Galesia 1:21 - Nupela Testamen long tokples Kandas

²¹ Numur a wan utong una papor Siria, ma una papor Silisia.

Galesia 1:21 Referans Kwoze

Aposel 15:41

Ra der wan tuptupukus epotor una papor Siria ma una papor Silisia, ma der udekdek a taro na lotu una kum tamon.

Aposel 9:30

Det ra det tar tistisino una nurnur, det longoro i. Ra det beni utong o Sisaria, ra numur det tulu ru i utong o Tasus.

Aposel 6:9

Ikut ara taro Juda det engaras nam o Stiwen. A taro ri tagun a rumu na lotu ra di watungi lena, Anun a Langolango na Taro. Det tagun aru tamon, o Sairini ma o Aleksanderia ma tagitong una ru papor, o Silisia ma o Asia.

Aposel 15:23

Ra det tumus tar a pas sur det in losi. A pas ra i watungi lenri: Met a kum aposel ma a kum mugumugu, met a kum tistisi mot, met tumtumus torom mot a kum tene nurnur tagun a taro ra awu sur a taro Juda ra mot kis tong o Antiok, ma una ru papor Siria ma o Silisia: A marmaris torom mot.

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

Aposel 23:34

O Peliks i luk tar a pas, ra i ting o Pol lena, “Ui tagun osi na papor?” Ra i sa tasmani lena o Pol a te Silisia,

Aposel 22:3

“Iau a te Juda, di usus iau tong o Tasus una papor Silisia. A barman taru ut nin o Jerusalem, ma iau a nat na ususer anun o Gamaliel, ma i ususer wakak iau una Warkurai anun a kum tumtubun dat tagun numugu, ma a papam dekdek torom o God lenutri mot pami.

Aposel 21:39

Ma o Pol i balu i lena, “Iau a te Juda tagitong o Tasus, una papor Silisia, awu sur iau tagitiro un tu tamon oros kut. A saring ui, sur un mulaot iau sur an wasiso torom a taro ri.”

Aposel 21:3

Met tama a ailan Saipras una papor kair imet, ra met wan sakit ru i. Ra met wan utong una papor Siria, ma met sot tong o Tair, sur din usirok a kum utna tiro iai.

Aposel 18:18

Ra o Pol i sa kis suano pasi tong o Korin, i wan gusun det ra det tar tistisino una nurnur, ma i wan utong o Senkria. Tiro iai, di kumur rop ru a iwu na lorino, sur in ese i lena, i sa pam sot pas anun a liliman torom o God. Ra detul nam o Prisila ma o Akuila detul kas una sip utong una papor Siria.

Matiu 4:24

Ma a wasiso un o Iesu i wan sarara una papor Siria rop. Ra det ben rop pas a taro ra a kum wur ngas na misait i ban laulau det, a taro ra a dekdek na ngunungut i ban laulau det, ma det ra a kum laulau na nion kura un det, det kai ra det ser mat lalang ma det ra a pinpinin det i mat. Ra o Iesu i ulangolango pas det rop.