Aposel 19:26 - Nupela Testamen long tokples Kandas

²⁶ Nin o Epeses, ma una kum tamon rop nin una papor Asia, a musano ra, o Pol, i pukus a nuknukin a susut na taro, ma i ben raro det, ra i inanos det lena, a kum god ra dat ser pami nama lamandat, awu sur a kum god.

Aposel 19:26 Referans Kwoze

1 Korin 8:4

An inanos mot una ngasino ra a taro det ser pami ra det wan a kum utna, ra di sa etabor taru nami torom a kum torotoro na god. Dat tasmani lena a toktok i a utna oros kut tagun a rakrakon bual, awu sur i laun. Dat tasmani lena ara God sot kut, ma kataio melet.

Aposel 17:29

“Dat a kum nutnutun o God, i mo ra ke wakak sur dat in nuki lena o God i elar nama toktok na gol, o a silwa, o a wat, ra a taro det nuk pat pasi ma det pami nama lamandet.

Tamtama 9:20

Ma a taro ra a laulau na ukadik ri ke um doko det, ka det nukpukus gusun a kum toktok ra det pami nama lamandet. Ka det mana gusun a lotu torom a kum laulau na nion ma a kum torotoro na god ra di pam a malalarindet nama gol, a silwa, a bras, a wat, o a nuduwai. A kum malalar ra ka det tamtama, ka det longoro ma ka det wanan.

Aposel 19:10

Aru kilalo i ser pami lenra. Ra det rop ra det kis una papor Asia, a taro Juda ma a taro ra awu sur a taro Juda kai, det longoro a wasiso anun a Labino.

Aposel 14:15

“A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

1 Tesalonaika 1:9

Uni det ut det wasiso talapor una numot a wakak na petutna ra mot gas pas metul. Ma det wasiso talapor kai un mot lena, mot sa tupukus torom o God, ma ka mot lotu mo torom a kum torotoro na god. Mot papam mo torom o God, i ra a lingmulusino ma i laun.

Galesia 4:8

Numugu, ra ka mot tasman o God, mot tene ititula torom a kum god ra awu sur a kum god mulus.

1 Korin 12:2

Mot tasmani lena, ra ka mot nurnur utmakai, di ben raro pas mot torom a kum torotoro na god ra ka det ser wasiso, ma mot lotu torom det.

Aposel 18:19

Ra detul sot tong o Epeses, o Pol i wan pas gusun der tiro iai, ra i ruk una rumu na lotu, ma det wasiso tomo nama taro Juda.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

Aposel 19:25

I ben tomo pas anun a taro na pinapam, ma a ramano taro gisen kai ra anundet a pinapam i elar, ma i watungi tandet lena, “A taro, mot tasmani lena, dat ser pam pat a susut na mani tagun a pinapam ri.