Aposel 4:22 - Nupela Testamen long tokples Kandas

²² Uni a musano, ra di pam a utna na ukisin uni ra i langolango, anun a kilalo i labo taun a wat na noino.

Aposel 4:22 Referans Kwoze

Aposel 9:33

Tiro iai, i barato pas ara musano, a risano o Ainias, a pinino i mat, ma i inep kut una bano, elar nama tiwal na kilalo.

A Wakak na Wasiso un o Iesu Karisito o Jon i tumusi 5:5

Ara musano i kis tiro iai i misait pas a tulu noino ma tiwal na kilalo.

Aposel 3:2

A taro det los tar ara musano ra ke ser wan, di usus pasi lenutra. Ma una kum bung rop, det ser ukis tari nisan a matansako ina in noworo na rumu na etabor, di watungi nama Wakak na Matansako, sur in ser saring utna tandet ra det ser ruk.

A Wakak na Wasiso un o Iesu Karisito o Jon i tumusi 9:1

Ra o Iesu i wan nanan, i tama pas ara musano a pulu. O nano i usus pasi, i sa pulu taru.

Luk 13:11

Ara ino kura iai, a laulau na nion kura uni. In surunu i tulukun a noino ma tiwal na kilalo, ma ke tur tokodos lar pas.

Matiu 9:20

Ara ino ra i misait nama gap elar nama noino ma aru kilalo, i nuki lena, “Ra an tulani kut anun a saket, an langolango.” Ra i wan numur tan o Iesu, ma i tulan tar a sinisir ina saket anunu.

Aposel 4:21

Ra det sa turbat dekdek tar der, det palos ru der. Ka det sio lar pas tu utna ra det in um der uni, uni a taro rop det watung ulabo pas o God una utna na ukisin ra der sa pam tari.

Aposel 4:23

Ra di sa palos ru o Pita ma o Jon, der milet melet torom a kum paspasan der, ra der inanos det una kum utna rop ra a kum lamlabino tene etabor torom o God ma a kum mugumugu det sa watung tari tander.