Galesia 6:13 - Nupela Testamen long tokples Kandas

¹³ Det ut ra di tok talilis det, ka det mur sot pas a Warkurai. Ikut, det nemi ut sur din tok talilis mot, sur din warango pas det un asau ra det pami un mot.

Galesia 6:13 Referans Kwoze

Pilipai 3:3

Dat ra dat lotu torom o God nama dekdekin a Niono, dat kut ra, a taro mulus anun o God, i elar nami ra di sa tok talilis tar a pinindat. Ka dat nurnur una pinapam ra a taro det pami, awu. Dat gas kut una pinapam ra o Karisito Iesu i sa pam tari un dat.

1 Korin 5:6

Ke wakak ra mot ulabo pas mot ut. Pepetlai, ka mot tasmani lena lakalik nat na is kut, in ulabo rop pas a palawa?

2 Pita 2:19

Det liliman torom det lena, det in langolango, ikut det ut, ka det langolango, det tene ititula torom a kum dur na magirandet. Uni taio in tene ititula torom asau ra i labo doko una nun a nilaun.

2 Korin 11:18

A susut na taro det warango pas det elar nama ngasino anun a rakrakon bual, i mo ra iau kai an warango pas iau ut.

Matiu 23:15

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot wan tuptupukus sa utasi ma sa ubual, sur mot in dat pukus taio, sur in nanpat a nat na ususer anumot. Ra i sa mulaot, mot sa tarai taru uni, sur in nan sur a labino sungun, ma anun a sakino petutna in labo taun anumot a sakino petutna.

Matiu 23:3

I mo ra a kum utna rop ra det ususer mot uni, mot in muri, ma mot in pami. Ikut, gong mot mur anundet a ngasino, uni ka det pam asau ra det watung tari.

1 Korin 3:21

I mo ra gong taio i warango pas tu musano. Uni a kum utna rop anumot ut:

Matiu 23:23

“In laulau doko torom mot a kum tene ususer tagun a Warkurai ma a kum Parisi, mot a kum tene torotoro. Mot nuknuk doko sur a kum natnat na warkurai lenri, mot pitar in tekteken nanai torom o God tagun a noino natnat na duwai ra i sangsangnain wakak tagun anumot a kinobot, ikut ka mot nuk pas a kum lamlabino utna una kum warkurai. Iri a kum lamlabino utna: a tokodos na warkurai, ma a marmaris torom a taro, ma a lingmulus na petutna. I wakak sur mot in pam a kum utna ra, ma gong kai mot dumano ru in tektekene tagun a noino, sur mot in pitari torom o God.

Luk 5:38

Din titior a matok na wain ut utiro unin matok na koto na wain.