Ibru 10:35 - Nupela Testamen long tokples Kandas

³⁵ I mo ra gong mot wan gisen gusun anumot a dekdek na nurnur, uni in labo sakit anumot a ikul uni.

Ibru 10:35 Referans Kwoze

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

Ibru 3:6

Ikut o Karisito, i a Nutun o God ma i lingmulus una nun a pinapam ra i tamtamabat a taro anun o God. Ra dat tur dekdek una nurnur, ma ka dat ngara, ma dat kis langlang sur a kum utna ra o God in pami, dat a taro anun o God.

Luk 14:14

Ra un pami lenri, un dan. Uni, kalako utna anundet sur det in balu i tam, o God in balu i tam una bung ra a kum tene tokodos det in laun melet.”

Ibru 11:26

I nuki lena, a maimai ra in taramo i una risan o Karisito, i wakak doko taun a kum ululeng tong o Ijip, ra a matano i ka doko, uni i tamtama sur anun a ikul numur.

Matiu 5:12

Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

Ibru 4:14

Dat in tur dekdek una kum etowo ra dat nurnur uni ma dat ser wasiso puaso uni. Uni anundat a labino mugumugu na tene etabor torom o God, ra i wan usapat una langit, i ra o Iesu, a Nutun o God.

Ibru 3:14

Ra dat turpas a mur o Karisito, dat tur dekdek una nurnur. Ra dat in tur dekdek una nurnur tuk una ururopino, elar nami ra dat pami numugu, dat tagun o Karisito.

Matiu 10:32

“Osi ra in watung puaso i umatan a taro lena, i tagun iau, iau kai an watung puaso i umatan o Tita ra i kis sapat una langit lena, i tagun iau.

Matiu 10:42

Osi ra in tabor anung tu nat na ususer, ra ke sot umatan a taro, nam lakalik kotokoto na danim, uni i tasmani lena, i anung a nat na ususer, a inanos mot nama lingmulus, i kai in losi ut anun a ikul.”

Ibru 2:2

A kum wasiso ra numugu a kum ensel det wasiso talapor nami i tur sikot. Ra taio ke muri o i pitarngat kut, din pitar tar a warkurai na minabalu toromi, ra i elar nam anun a pitarngat.

Epeses 3:12

Dat langolango sur dat in nan torom o God ma ka dat in ngara, uni dat tagun o Karisito ma dat nurnur uni.

Ibru 10:19

A kum tistising, o God i sa unus ru anundat a kum sakino petutna, ra dat langolango, ma ka dat in ngara sur dat in ruk una nubual ra i Tabu Sakit, kibino una gapin o Iesu.

2 Jon 1:8

Mot in tumarong mot sur gong mot ubek ru asau ra mot sa dekdek pasi. Mot in tur dekdek sur mot in los pas anumot a kudulano ikul.