Aposel 23:11 - Nupela Testamen long tokples Kandas

¹¹ Una mirum utra, a Labino i wanpat torom o Pol, ra i watungi tano lena, “Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.”

Aposel 23:11 Referans Kwoze

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

Aposel 18:9

Ara bung na mirum a Labino i wasiso torom o Pol una tamtama lenri, “Gong u ngara. Ma gong u mana nama wasiso.

2 Timoti 4:17

Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.

Matiu 14:27

Uniutra o Iesu i watungi tandet lena, “A kosom taru tamot, iau kut ri. Gong mot ngara.”

Pilipai 1:13

Uni i talapor torom a kum tene inaim rop ra det tamtamabat a rumu anun a king, ma torom a taro rop kai lena, a kis una karabus uni iau anun o Karisito.

Matiu 9:2

Ra a ramano kum musano det los pat ara musano toromi, a pinino i mat, ma i inep taru kut una lu. O Iesu i tama anundet a nurnur, ra i inanos a musano ra lena, “Nutunglik, gong u ngara, di sa unus ru anum a kum sakino petutna.”

Aposel 20:22

“Ra uniri, a Tokodos na Nion i ungongos iau sur an nan ut usapat o Jerusalem, ma ka tasman asau an etoromi sapat.

Aposel 2:25

O Dewid i sa watung tari un o Iesu lena, ‘A tasmani lena a Labino i kis bolbolos tomo nam iau. Kan neder, uni kuri i una sot na lamang, i udekdek iau.

A Wakak na Wasiso un o Iesu Karisito o Jon i tumusi 16:33

“A watung a kum wasiso ri tamot sur mot in laun un iau, ma a balamot in bukus nama malmal. Nin una rakrakon bual, mot in taramo a mamaut. Ikut gong mot ngara, uni a sa winim pas a rakrakon bual.”

A Wakak na Wasiso un o Iesu Karisito o Jon i tumusi 14:18

Ra an nan gusun mot, ka mot in kis na nat na soi, uni an milet melet kut torom mot.

Matiu 28:20

Ma mot in ususer det sur det in mur a kum wasiso rop ra a sa watung tari tamot. Ma i lingmulus lena iau, an kis tomo nam mot tuk una ururop ina rakrakon bual.”

Luk 16:28

Uni a limo na tistising a kum musano kura det uni, ma in utumarong tar det, sako det bulung det in nan urin una nubual na ngunungut ri.’

Aposel 22:15

Ma ui, un ser wasiso puaso torom a taro rop un asau ra u sa tama tari, ma u sa longoro tari kai.

1 Korin 9:1

A sa langolango. Iau a aposel. A tama tari ut o Iesu anundat a Labino. Anumot a nilaun tomo nama Labino, i a wino tagun anung a pinapam.