Aposel 18:27 - Nupela Testamen long tokples Kandas

²⁷ Ra o Apolos i nem na wan mo utong una papor Akaia, det ra det tar tistisino una nurnur tong o Epeses, det uragot tari, ma det tumtumus torom a taro na ususer tong o Akaia, sur det in gas pasi. Ra i wanpat tong una papor Akaia, i ara wakak na tene warut torom a kum tene nurnur. Det ra det sa nurnur, kibino una marmaris anun o God.

Aposel 18:27 Referans Kwoze

Kolosi 4:10

O Aristakus, ra i kis tomo nam iau una karabus, i pitar anun a marmaris torom mot, der nam o Mak a malin o Banabas. Ra o Mak in nanpat torom mot, mot in gas pasi, elar nama wasiso ra mot sa rakon mugu tari.

Kolosi 2:12

Ra di baptaiso mot, di por mot tomo nam o Karisito. Ma mot katutur melet tomo nami, uni mot nurnur una dekdekin o God, i ra i ukatutur melet pas o Karisito gusun a minat.

Pilipai 1:29

Uni o God i udan mot. Awu sur i udan mot nama numot a nurnur kut un o Karisito, awu, i udan mot nama mamaut kai, ra mot taramo i uni mot tagun o Karisito.

Pilipai 1:25

A tasman mulusi lena, an laun ma an kis tomo nam mot, sur mot in lubung, ma mot in gas una nurnur.

2 Korin 1:24

Awu sur met nem na warkurai sur a nurnur anumot. Met nemi kut sur met in papam tomo nam mot, sur mot in gas, uni mot sa tur dekdek una nurnur.

1 Korin 16:3

Mot in pilok pas lako taro ra mot nurnur un det sur det in los anumot a etabor. Ma ra an nanpat tiro, an pitar tar a kum pas na wasiso talapor torom det sur det in losi tomo nam anumot a etabor, ma an tulu ru det nami usapat o Jerusalem.

1 Korin 15:10

Ikut, o God i pitar tar a nilaun ri a laun nami, kibino ut una nun a marmaris. Ma ke urop oros tari kut anun a marmaris un iau, awu. A papam dekdek doko taun det rop. Ikut, awu sur iau ut a papam, a marmaris anun o God i papam tomo nam iau.

A Pas anun o Pol torom a taro Rom 1:5

Un o Karisito ut, o God i maris met ma i pitar a pinapam na aposel torom met, sur met in ulabo pas a risan o Karisito, ma met in warawai torom a taro rop ra awu sur a taro Juda, sur det in nurnur ma det in mur anun a wasiso.

Aposel 19:1

O Apolos i kis tiro o Korin, ra o Pol i usur a kisapi sa ubual, ra i wanpat tong o Epeses. Tiro iai i pastorom a ramano taro na ususer.

Aposel 18:18

Ra o Pol i sa kis suano pasi tong o Korin, i wan gusun det ra det tar tistisino una nurnur, ma i wan utong o Senkria. Tiro iai, di kumur rop ru a iwu na lorino, sur in ese i lena, i sa pam sot pas anun a liliman torom o God. Ra detul nam o Prisila ma o Akuila detul kas una sip utong una papor Siria.

Aposel 9:27

Ikut o Banabas i ben pasi, ra der wan tomo torom a kum aposel, ma i inanos det lena, “O Sol i sa tama tar a Labino, ma a Labino i wasiso toromi una nun a inawan utong o Damaskus. Tong o Damaskus, i warawai una risan o Iesu ma ke ngara.”

1 Korin 3:6

A marut a wino, o Apolos i pukpuki nama danim, ikut o God ut i ulubung pasi.

Aposel 18:12

Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 1:15

Un ara bung epotor tan a kum bung ra, a kum tene nurnur det kis tomo. Det elar nam ara mar ma ru noino det. O Pita i tur ma i watungi lena,

Aposel 11:26

Ra i sa sio pasi, i ben pasi utong o Antiok. Ara kudulano kilalo der kis tomo nama taro na lotu tiro iai, ma der ususer a susut na taro doko. A rising “a taro anun o Karisito”, di watung mugu i una taro na ususer tong o Antiok.