Aposel 21:11 - Nupela Testamen long tokples Kandas

¹¹ I wan torom met, ra i rakon pas a let anun o Pol, ra i ker pas aru kikino ma aru lamano ut nami, ma i watungi lena, “A Tokodos na Nion i watungi lena, ‘A taro Juda sapat o Jerusalem det in ker a musano ra anun a let ri, lenutri a pami. Ma det in pitar tari una laman a taro ra awu sur a taro Juda.’”

Aposel 21:11 Referans Kwoze

Aposel 21:33

A labino mugumugu i wan torom o Pol, ma i dat pasi, ra i itula sur din ker ukai i nama ru sen. Ma i iting lena, “Osi na musano ri? Asau ra i pam raro tari?”

Aposel 20:23

A tasmani kut lenri, una kum tamon rop, a Tokodos na Nion i inanos iau lena a karabus ma a kum mamaut det kis pas iau.

1 Pita 1:12

O God i upuaso i torom a kum poropet lena, a kum utna ri, awu sur in nanpat una anundet a kum kilalo na nilaun, awu, o God in pami ut torom mot. Ra uniri, mot sa longoro tari tan a taro ra det warawai nama Wakak na Wasiso torom mot, nama dekdekin a Tokodos na Nion, i ra di tulu pirso ru i tagisapat una langit. Ma a kum ensel kai, det nem doko i, sur det in tama a kum utna ri.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

Ibru 3:7

I mo ra dat a taro anun o God, dat in mur a wasiso anun a Tokodos na Nion ra i watungi lena, “Uniri, ra mot longoro in nalngano,

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

Epeses 6:20

Uni o God i sa ubek tar iau sur an tene warawai nama Wakak na Wasiso, ma a kis na karabus uni a pam a pinapam ri. Mot in wararing sur iau sur an dekdek sur an upuaso tar a Wakak na Wasiso torom a taro, ma kan ngara.

Epeses 4:1

A kis una karabus uni a papam torom a Labino. Anung a dekdek na sasaring torom mot i lenri: Mot in laun elar nama nilaun ra o God i sa kabo pas mot suri.

Epeses 3:1

I mo ra iau o Pol, a wararing sur mot. Iau a karabus anun o Karisito Iesu, uni a papam torom mot ra awu sur a taro Juda.

Aposel 28:25

Det engaras epotor tandet ra det katutur na inawan. Ikut numugu ra ka det wan utmakai, o Pol i watung a ururop na wasiso tandet lena, “A lingmulus ut ra a Tokodos na Nion i wasiso una wan a poropet Aisaia, torom a tumtubu mot tagun numugu lena,

Aposel 28:20

A itula sur mot, sur dat in kis tomo ma an wasiso talapor una kibino ra di sen ukai tar iau. Di sen ukai tar iau uni a kis langlang nama nurnur sur o naro ra a taro Israel kai det kis langlang suri.”

Aposel 28:17

Ra a tulu bung i sa rop, o Pol i kabo tomo pas a kum mugumugu anun a taro Juda. Ra det wanpat tomo, i watungi tandet lena, “A kum tistising, ka ban laulau anundat a taro, o lako kum petutna kai anun a kum tumtubun dat tagun numugu. Ikut det pam ukai pas iau sapat o Jerusalem, ma det pitar tar iau torom a taro Rom.

Aposel 26:29

O Pol i balu i lena, “Ra tu nat na du bunglik o tu walos na du bung, an wararing torom o God sur ui. Awu sur sur ui kut, sur mot rop kai ra mot longoro iau uniri, sur mot in nanpat a kum te Karisito elar nam iau, ikut gong di ker mot nama sen.”

Aposel 24:27

Ra aru kilalo i sa rop, o Posius Pestus i keles ru o Peliks. Ikut o Peliks ke palos ru o Pol, uni i nemi sur in ugasgas a taro Juda.

Aposel 22:25

Ra det ker tari nama kum sen sur det in mirasi, o Pol i watungi torom a mugumugu anun a kum tene inaim ra i tur milau i lena, “Pepetlai, i tokodos kut sur din miras tu te Rom, ra ka di warkurai i utmakai?”

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 13:2

Ara bung ra det lotu torom a Labino ma det wewel, a Tokodos na Nion i watungi lena, “Mot in pilok pas o Banabas ma o Sol sur anung, sur a pinapam ra a kabo pas der suri.”

Aposel 9:16

Ma an inanosi lena, in taramo a susut na mamaut una risang.”

A Wakak na Wasiso un o Iesu Karisito o Jon i tumusi 18:1

Ra o Iesu i sa wararing pas, i ben pas anun a kum nat na ususer, ra det lakai in nala na danim Kidron. Un ara papor, det wan ruk utiro una ara kinobot na duwai na oliw.

Aposel 8:29

Ra a Tokodos na Nion i watungi tan o Pilip lena, “Un nan milau a karis, ma un nan tomo nami.”

Aposel 21:4

Ra met etorom pas a taro na ususer, met kis pas tiro iai a wonom mawit na bung. Ma a Tokodos na Nion i unuk tar det nama wasiso sur gong o Pol i wan usapat o Jerusalem.

1 Timoti 4:1

A Tokodos na Nion i watung puaso i lena, una kum ururop na bung, lako taro det in nan gisen gusun a lingmulus na nurnur, ma det in mur a kum nion ra det ser torotoro, ma det in mur a kum etowo anun a kum laulau na nion.