Aposel 6:7 - Nupela Testamen long tokples Kandas

⁷ A wasiso anun o God i wan sarara, ma a niluluk ina taro na ususer sapat o Jerusalem, i labo nanan kai. Ma a susut na tene etabor torom o God kai, det nurnur ma det mur a Wakak na Wasiso.

Aposel 6:7 Referans Kwoze

Aposel 19:20

Ra a wasiso anun a Labino i wan sarara, ra i lubung ma i dekdek.

Aposel 12:24

Ikut a wasiso anun o God i lubung, ma i wan sarara una susut na tamon.

Kolosi 1:6

ra i wanpat torom mot. A Wakak na Wasiso, ra i lubung, ma i wu a wino una rakrakon bual rop, elar nami ra i wu epotor tamot, turpasi una bung ra mot longoro i, ma mot tasman mulus a marmaris anun o God.

Ibru 5:9

O God i pam sot pas a pinapam ra un o Nutunu, ra o Nutunu i wanpat a kibin a pinapam na ulaun tukum a taro, torom det rop ra det ser mur anun a wasiso.

A Pas anun o Pol torom a taro Rom 16:26

Ikut uniri, i sa wanpat puaso. Met wasiso talapor una sau ra a kum poropet det watung tari un o Karisito. Met pami elar nami ra o God, i ra i laun tukum, i inanos tar met sur met in pami, sur a taro tagun a kum gapman rop, det in nurnur ma det in mur a wasiso anun o God.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

Aposel 14:22

Ra der uragot a taro na ususer tagun a tulu tamon ra, ma der wasiso na warut torom det, sur det in tur dekdek una nurnur anundet. Der watungi lena, “A susut na utna in monong mugu tar dat, numur dat in ruk una matanitu anun o God.”

Ibru 11:8

Una nun a nurnur, o Abaram i mur a wasiso ra o God i kabo pasi sur in nan sur a tamon ra o God i sa uliliman tari sur numur anunu. I wan, ikut ke tasman a tamon ra i wan suri.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

2 Tesalonaika 1:8

In ukadik det ra ka det tasman o God, ma ka det longoro a Wakak na Wasiso anun anundat a Labino o Iesu.

Aposel 21:20

Ra det longoro i, det watung ulabo pas o God. Ra numur det watungi tan o Pol lena, “Tisimet, u tasmani lena a susut na arip tandat a taro Juda, det sa nurnur, ra det rop det dekdek sur det in mur a Warkurai anun o Moses.

Aposel 13:8

Ikut o Barjisas, ra di watungi kai nam o Elimas, a kukuraino a tene sangsagor, i turbat der. I nemi sur in turbat ru a mugumugu sur gong i nurnur.

A Wakak na Wasiso un o Iesu Karisito o Jon i tumusi 12:42

A susut na taro det nurnur un o Iesu. A ramano kum mugumugu kai tagun a taro Juda det nurnur, ikut ka det wasiso puaso uni, sako a kum Parisi det in turbat ru det gusun a kum rumu na lotu.

Luk 2:34

O Simion i watung udan detul, ra i watungi tan o Maria, o nan o Iesu, lena, “Tama i, a nat ri, o God i pilok pasi sur a susut na te Israel det in iru uni, ma a susut kai det in laun uni, ma sur a ukinalong ra a susut na taro det in rosumur gusuni.

Matiu 19:30

Ikut a susut ra det mugu uniri, numur det in mur, ma det ra det mur uniri, numur det in mugu.”

Aposel 2:47

Ra det watung ulabo pas o God, ma a taro rop det gas nam det. Ma una kum bung rop, a Labino i ulaun a susut na taro, ra di luk tomo det nama kum tene nurnur.

Aposel 6:1

Una kum bung ra, a niluluk ina taro na ususer i ka toto nanan. Det tagun aru ngas na taro, ara taro Juda ra det wasiso nama wasiso Grik, ma ara taro Juda kai ra det wasiso nama wasiso Ibru. Det ra det wasiso Grik, det ururai un det ra det wasiso Ibru, lena, “Ra mot ser tibo a kum ula nama utna na inangon una kum bung, mot wanan sakit ru i kut a kum ula tagun met.”

Galesia 1:23

Det longoro i kut a taro ra det wasiso puaso un iau lena, “A musano ra i nem na ban laulau dat, uniri i warawai mukut nama petutna na nurnur, ra numugu i nem na kamar tari.”

Galesia 6:10

Ra dat in pet lar pasi, dat in pam a wakakino torom a taro rop. Dat in pam mugu i torom a kum tene nurnur, ma numur torom a taro gisen kai.

A Pas anun o Jud 1:3

A kum wakak na paspasang, a nem doko i sur an tumtumus torom mot una pinapam anun o God ra i ulaun pas dat. Ikut uniri, a nuki lena an tumtumus sur an udekdek mot, sur mot in dekdek sur mot in tamtamabat wakak a Wakak na Wasiso gusun a kum ebar. A Wakak na Wasiso ra di sa pitar tari torom a taro anun o God, ra kataio in pukus lar pasi.

A Pas anun o Jud 1:20

Ikut mot, a kum wakak na paspasang, in wakak ra mot in udekdek mot una numot a tokodos na nurnur sur in lubung, ma mot in wararing nama dekdekin a Tokodos na Nion.