Aposel 18:12 - Nupela Testamen long tokples Kandas

¹² Una kilalo ra o Galio i mugumugu tagun a gapman tong una papor Akaia, a taro Juda det tur tomo sur det in um o Pol, ma det beni sur in tur una warkurai.

Aposel 18:12 Referans Kwoze

Aposel 18:27

Ra o Apolos i nem na wan mo utong una papor Akaia, det ra det tar tistisino una nurnur tong o Epeses, det uragot tari, ma det tumtumus torom a taro na ususer tong o Akaia, sur det in gas pasi. Ra i wanpat tong una papor Akaia, i ara wakak na tene warut torom a kum tene nurnur. Det ra det sa nurnur, kibino una marmaris anun o God.

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 13:7

i ara pasan o Sergius Paulus. Sergius Paulus i a mugumugu tagun a ailan ra, a tene mananos, ra i itula pas o Banabas ma o Sol, uni i nem na longoro a wasiso anun o God.

2 Korin 11:10

I lingmulus, a lingmulusino anun o Karisito kuri un iau, ra a inanos mot nama lingmulus lena, kataio una kudulano papor Akaia, in turbat lar pas iau ra a warango iau una nung a petutna torom mot.

2 Korin 9:2

Uni a sa tasmani lena, mot gas sur mot in pam a pinapam ri. A warango mot, ra mot kis tiro una papor Akaia, torom a taro tong una papor Masedonia. Ra a inanos det lena, una kilalo ra i rop, mot sa waninar sur mot in pitar ru anumot a mani. Ma anumot a gasgas sur a etabor, i ukatutur a nuknukin a susut na taro Masedonia sur det kai, det in etabor.

2 Korin 1:1

Iau o Pol, a aposel anun o Karisito Iesu, una nemnem anun o God, mir nam o Timoti a tisindat, mir tumus a pas ri torom mot a taro na lotu anun o God tiro o Korin, ma torom a taro rop anun o God una papor Akaia.

1 Korin 16:15

Mot sa tasmani lena a taro ra det kis una rumu anun o Stepanas, det a mugano taro ra det nukpukus tiro una papor Akaia, ma det sa pitar tar det sur det in warut a taro anun o God. A saring mot, a kum tistising,

A Pas anun o Pol torom a taro Rom 15:26

Uni a kum tene nurnur tong una aru papor Masedonia ma o Akaia det gas sur det in woro tomo a mani, sur det in warut a kum tene nurnur ra det sibo sapat o Jerusalem.

Aposel 25:10

Ra o Pol i balu i lena, “Uniri a tur una warkurai anun a Sisa, i tokodos ut sur din warkurai iau nin. Ka pam tu niraro torom a taro Juda, ui kai u sa tasman tari.

Aposel 17:13

Ikut a taro Juda kurong o Tesalonaika det longoro i lena o Pol i warawai una wasiso anun o God tong o Beria, ra det wan utong ma det usungun balan a taro.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 14:2

Ikut a ramano taro Juda ra ka det nem na nurnur, det usungun balan a ramano taro ra awu sur a taro Juda. Det ban laulau a nuknukin det sur det in kankan torom det ra det tar tistisino una nurnur.

Matiu 27:19

Ra o Pailat kura utmakai i pam a warkurai, anun a ino i pitar ru a wasiso toromi lena, “Gong u pam tu utna una tene tokodos ra, katu niraro anunu. Uni nanganong mirum, a ririon, ma a kum utna a tama i una musano ra, i ban laulau anung a nilaun.”

Jems 2:6

Ikut mot, mot ban umaimai i kut a kum sibo na taro. A kum tene gongon, det ser ukis laulau mot nama dekdek ra det utur ukai i, niko? Ra det dat pas mot sur mot in tur una warkurai.

A Pas anun o Pol torom a taro Rom 16:5

Mot in pitar anung a marmaris kai torom a taro na lotu ra det ser lotu tomo una nunder a rumu. Mot in pitar anung a marmaris torom a wakak na pasang o Epenetus, i a mugano musano tagitong una papor Asia ra i nukpukus ma i nurnur un o Karisito.

Aposel 17:5

Ikut, a nuknukin a ramano taro Juda i laulau doko un der, uni a susut det mur der. Ra det ben pas a ramano kum tene pet laulau tagun a nubual ra a taro det ser wan tomo iai. Det wan tomo, ra det ukatutur a balan a taro. Det kalabor ruk una rumu anun o Jeson, ma det sisio sur o Pol ma o Sailas sur det in ben pirso pas der torom a taro.

Aposel 13:12

Ra a mugumugu i tama a utna ri i wanpat, i nurnur, uni i kisin una etowo una Labino.

A Wakak na Wasiso un o Iesu Karisito o Jon i tumusi 19:13

O Pailat i longoro a kum wasiso ri, ra i ben pirso pas o Iesu unago upiso. Numur o Pailat i kis taru una kiskis na warkurai, kura una dino ra di watungi o Gabata una wasiso Ibru. A kukuraino i lena, di ubek bat a piso nama kum watat.

Aposel 13:8

Ikut o Barjisas, ra di watungi kai nam o Elimas, a kukuraino a tene sangsagor, i turbat der. I nemi sur in turbat ru a mugumugu sur gong i nurnur.

Aposel 18:11

Ra o Pol i kis tiro iai ara kilalo ma a wonom na kalang, ma i ususer det nama wasiso anun o God.

Aposel 19:21

Ra a kum utna ri i sa rop, o Pol i nuki lena in nan potor una ru papor Masedonia ma o Akaia sur in nan usapat o Jerusalem. Ma i watungi lena, “Ra a sa wan pas sapat o Jerusalem, an nan bulung utong o Rom.”

2 Korin 11:26

A sa wan una susut na inawan. A elar nama utna na iniru una inawan una kum danim, ma a ramano kum dino kai, milau an iru una laman a kum sakino taro. Milau an barato a iniru tan anung a taro ut, ma tan a kum usiro na taro kai. Milau an barato a iniru una kum tamon, ma una kum nubual kalako taro uni, ma sa utasi. Ma milau kai, an iru ulaman a kum torotoro na tistising una nurnur.

1 Tesalonaika 2:14

A kum tistisi metul, mot elar nama taro na lotu anun o God un o Karisito Iesu, ra det kis tong una papor Judia. Uni, mot kai, mot taramo a ngunungut tan a taro tagun anumot a tamon ut, elar nama taro na lotu tong o Judia det taramo i tan anundet a taro ut, a taro Juda,

1 Tesalonaika 2:16

uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.