Aposel 8:1 - Nupela Testamen long tokples Kandas

¹ Ra o Sol i mulaot sur din um doko o Stiwen. Una bung ra di um doko o Stiwen, a taro det turpasi sur det in ukadik a taro na lotu sapat o Jerusalem, ma a taro na nurnur rop det wan sarara una aru papor Judia ma o Samaria. Ikut, a kum aposel ka det wan, det kis ut.

Aposel 8:1 Referans Kwoze

Aposel 22:20

Ra di duku doko o Stiwen, i ra i ser wasiso puaso un ui, iau kai a tur ut tiro iai. A mulaot tomo nam det, ma a tamtamabat a kum saket anundet ra det duku doko i.’

Aposel 7:58

Det dat pirso ru i gusun a tamon, ra det dukuduku i. Ma det ra det takun o Stiwen, det palos ru anundet a kum saket, ra det ubek tari nisan aru kikin ara barman, a risano o Sol.

Aposel 5:40

Ma det mulaot una nun a wasiso, ra det kabo melet pas a kum aposel, det miras tatar det, ma det turbat det sur gong mo det wasiso nama risan o Iesu. Numur det palos ru det.

Aposel 5:33

Det longoro a wasiso ri, ra det kankan doko, ma det nem na um doko a kum aposel.

Aposel 1:8

Ikut a Tokodos na Nion in kis un mot, ma mot in utur ukai a dekdek, ma a utna ra mot tama i un iau, mot in wasiso uni sapat o Jerusalem, ma una kum tamon rop tong una ru papor Judia ma o Samaria, ma una rakrakon bual rop.”

Aposel 8:14

A kum aposel ra det kis sapat o Jerusalem, det longoro i lena a taro Samaria kai det sa mur a wasiso anun o God, ra det tulu ru o Pita ma o Jon torom det.

Aposel 9:31

Numur a taro na lotu tong una tulu papor Judia, Galili ma o Samaria, det kis na malmal. Det kis nama urur torom a Labino, ra a Tokodos na Nion i uragot det. Ra a niluluk ina taro na nurnur i labo nanan.

Aposel 8:4

Ma det ra det wan sarara tagisapat o Jerusalem, det warawai nama Wakak na Wasiso una kum tamon ra det wan iai.

A Wakak na Wasiso un o Iesu Karisito o Jon i tumusi 15:20

Mot in nuk pas a wasiso ra a sa watung tari tamot lena, ‘A tultul ke labo taun anun a labino.’ Ra det ban laulau iau, det in ban laulau mot kai. Ra det mur anung a wasiso, det in muri kai anumot a wasiso.

Ibru 11:27

Una nun a nurnur, o Moses i katutur tagitong o Ijip, ma ke ngaran a kankan anun a king. I tur dekdek, uni i tama tar o God, i ra ka di tama tari.

Pilipai 1:12

A kum tistising, a nemi sur mot in tasmani lena, a kum mamaut ra a taramo i, i ulubung a Wakak na Wasiso sur in nan sarara.

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

Aposel 7:38

O Moses i kis tomo nama kum tumtubun dat tagun numugu, a taro Israel, una nubual kalako taro uni. Ra a ensel i wasiso toromi una Tangai Sainai. O Moses i los pas a wasiso na nilaun, ma i tumus ukai tari sur anundat uniri.

Aposel 5:20

ma i watungi lena, “Mot in nan, ma mot in tur ubalan in noworo ina rumu na etabor, ma mot in inanos a taro nama kum wasiso rop una matok na nilaun ri.”

Aposel 5:18

Ra det pam ukai pas det, ma det uruk det una karabus.

Aposel 2:47

Ra det watung ulabo pas o God, ma a taro rop det gas nam det. Ma una kum bung rop, a Labino i ulaun a susut na taro, ra di luk tomo det nama kum tene nurnur.

A Wakak na Wasiso un o Iesu Karisito o Jon i tumusi 16:2

Det in turbat mot gusun a kum rumu na lotu. Numur a du bung in nanpat, ra a taro ra det um doko mot, det in nuki lena det pami ut a pinapam anun o God.

Matiu 23:34

I mo ra an tulu ru a kum poropet, a kum tene mananos, ma a kum tene ususer torom mot. Lako taro tagun det, mot in um doko det, ma lako taro, mot in sak wat det una kum nanai kutus, ma lako taro kai, mot in um det una numot a kum rumu na lotu, ma mot in lu ru det gusun anumot a kum tamon, ma det in kalabor sur a kum tamon gisen.

Matiu 22:6

Ma ara taro kai ra di wan sur det, det pam ukai pasi kut a kum tultul, ma det ban laulau det ma det um doko det.

Matiu 5:13

“Mot a sol tagun a rakrakon bual. Ikut, ra a makasmanino i sa rop, din umakasman meleti mo pepetlai? Katu utna mo i gas uni. Din woro pirso ru i unago utamon, ma a taro det in papapas mukut netes uni.

Aposel 7:54

Ra a taro na kiwung det longoro a kum wasiso anun o Stiwen, det kankan doko, ma det karot bum toromi.

Aposel 8:2

A kum tene lotu mulus det por tar o Stiwen, ma det domosi.

Aposel 8:5

O Pilip i wan utiro una labino tamon tong una papor Samaria, ma i warawai un o Karisito torom det.

Aposel 13:36

“O Dewid i pam sot rop pas a nemnem anun o God una nun a kum bung na nilaun. Numur i mat, ra di pori tomo nama kum tumtubunu, ma a pinino i mereseng.

Aposel 26:10

A pam a pinapam ri sapat o Jerusalem. A wan nama warkurai anun a kum lamlabino tene etabor torom o God, ma a uruk a susut na tene nurnur una karabus. Ra din um doko det, iau kai, a mulaot sur det in mat.

A Pas anun o Pol torom a taro Rom 1:32

A ngas na taro lenri, det tasmani ut a warkurai anun o God lena, det ra det ser pam a kum petutna ri, i sot sur det in mat. Ikut det pami kut, ma det mulaot sur a taro gisen kai det in pami.