Epeses 2:3 - Nupela Testamen long tokples Kandas

³ Numugu, dat kai dat laun elar nama taro na pitarngat. Dat kai dat ugasgasi kut a pinindat, ma dat mur a kum nemnem ina pinindat ma a nuknukin dat. Di usus pas dat kai a kum tene sakino ut, ma a kankan anun o God i kis un dat, elar nami ra i kis un det a taro na pitarngat.

Epeses 2:3 Referans Kwoze

Taitus 3:3

Uni dat kai numugu, ka dat mananos, dat a kum tene pitarngat, dat wan raro, dat karabus una nundat a kum laulau na nemnem, ma a wur ngas na utna rop ra dat gas suri. Una nundat a kinkinis na nilaun dat pam a kum sakino, ma dat nuknuk laulau sur a utna anun taio, ma dat nget etetalai dat.

1 Pita 1:14

Mot a kum nutnutun o God, ra mot ser mur anun a wasiso, gong mot mur a kum sakino nemnem ra numugu mot ser pami ra ka mot mananos utmakai.

Epeses 4:22

Di ususer mot sur mot in nan gusun a ngas na nilaun ra mot muri numugu. Mot in palos ru i elar namin turai na malu, uni i laulau ma i toro dat sur dat in mur a kum sakino nemnem.

A Pas anun o Pol torom a taro Rom 13:14

Ikut mot in emar nama nilaun anun a Labino o Iesu Karisito, ma gong mot nuknuk sur tu kisapi sur mot in ugasgas a sakino nemnem ina pinimot.

A Pas anun o Pol torom a taro Rom 6:12

I mo ra gong melet mo mot pitar a pinimot, ra i ser mat, sur in kis utuntudu ina dekdekin a sakino petutna, sur mot in mur a kum sakino nemnem ina pinimot.

1 Jon 2:16

A kum utna ra kuri una rakrakon bual i lenri: a kum laulau na nemnem tagun a balandat, a kum laulau na nemnem tagun a matandat, ma a umuman labino nama kum utna anundat ma a kum pinapam ra dat pami. A kum utna ri awu sur tagisapat tan a Tamandat, taginin ut una rakrakon bual.

Epeses 2:2

Mot mur a kum petutna tagun a rakrakon bual, ma mot mur o Satan, a mugumugu anun a matanitu tagun a maino, ra uniri a niono i papam un det ra det pitarngat.

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

2 Korin 7:1

A kum wakak na paspasang, dat sa rakon pas a kum liliman ri, ra i wakak sur dat in utalapor pas dat gusun a kum utna rop ra i udur a pinindat ma a niondat. Ma dat in talapor rop, uni dat urur doko torom o God.

1 Korin 4:7

Osi ra i watungi lena, ui u wakak taun tu pasandet? Asau anumi ra o God ke pitar tari tam? Ra o God i sa pitar tar a kum utna tam, ilai ra u warango pas ui nami?

A Pas anun o Pol torom a taro Rom 7:18

A tasmani lena katu wakak na utna kuri i laun un iau. A wasiso lenra una sakino nemnem ina pining. Uni, a nemi ut sur an pam a wakakino, ikut ka pet lar pasi.

A Wakak na Wasiso un o Iesu Karisito o Mak i tumusi 4:19

ikut a labino nuknuk sur a wakak na kinkinis nin upiso, ma a kum usobor tagun a kum ululeng taginin una rakrakon bual, ma a nemnem kai sur a ramano kum utna, i rau bat a wasiso anun o God, ra ka det wu lako windet.

A Pas anun o Pol torom a taro Rom 11:30

Numugu, mot a taro ra awu sur a taro Israel, mot ser pitarngat torom o God. Ikut uniri, mot sa rakon anun a marmaris, uni a taro Israel det pitarngat toromi.

A Pas anun o Pol torom a taro Rom 9:22

Lenutkai ra o God i pami una taro. O God i ling sur in ese anun a kankan ma a dekdekino. Ikut i kis langlang utmakai, ma ke pitar lakit a minabalu torom a taro ra det kis utuntudu ina nun a kankan, det ra det sa waninar sur a iniru.

A Wakak na Wasiso un o Iesu Karisito o Jon i tumusi 1:13

Awu sur di watung det a kum nutnutun o God kibino una usus na kabotaro, o una nuknukin tu musano taginin upiso, o una nemnem tagun a nolin, awu. Di usus det una nion, una nemnem ut anun o God.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

2 Pita 2:14

A kum bung rop, a matandet i tamtama kut sur tu ino anun taio o tu musano kai anun tu ino, sur det in pam a sakino tomo nami. Ka det mana gusun anundet a kum sakino petutna. Det ulam raro a taro ra ka det tur dekdek. Det lason doko una nemnem sur a susut na ululeng. Ikut, anundet a iniru i sa waninar.

1 Timoti 6:9

Ma det ra det nem a labino mani, det in puku una ululam, ma det in iru unin nukun, ma a kum nemnem ororos kut, ma a nemnem sur a utna ra, in ban laulau det. Ra in woro pirso a susut na taro una minat ma a iniru tukum.

Galesia 3:22

Ikut a Buk Tabu i watung puaso i lena, a taro rop una rakrakon bual, anundet a sakino petutna i ukarabus det. Lenra, det kut ra det nurnur un o Iesu Karisito det in los pas a etabor ra o God i liliman taru nami.

A Pas anun o Pol torom a taro Rom 1:24

I mo ra, o God i madek tar det sur det in pam a kum dur na petutna elar nama kum sakino nemnem tagun a balandet, ra det in pam a petutna na maimai etetalai una pinindet.

1 Jon 2:8

Ikut a warkurai ra, tuk uniri i matok utmakai. A lingmulus ina warkurai ri, di tama i un o Karisito, ma di tama i kai un mot, uni a dumirum i rop nanan, ma a talapor mulus i sa wanpat.

Aposel 14:16

Numugu utmakai, i madek tar a taro tagun a kum gapman rop sur det in laun elar nama nundet a nemnem.

A Pas anun o Pol torom a taro Rom 2:14

A taro ra awu sur a taro Juda, det ra ka det tasman a Warkurai, ikut det pami ut a wakak na petutna, elar nama Warkurai, i ese i lena a Warkurai kura ut una gapindet.

A Pas anun o Pol torom a taro Rom 5:9

Ma una gapin o Iesu, o God i watung dat lena dat tokodos umatano. I mo ra i lingmulus sakit lena, o Iesu in ulaun pas dat gusun a kankan anun o God, una bung na warkurai.

A Pas anun o Pol torom a taro Rom 5:10

Ra dat kis na ebar utmakai nam o God, i tulu ru o Nutunu sur in mat sur dat, sur dat in emarom melet nam o God. Ra dat kis na emarom nam o God, i lingmulus sakit, in ulaun pas dat, kibino una nilaun anun o Nutunu.

Kolosi 1:21

Numugu mot kis bakbak gusun o God, ma una nuknuki mot, mot anun a kum ebar, kibino una kum sakino petutna ra mot ser pami.

1 Tesalonaika 4:13

A kum tistisi metul, metul nemi sur mot in mananos un det ra det sa mat, ma gong mot tupunuk dekdek elar nama taro ra ka det nurnur una katkatutur melet gusun a minat.

1 Tesalonaika 5:6

I mo ra gong dat elar nam ara taro ra det inep dumun. Dat in koikoi ma dat in tamtamabat wakak anundat a nilaun.