Aposel 9:20 - Nupela Testamen long tokples Kandas

²⁰ Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

Aposel 9:20 Referans Kwoze

A Wakak na Wasiso un o Iesu Karisito o Jon i tumusi 20:28

O Tomas i watungi tano lena, “Anung a Labino ma anung a God!”

Galesia 2:20

Di sa ukete tomo tar iau nam o Karisito unin nanai kutus, ma awu sur iau mo ri a laun, o Karisito mukut i laun un iau. A laun nama pining, ikut a laun nama nurnur una Nutun o God, ra i maris iau ma i pitar tar anun a nilaun sur in ulaun pas iau.

A Wakak na Wasiso un o Iesu Karisito o Jon i tumusi 1:49

O Natanael i watungi tano lena, “Tene Ususer, ui a Nutun o God, ui a King anun a taro Israel.”

Matiu 27:43

I nurnur ut un o God. Ra o God i nemi, uniutri in ulaun pasi, uni i ut i sa watung tari lena, ‘Iau a Nutun o God.’”

Matiu 4:3

Ra a tene ululam i wanpat toromi, ma i watungi tano lena, “Ra ui a Nutun o God, un inanos a kum watat ri sur det in nanpat a beret.”

Tamtama 2:18

“Un tumtumus torom a ensel anun a taro na lotu tong o Taiataira lena: A Nutun o God, ra arin nikiok na matano der elar nama kunabor ina sungun, ma aru kikino der talapor elar nama bras ra di sa tun talapor tari una sungun, i watung a wasiso ri:

A Pas anun o Pol torom a taro Rom 1:4

Ma una nun a katkatutur melet gusun a minat, a Tokodos na Nion i ese i lena, i a Nutun o God ma i dekdek. I ut o Iesu Karisito anundat a Labino.

Aposel 13:14

O Pol ma o Banabas der katutur melet pas tagitong o Perga ra der wan utong o Antiok una papor Pisidia. Ma una Bung na Sabat der ruk una rumu na lotu anun a taro Juda, ra der kis tiro iai.

Aposel 13:5

Der wanpat tong o Salamis, ra der warawai nama wasiso anun o God, una kum rumu na lotu anun a taro Juda. Detul wan tomo nam o Jon, anunder a tene warut.

Aposel 9:22

Ma a warawai anun o Sol i dekdek ra i watung a kum utna ra i ulingmulus pasi lena, o Iesu i ut a Karisito. Ma a taro Juda ra det kis tiro o Damaskus det nuknuk doko una nun a wasiso, ma ka det pet lar pasi sur det in balu i.

Aposel 8:36

Ra der wan nanan una kisapi, der wan taru un ara danim, ra a te Itiopia i watungi tan o Pilip lena, “Tama i, iri a danim, asau melet mo i turbat iau sur gong di baptaiso iau?”

A Wakak na Wasiso un o Iesu Karisito o Jon i tumusi 20:31

Ikut di tumus ukai pas a ramano kum utna ri, sur mot in nurnur lena o Iesu i a Karisito, a Nutun o God. Ra mot in nurnur uni, mot in laun nama risano.

A Wakak na Wasiso un o Iesu Karisito o Jon i tumusi 19:7

A kum te Juda det balu i lena, “Anumet a warkurai i lenri, din um doko i, uni i watungi lena i a Nutun o God.”

Matiu 27:54

A mugumugu anun a kum tene inaim, ma det kai ra kura tomo nami ra det tamtamabat o Iesu, det taramo a guri, ma det tama a kum utna ra i wanpat, ra det ngara doko. Det watungi lena, “I lingmulus ut, a musano ri a Nutun o God.”

Aposel 13:33

uniri i sa pam sot pasi torom dat, ra i ukatutur melet pas o Iesu. Elar nami ra di sa tumus tari una manru na kelekele tagun a kum Kelekele lena, ‘Ui a Nutung, ma uniri a sa wanpat o Tamam.’ Sng 2:7

Aposel 13:46

Ikut ka der ngara ra der watungi lena, “A labino utna sur mir in upuaso mugu tar a wasiso anun o God torom mot. Ma mir sa pam sot pasi. Ikut mot rosumur gusuni, ra i elar nami ra mot ut mot watungi lena, ‘Ka met tokodos sur met in los a nilaun tukum.’ Mot in tama i, mir in nan mo torom a taro ra awu sur a taro Juda.

Aposel 14:1

O Pol ma o Banabas der ruk una rumu na lotu anun a taro Juda tong o Aikoniam ma der wasiso, elar nama ngasino ra der ser pami una kum tamon. Anunder a wasiso i talapor ra a susut na taro Juda det nurnur uni, ma a susut na taro gisen kai.

Aposel 16:13

Una Bung na Sabat met pirso una matansako ina tamon ra, sur a danim, uni met nuki lena a nubual na niaring kura nisan a danim ra. Met kis taru, ma met wasiso nama wardain ra kura det sa kis tomo taru tiro iai.

Aposel 17:2

O Pol i ruk torom det una rumu na lotu elar nami ra i ser pami. Una tulu Bung na Sabat i wasiso tomo nam det una Buk Tabu.

Aposel 17:10

Una bung na mirum ut ra, det ra det tar tistisino una nurnur det tulu lakit ru o Pol ma o Sailas utong o Beria. Numur ra der wanpat tiro iai, der ruk una rumu na lotu anun a taro Juda.

Aposel 17:17

I ruk una rumu na lotu anun a taro Juda, ra i wasiso tomo nama ramano taro Juda, ma a taro gisen kai ra det lotu torom o God. Ma una kum bung rop, i wasiso kai tomo nam det ra i pastorom det una nubual na inawan tomo.

Aposel 18:4

Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.

Aposel 18:19

Ra detul sot tong o Epeses, o Pol i wan pas gusun der tiro iai, ra i ruk una rumu na lotu, ma det wasiso tomo nama taro Juda.

Aposel 19:8

O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang.

Galesia 1:16

sur in upuaso o Iesu a Nutunu torom iau, sur an warawai nami torom a taro ra awu sur a taro Juda. Katu musano i ususer iau uni.