Aposel 7:55 - Nupela Testamen long tokples Kandas

⁵⁵ O Stiwen i bukus nama Tokodos na Nion, ma i tatado usapat una langit, ra i tama a minamar anun o God, ma o Iesu kai, kura i tur taru una papor sot na laman o God.

Aposel 7:55 Referans Kwoze

A Wakak na Wasiso un o Iesu Karisito o Mak i tumusi 16:19

Ra a Labino o Iesu i sa wasiso taru tandet, o God i ben toto pasi usapat una langit, ma o Iesu i kis una papor sot na laman o God.

Ibru 1:3

O Nutunu i talapor doko nama minamar anun o God, ma i elar mulus ut nam o God. I pam ukai a kum utna rop nama nun a dekdek na wasiso sur det in papam tomo wakak. I pitar tar anun a nilaun, sur in rus talapor dat gusun a kum sakino petutna rop. Ra i sa pam rop tar a pinapam ra, i kis una papor sot na laman a labino King sakit, sapat netes una langit.

2 Korin 4:6

Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

Aposel 6:10

Det lagano balubalu tar anun a wasiso, uni a Tokodos na Nion ut i pitar a mananos tano.

Aposel 6:8

O Stiwen i bukus nama dekdek ma a marmaris anun o God, ra i pam a kum lamlabino utna na ukisin, ma a kum ukinalong utkai umatan a taro.

Aposel 6:5

Det rop det gas una wasiso ri. Ra det pilok pas o Stiwen, a musano ra i bukus nama nurnur ma a Tokodos na Nion. Ra det pilok pasi kai o Pilip, o Prokorus, o Nikano, o Timon, o Pamenas, ma o Nikolas, a musano tagitong o Antiok, ra awu sur a te Juda, ikut i ruk una lotu Juda.

Ibru 8:1

Iri a labino utna ra met sa wasiso pas uni: Anundat a mugumugu na tene etabor torom o God i sa kis una papor sot na laman a kiskis anun o God, a labino King sakit sapat netes una langit.

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

A Wakak na Wasiso un o Iesu Karisito o Jon i tumusi 12:41

O Aisaia i watungi lenri uni i sa tama mugu a minamar anun o Iesu, ra i wasiso uni.

Aposel 6:3

A kum tistisi met, mot in pilok pas lako wonom mawit na wakak na musano tagun mot, det ra det mananos ma det bukus nama Tokodos na Nion, sur met in pitar tar a pinapam na etabor ri torom det.

Tamtama 21:11

I talapor nama minamarin o God, a talaporino i pilpil elar nama wat ra matano i ka doko, di watungi nama jaspa, i talapor elar nama galas.

2 Pita 1:17

O God o Tamano i ulabo pas a risano ma i pitar a minamar tano, ra i wasiso namin walngano tagisapat una nun a labino minamar. I watungi lenri, “Iri a Nutunglik, a nat na wakak, a gas doko nami.”

Aposel 4:8

O Pita i bukus nama Tokodos na Nion, ra i watungi tandet lena, “Mot a kum mugumugu anun a taro ma a taro na kiwung kai,

A Wakak na Wasiso un o Iesu Karisito o Jon i tumusi 14:3

Ra a sa waninar tar a dino sur mot, an milet melet, ma an ben pas mot torom iau sur mot kai mot in kis una tamon ra a ser kis iai.

A Wakak na Wasiso un o Iesu Karisito o Jon i tumusi 11:41

I mo ra det bulus ru a wat. O Iesu i tatado usapat netes, ra i watungi lena, “Tita, a watung wakak torom ui, uni u sa longoro iau.