Aposel 8:30 - Nupela Testamen long tokples Kandas

³⁰ Ra o Pilip i kalabor sur a karis, ra i longoro a musano ra i luk a buk anun a poropet Aisaia, ma i tingi lena, “Le, u talapor ut un asau ra u luki?”

Aposel 8:30 Referans Kwoze

A Wakak na Wasiso un o Iesu Karisito o Jon i tumusi 5:39

Mot ser luki ut a Buk Tabu, uni mot nuki lena mot in los a nilaun tukum uni. Ikut a Buk Tabu kai i wasiso ut un iau!

Epeses 5:17

Lenra, gong mot laun elar nama kum longlong, mot in tasman a nemnem anun a Labino.

Matiu 15:10

O Iesu i kabo pas a kunur na taro toromi, ra i watungi tandet lena, “Mot in longoro iau ma mot in tasman lele anung a wasiso.

Matiu 13:23

Ikut a kum pitino ra det lubung sapat una wakak na piso, det elar nam ara musano ra i longoro a wasiso, ma i mananos uni. In wu ara mar, o a wonom na noino, o a tulu noino wino.”

Matiu 13:19

Osi ra i longoro a wasiso una matanitu tagisapat una langit, ma ke mananos uni, i elar nama kum pitino wit ra det puku una kisapi. A Laulau na Musano i wanpat ra i rakon ru a wasiso ra di sa marut tari unin balano.

1 Korin 14:19

Ikut ra a kis tomo nama taro una lotu ma an watungi kut lako limo na du wasiso ra a kukuraino in talapor torom det sur an ususer det nami, i ra i wakak doko taun a noino arip na du wasiso una wasiso gisen, ra ka det in longoro lele i.

A Wakak na Wasiso un o Iesu Karisito o Mak i tumusi 13:14

“Mot in tama ara sakino utna sakit in nanpat, in kis una dino ra ke topasi sur in kis iai, ma in ban udur a dino ra. Osi ra in luk a kum wasiso ri, i wakak sur in mananos uni. Una bung ra, det ra det kis una papor Judia, det in kalabor eno usapat una kum tangai.

Matiu 24:15

“Mot in tama ara sakino utna sakit in nanpat, in kis una rumu anun o God ra in ban udur a rumu ra. A utna ra, o Daniel a poropet i sa wasiso mugu taru uni. Osi ra in luk a kum wasiso ri, i wakak sur in mananos uni.

Matiu 13:51

“Pepetlai, mot sa mananos una kum kukurai ina kum utna rop ri, o awu?” Anun a kum nat na ususer det balu i lena, “Ma! Met sa tasmani.”

Tamtama 13:18

Osi ra i mananos in talapor wakak sur a utna ri. Osi ra i mananos, in pam pat pas a kukurai ina namba anun a kuabor na wewegua, uni a namba i tur ukinalong ara musano. Anun a namba a wonom na mar ma wonom na noino ma a wonom (666).

Aposel 8:27

Ra o Pilip i katutur pas, ma i wan. Ra der etorom nam ara musano tagitong o Itiopia, a labino tene tamtamabat a ututna anun a Kandake, a kwin anun a taro Itiopia. A musano ri i wan usapat o Jerusalem ra i lotu torom o God.

A Wakak na Wasiso un o Iesu Karisito o Jon i tumusi 4:34

O Iesu i watungi tandet lena, “Anga utna na inangon iri i, an pam sot pas a nemnem anun o naro ra i tulu ru iau urin, ma an urop anun a pinapam.

Aposel 8:5

O Pilip i wan utiro una labino tamon tong una papor Samaria, ma i warawai un o Karisito torom det.

Aposel 8:29

Ra a Tokodos na Nion i watungi tan o Pilip lena, “Un nan milau a karis, ma un nan tomo nami.”

Aposel 8:31

Ra i balu i lena, “An tasman petlani, ra kataio in watung palosi torom iau?” Ra i saring o Pilip sur in kas ma der in kis tomo.