Biblia Todo Logo
Bib sou entènèt

- Piblisite -




Epeses 5:8 - Nupela Testamen long tokples Kandas

8 Numugu mot kis una dumirum, ikut uniri, mot kis una talapor uni mot tagun a Labino. Mot in laun elar nama kum nutnutun a talapor.

Gade chapit la Kopi




Epeses 5:8
43 Referans Kwoze  

O Iesu i wasiso melet torom a taro, ra i watungi lena, “Iau a talapor tagun a rakrakon bual. Osi ra i mur iau, in pam ukai a talapor na nilaun, ma ken nan melet una dumirum.”


Ra dat laun una talapor, elar nam o God i kis una talapor, dat lason etetalai torom dat, ma a gapin o Iesu, a Nutunu, i rus talapor dat gusun a kum sakino petutna rop.


Un utamtama det sur det in tupukus gusun a dumirum sur a talapor, ma gusun a dekdekin o Satan sur o God, sur din unus ru anundet a kum sakino petutna. Det in nurnur un iau, ma una nundet a nurnur, det in kis tomo nam det ra o God i sa pilok pas det sur anun a taro.’


I sa ulaun pas dat gusun a dekdekin a dumirum, ma i sa ben ruk pas dat una matanitu anun o Nutunu ra i nem doko i,


A sa wanpat urin una rakrakon bual elar nama talapor, sur osi ra i nurnur un iau, ken kis una dumirum.


Anundet a mananos i dumirum ma det bakbak gusun a nilaun anun o God, uni ka det tasman a lingmulusino, uni a balandet i watat.


Ra a talapor i kis utmakai torom mot, mot in nurnur uni, sur mot a kum nutnutun a talapor.” Ra o Iesu i sa watung rop tar a wasiso ri, i wan eno pas gusun det.


Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.


Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.


Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.


“Anun a labino i tasmani lena a tultul ri ke lingmulus una nun a pinapam, ikut i watung ulabo pasi kibino una nun a mananos ra i pam a torotoro ri nami. Uni a taro tagun a rakrakon bual, det mananos doko sur anundet a pinapam tomo nama taro tagun a rakrakon bual, ikut a taro tagun a talapor ka det mananos.


Uni ka dat waim nama taro, dat waim nama kum mugumugu anun a kum laulau na nion, a kum nion ra det utur ukai a warkurai, a kum nion ra det utur ukai a dekdekin a dumirum nin una rakrakon bual, ma a kum laulau na nion tagun a maino.


Ma dat, ra ka di pulus bat a masarindat nam tu du malu, dat upuaso a minamar anun a Labino. Ma anundat a nilaun i tupukus nanan sur dat in elar nam o Karisito, ma anun a minamar i lubung una nundat a nilaun. A minamar ra, tan a Labino ut, i ra a Nion.


In sisio un det ra det kis una dumirum, ma una dumirum na minat, sur in mugu dat una kisapi na malmal.”


Gong mot tur tomo nam det ra ka det nurnur, uni a tokodos na petutna der pasano pepetlai nama sakino petutna? A talapor der in kis tomo pepetlai nama dumirum?


O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.


Mot nuki lena, mot elar nam ara ra i ben a pulu, ma mot elar nama talapor torom det ra det kis una dumirum.


A talapor mulus, ra i ser utalapor a taro rop, in nanpat mo urin una rakrakon bual.


A taro ra det kis una dumirum det sa tama a labino talapor, ma det ra a dumirum na minat i pulus bat det, a talapor i sa wanpat torom det.” Ais 9:1-2


Ra a Tokodos na Nion i sa pitar tar a nilaun torom dat, i wakak sur dat in nan tomo nami.


Det tasmani ut o God, ikut ka det ulabo pasi lenri, i a God, ma ka det watung wakak kai toromi. Det nuk penpen oros kut, ma a balandet i dumirum, uni kalako mananosin det.


Mot in laun nama marmaris, elar nam o Karisito i maris dat, ra i pitar tar anun a nilaun sur dat, elar nama etabor ra i sangnain wakak torom o God.


Una kum kilalo numugu, o God ke nuknuk una kum petutna anun a taro ra ka det nuk pasi. Ikut uniri, i pitar a warkurai sur a taro rop una rakrakon bual det in nukpukus.


Mot in pam a kum utna ra in upuaso i lena, mot sa nukpukus.


O Iesu i watungi tandet lena, “A talapor ken kis suano i mo torom mot. Ra a talapor i kis utmakai torom mot, mot nan tuptupukus. Numur a dumirum in pulus bat mot. I ra i wanan una dumirum, ken tasmani lena in nan urai.


I sa labino mirum pas, ma milau mo in waspi. I mo ra dat in lakro ru i mo a kum pinapam tagun a dumirum, ma dat in emar pas nama kum utna na inaim tagun a talapor.


ra mot in watung wakak torom a Tamandat, ra i warut mot sur mot in pet lari sur mot in rakon a kum utna tomo nam anun a taro. A kum utna ra i sa uliliman tari torom det, ra det kis una talapor.


Swiv nou:

Piblisite


Piblisite