Epeses 5:9 - Nupela Testamen long tokples Kandas

⁹ Uni a nilaun anun o naro ra i kis una talapor i wu a wino lenri: a kum wakak na petutna, a kum tokodos na petutna, ma a lingmulusino.

Epeses 5:9 Referans Kwoze

3 Jon 1:11

A wakak na pasang, gong u tamtama ususer una sakino petutna, un muri kut a wakakino. Osi ra i pam a wakakino, i anun o God, ma osi ra i pam a sakino, ke tasman o God.

A Pas anun o Pol torom a taro Rom 15:14

A kum tistising, a tasmani ut lena mot bukus nama wakak na petutna ma a mananos, ma mot pet lar pasi sur mot in ususer etetalai mot.

Epeses 6:14

Mot in tur dekdek, mot in ker ukai mot nama lingmulus, elar nama let. Ma mot in emar nama tokodos na petutna, elar nama du pino aen ra a tene inaim i ubek bat a romrobono nami.

1 Timoti 6:11

Ikut ui, Timoti, ui a musano anun o God, un nan gisen gusun a kum utna ri. Un dekdek sur un mur a tokodos na petutna, ma a petutna ra i wakak umatan o God, a nurnur mulus, a marmaris, a tuntunur dekdek, ma a wowowon na petutna.

Pilipai 1:11

Ma a wararing sur mot in bukus nama tokodosino, ra o Iesu Karisito in pam pati una numot a nilaun, sur a taro det in watung ulabo pas o God, ma det in rakon lekeleke pasi.

1 Jon 2:29

Mot tasmani lena, o God a tene tokodos, ma mot tasmani kai lena, det rop ra det pam a tokodos na petutna, det a kum nutnutun o God.

Ibru 11:33

Una nundet a nurnur, a taro ri det waim tomo nama kum king ma det winim rop pas det, det papam nama tokodos na petutna, det los pas a kum utna ra o God i uliliman tar det nami, ra det pam bat a wan a kum laion.

Epeses 4:15

Ikut, dat in watung a lingmulus na wasiso tomo nama marmaris. Ra dat in pami lenra, dat in lubung una kum utna rop sur dat in elar nam o Karisito, i ra in lorindat.

A Pas anun o Pol torom a taro Rom 2:4

I sa ese anun a wakak na petutna ra i bukus torom mot, ma ke warkurai lakit mot una numot a kum sakino petutna, ma a pinino ke ngoro lakit nam mot. Pepetlai, mot nuk penpen kut una nun a kum wakak na petutna ra? Pepetlai, ka mot tasmani lena, i maris mot lenri sur mot in nukpukus?

Ibru 1:8

Ikut o God i watungi un o Nutunu lenri, “God, anum a kiskis na king in kis tukum ma ken rop. U ser warkurai sur a taro tagun anum a matanitu nama tokodos na petutna.

Epeses 4:25

I mo ra mot in woro ru a torotoro, ma mot in watung a lingmulusino torom a kum paspasa mot, uni dat rop dat a kum du pinin o Karisito.

A Wakak na Wasiso un o Iesu Karisito o Jon i tumusi 1:47

O Iesu i tama pas o Natanael i wan nanan toromi, ra i watungi lena, “A te Israel mulus ut ri, ke tasman a torotoro.”

Matiu 3:8

Mot in pam a kum utna ra in upuaso i lena, mot sa nukpukus.

Kolosi 3:18

Mot a kum nolin na ino, i wakak sur mot in ser unatino pas mot torom anumot a kum musano, uni i tokodos sur mot, a taro anun a Labino mot in pami lenra.