Aposel 20:24 - Nupela Testamen long tokples Kandas

²⁴ Ikut ka nuk labo pas anung a nilaun, ma ka maris bati. Awu! A pitar tar iau kut sur an pam sot rop tar anung a inawan ma a pinapam, ra a Labino o Iesu i pitar tari torom iau, sur an wasiso puaso una Wakak na Wasiso una marmaris anun o God.

Aposel 20:24 Referans Kwoze

2 Korin 4:1

O God i maris met ra i pitar tar a pinapam ri tamet. Iri a kibino ra ka met tusako.

2 Korin 12:10

I mo ra a gas doko ra kalako dekdeking, ma di watung laulau iau, ma a taramo a kum mamaut, ma a taro det ukadik iau, ma a taramo a dekdek na tupunuk, uni a nurnur un o Karisito. A gas, uni a tasmani lena, ra kalako dekdeking an dekdek.

Aposel 21:13

Ikut o Pol i balu met lena, “Ilai ra mot tangis, ma mot utupunuk iau? A sa pitar tar iau sur det in ker iau ma din um doko iau utkai sapat o Jerusalem, kibino una risan a Labino o Iesu.”

1 Korin 15:58

I mo ra a kum wakak na tistising, mot in tur dekdek, ma gong i tugunu anumot a nurnur una katkatutur melet gusun a minat. Mot in pitar rop tar anumot a nilaun una pinapam anun a Labino, uni mot tasmani lena a kum pinapam rop mot pami torom a Labino awu sur a utna oros kut.

A Pas anun o Pol torom a taro Rom 11:6

O God i sa pilok pas det una nun a marmaris ut, awu sur una kum pinapam ra det pami. Gunuk ra o God in pilok pas det kibino una kum pinapam ra det pami, awu sur a marmaris ra.

Aposel 14:3

O Pol ma o Banabas der kis suano der tiro o Aikoniam. Ka der ngara, der dekdek kut nama wasiso una labino marmaris anun a Labino. Ra a Labino i ulingmulus anunder a wasiso nama dekdek ra i pitari tander sur der in pam a kum utna na ukisin ma a kum ukinalong.

1 Pita 5:12

O Sailas i warut iau ra a tumus a nat na pas ri torom mot. O Sailas a tising una nurnur, ra a nurnur doko uni. Una pas ri, a nemi sur an udekdek mot ma an wasiso talapor una marmaris mulus anun o God. Mot in tur dekdek uni.

Taitus 1:3

Ra a du bung i sa sot, i upuaso anun a wasiso ra met warawai nami. O God a Tene Ulaun anundat, i pitar tar a pinapam na warawai tang elar ut nami ra i sa watung tari.

Galesia 1:1

Iau o Pol, a aposel, a tumus a pas ri torom mot. Katutaio taginin upiso i pilok pas iau sur an aposel, ma awu sur a taro kai det tulu iau sur an pam a pinapam ri. O Iesu Karisito ut ma o God o Tamano der tulu iau, o God ra i ukatutur melet pas o Iesu gusun a minat.

2 Korin 5:8

Ikut met tasman mulusi lena, met in gas ra met in nan gusun a pinimet ri, ma met in kis tomo nama Labino.

Aposel 20:32

“Uniri a pitar tar mot ulaman o God, ma a pitar tar mot una nun a wasiso ra i upuaso anun a marmaris. A wasiso ra, i pet lar pasi sur in udekdek mot, ma in tabor mot nama kum wakak na etabor ra o God i ser tabor anun a taro nami.

Aposel 11:23

O Banabas i ara wakak na musano, i bukus nama Tokodos na Nion ma a nurnur. Ra i wanpat, i tama asau ra a marmaris anun o God i pami una nundet a nilaun, ra i gas doko. Ra i uragot det rop sur det in tur dekdek mulus nama nurnur torom a Labino una nundet a nilaun rop. Ra a susut na taro det tupukus torom a Labino.

Pilipai 2:17

Anumot a pinapam ra anumot a nurnur i pam pati, i elar nama etabor torom o God. Ra kanapi an mat, a gaping in elar nama etabor ra di lingisi netes una numot a etabor. Ra an gas ma an gas tomo nam mot rop.

Aposel 9:15

Ikut a Labino i watungi tano lena, “Un nan kut, uni a sa pilok pasi, sur i anung a tene pinapam. In wasiso puaso una risang torom a taro ra awu sur a taro Israel, torom a kum king, ma torom a taro Israel kai.

Aposel 1:17

I ara tagun met, ma i kai i los a tinibo tomo nam met una pinapam ri.”

A Wakak na Wasiso un o Iesu Karisito o Jon i tumusi 17:4

A sa pam sot pas a kum pinapam ra u pitar tari tang sur an pami. Ma una pinapam ra, a sa ese tar a minamarim nin una rakrakon bual.

Tamtama 12:11

A kum tistisin dat det sa winim pasi nama gapin a Barman na Sipsip, ma nama nundet a wasiso puaso. Ma ka det maris bat anundet a nilaun gusun a minat.

1 Jon 3:16

Dat in tasman a marmaris mulus lenri: O Iesu Karisito i pitar anun a nilaun ma i mat sur dat. I wakak sur dat kai, dat in pitar anundat a nilaun ma dat in mat sur a kum tistisin dat.

2 Timoti 1:12

Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

Kolosi 1:24

Uniri a gas una kum mamaut ra a taramo i un mot. Una kum mamaut ra a taramo i una pining, a pam sot pas a kum mamaut anun o Karisito, sur an warut a taro na lotu, det ra a pinin o Karisito.

Epeses 3:13

I mo ra, a saring mot sur gong mot tusako ra mot longoro a kum mamaut ra a barato i sur an warut mot. A taramo a mamaut sur anumot a kinkinis na minamar.

2 Korin 7:4

A nurnur un mot. Ma a warango doko mot. Anumot a nilaun i uragot iau. Anung a gasgas i bukus una numet a kum mamaut.

Ibru 10:34

Mot maris doko det ra det kis una karabus ra mot warut det. Ma mot gas kut ra a taro det ras pas anumot a kum ututna, uni mot tasmani lena anumot a kum ututna gisen, det in tur tukum, ma det wakak sakit taun a kum utna ra det ras pasi gusun mot.

Taitus 2:11

Uni a marmaris anun o God i sa wanpat puaso. Una marmaris ra, o God i papos a kisapi sur in ulaun pas a taro rop.

2 Timoti 4:17

Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.

Aposel 22:21

Ikut a Labino i watungi torom iau lena, ‘Un nan, an tulu bakbak ru ui utong torom a taro ra awu sur a taro Juda.’”

1 Tesalonaika 3:3

sur gong taio tagun mot a nuknukino i talara kibino una kum mamaut ra i monong mot. Uni mot tasmani ut lena, a kum mamaut in monong dat.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

Aposel 20:21

A warawai torom a taro rop, a taro Juda ma det ra awu sur a taro Juda kai, sur det in nukpukus torom o God ma det in nurnur una nundat a Labino o Iesu.

Epeses 1:6

Ra dat in watung ulabo pas o God una nun a wakak na marmaris ra i tabor oros tar dat nami, una Nutunu ra i maris doko i.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.

A Pas anun o Pol torom a taro Rom 4:4

Ra taio i papam, anun a ikul, awu sur a etabor, awu. Anun a ikul tagun a pinapam ut anunu ra i pami.

A Wakak na Wasiso un o Iesu Karisito o Jon i tumusi 15:27

Ma mot kai mot in wasiso puaso un iau, uni mot kis tomo nam iau turpasi una turturkibin ina nung a pinapam tuk uniri.

Luk 16:28

Uni a limo na tistising a kum musano kura det uni, ma in utumarong tar det, sako det bulung det in nan urin una nubual na ngunungut ri.’

Aposel 13:25

Ra milau mo sur anun a pinapam in rop, i watungi lena, ‘Mot nuki lena iau osi? Iau awu sur o naro ra mot kis langlang suri, awu! Ikut, a musano ra, in mur tang. Ka elar sur an palos aru su gusun aru kikino, uni a natino doko tano.’

Aposel 15:7

Ra det sa wasiso suano pas det, o Pita i katutur ma i watungi tandet lena, “A kum tistising, mot tasmani lena numugu, o God i pilok pas iau gusun mot, sur an warawai nama Wakak na Wasiso torom det ra awu sur a taro Juda, sur det in longoro i, ma det in nurnur uni.

Aposel 18:5

Ra o Sailas ma o Timoti der wanpat tagitong una papor Masedonia, o Pol ke mana nama warawai nama wasiso anun o God, ma i upuaso i torom a taro Juda lena, o Iesu i a Karisito ra o God i tulu ru i urin.

Aposel 20:23

A tasmani kut lenri, una kum tamon rop, a Tokodos na Nion i inanos iau lena a karabus ma a kum mamaut det kis pas iau.

Pilipai 2:30

uni i pitar tar anun a nilaun una pinapam anun o Karisito, ra milau mo sur in mat. Ke nuk pas anun a nilaun, i pitar tari sur in warut iau, uni mot ut, ka mot pet lar pasi.

Tamtama 6:11

Ra di pitar tar a kum kabang na malu tandet taktakai. Ma di inanos det lena, det in kis lilik melet pas, tuk ra din um doko det kai, ra det papam tomo nam det una Wakak na Wasiso, ma a kum tistisin det una nurnur. Din um doko det elar nami ra di sa um doko mugu tar det, tuk a nilulukin det in sot.

2 Korin 4:12

I mo ra a minat i papam un met, ikut a nilaun i papam un mot.