Ibru 10:27 - Nupela Testamen long tokples Kandas

²⁷ Dat in kis langlang mukut nama nginara sur a warkurai ra in nanpat, ma a karangop na sungun ra in tun rop ru a kum ebar anun o God.

Ibru 10:27 Referans Kwoze

Ibru 2:3

Ra i lenra, in pepetlai torom dat, ra dat rosumur gusun a labino pinapam na ulaun a taro ra o God i sa pam tari? Ka dat in kalabor eno lar pas gusun anun a warkurai na minabalu. A pinapam na ulaun a taro, a Labino ut i sa wasiso puaso mugu taru uni. Ma det ra det longoro in nalngano, det upuaso i torom dat lena i lingmulus sakit.

Tamtama 20:15

Ma osi ra ka di tumus a risano una buk na nilaun, di woro pirso ru i unin labino tung na sungun.

Ibru 12:25

Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit.

Ibru 9:27

A taro rop det in mat ara dino kut, ra numur det in tur una warkurai anun o God.

Matiu 13:50

Ra det in woro ru a kum tene sakino una labino sungun. Det in tangtangis ma det in ungingit lokondet iai.

Matiu 8:29

Der woiwoi lena, “Nutun o God, asau ra u nem na pami un mir? Pepetlai, u wan urin sur un ukadik met? Ke sot utmakai a bung na warkurai.”

Jems 5:3

Anumot a gol ma a silwa der sa ros, ma a rosinder in takun mot, ma in nan a pinimot elar nama sungun. Una kum ururop na bung ri, mot sa ubek tomo pas anumot a kum ululeng.

Ibru 12:29

uni anundat a God i elar nama karangop na sungun, ra in tun rop ru a kum ututna rop.

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

Matiu 13:42

Ma det in woro det una labino sungun. Det in tangtangis ma det in ungingit lokondet iai.

Matiu 3:12

I pam pas anun a pok nam aru lamano sur in lakro susuaro a pino wit gusun a wino wit. Numur in ubek tomo anun a wino wit una nun a rumu na wit, ikut in tun ru a kum pinino una sungun ra ke ser mat.”

Matiu 3:10

Di sa ubek tar a nawu nisan a kum kibino duwai, ma a kum duwai rop ra ka det wu lako wakak na windet, din tau ru det, ma din woro tar det una sungun.

Luk 23:30

Ma ‘det in watungi torom a kum tangai lena, “Mot in puku sapat netes un met!” ma torom a kum du tultul lena, “Mot in por met!” ’ Os 10:8

Luk 21:26

A taro det in matmat lalang nama nginara kibino una kum utna ra in nanpat una rakrakon bual, uni a kum utna sapat netes una bakut det in tugunu.

Luk 19:27

“‘Ra mot in ben pas anung a kum ebar ra ka det nemi sur an king anundet, mot in um doko det nin ut umatang.’”

Luk 16:24

Ra i kakabo lena, ‘Tita Abaram, un maris iau, un tulu ru o Lasarus sur in puk pas in kaskas na lamano una danim sur in ukotokoto tar in karmeng nami, uni a taramo a labino ngunungut nin una sungun.’

A Wakak na Wasiso un o Iesu Karisito o Jon i tumusi 5:29

Det in katutur melet gusun a kum kulam na minat. Det ra det sa pam tar a wakak na petutna det in katutur melet gusun a minat sur a nilaun tukum. Ma det kai ra det sa pam tar a sakino petutna, det in katutur melet gusun a minat sur a iniru tukum.”