Epeses 3:13 - Nupela Testamen long tokples Kandas

¹³ I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.

Epeses 3:13 Referans Kwoze

2 Tesalonaika 3:13

Ma torom mot, a kum tistisi metul, gong a pinimot i ngoro nama pam a kum tokodos na petutna.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

2 Korin 1:6

Met taramo a kum mamaut, sur mot in los a warut uni, ma sur din ulaun mot. Ra o God in umarom met, mot kai mot in taramo i. A umumarom ra mot in taramo i, in udekdek mot sur mot in tur dekdek una kum ngas na ngunungut ri, ra met taramo i.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Galesia 6:9

Gong a pinindat i ngoro una wakak na pinapam ra dat pami, ma gong dat mana gusuni. Ra a du bung in sot, dat in pasong pas a wino tagun anundat a pinapam.

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

Pilipai 2:18

Lenra, mot kai mot in gas, ma mot in gas tomo nam iau.