut una kinkinis ra a Tokodos na Nion i sa pitar tari tamot, uni i kubus tomo mot nama malmal.

Aposel 4:32

A kum tene nurnur rop, i takai kut a nuknukin det ma a balandet, ma kataio tagun det i watung tu utna sur anunu kut. Det ubek tomo a kum utna sur anundet rop.

Aposel 2:1

Una bung na Pentikos, a kum tene nurnur rop det kis tomo un ara rumu.