Aposel 16:19 - Nupela Testamen long tokples Kandas

¹⁹ A kum mugumugu anun a ino ra, det tasmani lena, ka det in tama melet lako mani mo gusuni. Ra det pam ukai pas o Pol ma o Sailas, ra det dat pas der torom a kum mugumugu una nubual na inawan tomo.

Aposel 16:19 Referans Kwoze

Aposel 21:30

Ma a taro rop det purpuruon ra det kalabor tomo, ma det pam ukai pas o Pol, ra det dat pirso pasi tagun in noworo ina rumu na etabor. Uniutra det tagar ru i mut a kum matansako.

Aposel 17:6

Ikut ka det sio pas der. Ra det dat pas o Jeson ma a ramano taro kai ra det tar tistisino una nurnur, torom a kum mugumugu tagun a tamon ra, ma det kukukuk lena, “A taro ri det pam purpuruon una kum tamon una rakrakon bual, ra uniri, det sa wanpat bulung nin torom dat!

2 Korin 6:5

Di um met, ma di uruk met una karabus ma di ukatutur a inaim torom met. Met papam dekdek, ka met inep una kum bung na mirum, ma met taramo a munurak.

Aposel 16:16

Ara bung ra met wan sur a nubual na niaring, met etorom pas nam ara tultul na ino ra a laulau na nion kura uni, ma i ser wasiso mugu un asau ra in nanpat numur. Anun a kum mugumugu det ser los a labino mani tagun anun a pinapam.

Aposel 8:3

Ra o Sol i ban laulau a taro na lotu. I ruk una nundet a kum rumu, i dat pas a kum musano ma a wardain, ra i uruk tar det una karabus.

Aposel 15:26

aru musano ra ka der maris bat anunder a nilaun una risan anundat a Labino o Iesu Karisito.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 14:5

A ramano taro Juda ma ara taro kai ra awu sur a taro Juda tomo nam anundet a kum mugumugu, det epak pas sur det in ban laulau o Pol der, ma det in duku doko der nama watat.

Aposel 9:16

Ma an inanosi lena, in taramo a susut na mamaut una risang.”

A Wakak na Wasiso un o Iesu Karisito o Mak i tumusi 13:9

“Mot in tumarong mot. A taro det in pitar mot ulaman a kum tene warkurai, ma det in miras mot una kum rumu na lotu. Mot in tur una kum warkurai numugu umatan a kum lamlabino mugumugu ma a kum king, uni mot anungi. Mot in wasiso talapor un iau torom det.

Matiu 24:9

“Kura numur, din pitar mot sur din ban laulau mot, ma din um doko mot, ma a taro tagun a kum gapman rop det in nget mot, uni mot anungi.

Jems 2:6

Ikut mot, mot ban umaimai i kut a kum sibo na taro. A kum tene gongon, det ser ukis laulau mot nama dekdek ra det utur ukai i, niko? Ra det dat pas mot sur mot in tur una warkurai.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

1 Timoti 6:10

Uni a nemnem sur a mani, i a kimkibin a wur matano sakino petutna. Ma a ramano taro ra det ngara suri, det sa wan gisen gusun a nurnur, ma det ban laulau anundet a nilaun nama susut na mamaut.

Aposel 15:40

Ra o Pol i pilok pas o Sailas, sur der in nan tomo. Ma a kum tistisin der una nurnur, det pitar tar der una marmaris anun a Labino.

Aposel 16:20

Det ben tar der torom a kum tene warkurai ma det watungi lena, “Aru musano ri, aru te Juda, der pam pat a kum purpuruon una nundat a tamon.

Aposel 16:25

Una labino mirum, o Pol ma o Sailas der wararing, ma der kelekele torom o God. Ma a taro kai ra det kis una karabus, det longoro der.

Aposel 16:29

A tene tamtamabat i kakabo sur lako kum lam, ra i kalabor ruk lakit torom o Pol ma o Sailas. I ngara ma i neneder, ra i puku pirso taru numugu tander.

Pilipai 1:30

Mot taramo a mamaut uni mot sa tur tomo nam iau una inaim. A inaim ra numugu mot tama i ra a pami, ma uniri mot longoro i ra a ser pami utmakai.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.