Galesia 2:1 - Nupela Testamen long tokples Kandas

¹ Numur tan a noino ma wat na kilalo, a wan melet usapat o Jerusalem, mir nam o Banabas, ma a beni kai o Taitus.

Galesia 2:1 Referans Kwoze

Galesia 2:3

Mir kis tomo nam o Taitus, a te Grik, ikut ka det ungongos pasi sur din tok talilis a pinino, elar nama Warkurai anun a taro Juda.

Taitus 1:4

A tumtumus torom ui Taitus, a nutunglik ra anundar a nurnur i elar. A marmaris ma a malmal tan o God a Tamandat, ma o Karisito Iesu anundat a Tene Ulaun, in kis tomo nam ui.

Kolosi 4:10

O Aristakus, ra i kis tomo nam iau una karabus, i pitar anun a marmaris torom mot, der nam o Mak a malin o Banabas. Ra o Mak in nanpat torom mot, mot in gas pasi, elar nama wasiso ra mot sa rakon mugu tari.

Galesia 2:13

Ra o Pita ke wangon tomo melet mo nama taro ra awu sur a taro Juda, a ramano kum te Juda ra det nurnur un o Iesu, det muri mukut a petutna anun o Pita ma det kai det raro tomo nami. Una nundet a petutna ri, det ben raro i utkai o Banabas.

Galesia 1:18

Ra a tulu kilalo i sa rop, a wan maragom usapat o Jerusalem sur an tama o Pita, ma a kis tomo nami a noino ma limo na bung.

2 Korin 8:23

Ma o Taitus i papam tomo nam iau, sur mir in warut mot. Ma aru tistisi mot kai, ra detul nam o Taitus detul in nan tomo, der tur ukinalong a taro na lotu una kum tamon, ma nunder a nilaun, i pitar a urur torom o Karisito.

2 Korin 8:16

A watung wakak torom o God ra i unuk tar o Taitus sur in warut mot. I nem mot elar nam iau kai a nem mot.

1 Korin 9:6

Ke tokodos sur mir kut, mir in papam nama lamamir sur a mani ra mir in laun nami.

Aposel 15:25

Uniri met sa wasiso tomo pas, ma met rop met mulaot sur met in pilok pas lako ru musano, sur met in tulu der torom mot. Der in nan tomo nama ru wakak na paspasa met, o Banabas ma o Pol,

Aposel 14:12

Ra det nuki lena o Banabas a god Sus, ma o Pol a god Ermes, uni i a tene wasiso tander.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 13:2

Ara bung ra det lotu torom a Labino ma det wewel, a Tokodos na Nion i watungi lena, “Mot in pilok pas o Banabas ma o Sol sur anung, sur a pinapam ra a kabo pas der suri.”

Aposel 12:25

O Sol ma o Banabas der urop anunder a pinapam sapat o Jerusalem, ra der milet melet utong o Antiok. Der ben pas o Jon, ara risano kai o Mak, ra detul wan tomo.

Aposel 11:30

Det woro tomo tar a mani, ra o Banabas ma o Sol der losi torom a kum mugumugu na lotu sapat o Jerusalem.

Aposel 11:25

Numur o Banabas i wan bulung utong o Tasus, sur in sisio sur o Sol.

2 Korin 2:13

Ikut in balang ke molmol, uni ka sio pas o Taitus, a tisinglik una nurnur. I mo ra a wasiso na itula taru torom det tagitiro iai, ra a wan pas utong o Masedonia.

Galesia 2:9

O Jems, o Pita ma o Jon, ra a taro det watung detul nama tulu mugumugu, detul tama i ra o God i tabor iau nama marmaris, ma detul mulaot pas mir nam o Banabas sur mir in papam. Detul mulaot sur mir in nan torom a taro ra awu sur a taro Juda, ma detul, detul in nan torom a taro Juda. Ra detul gas pas mir ra met sikan, uni met ara kut una pinapam.