Aposel 16:13 - Nupela Testamen long tokples Kandas

¹³ Una Bung na Sabat met pirso una matansako ina tamon ra, sur a danim, uni met nuki lena a nubual na niaring kura nisan a danim ra. Met kis taru, ma met wasiso nama wardain ra kura det sa kis tomo taru tiro iai.

Aposel 16:13 Referans Kwoze

Aposel 13:14

O Pol ma o Banabas der katutur melet pas tagitong o Perga ra der wan utong o Antiok una papor Pisidia. Ma una Bung na Sabat der ruk una rumu na lotu anun a taro Juda, ra der kis tiro iai.

Kolosi 1:23

Ra mot in dekdek nama nurnur, ma mot in tur dekdek uni, o God in pam a utna ri. Ma gong mot wan gisen gusun a kinkinis langlang nama nurnur sur a kum utna ra o God in pami, ra mot sa longoro tari una Wakak na Wasiso. A Wakak na Wasiso ra, di sa inanos taru nami torom a taro rop una rakrakon bual. Iau, o Pol, a wanpat a tultul tagun a Wakak na Wasiso.

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

Aposel 21:5

Ikut ra a wonom mawit na bung i sa rop, met wan melet, ra a taro na ususer rop det tulu tar met unago utasi, det tomo nam anundet a kum ino ma a kum nutnutun det. Ra met sa wanpat nago utasi, met kis butkeke una usalin, ma met wararing.

Aposel 20:7

Una mugano bung una wik, met kis tomo sur met in nangon tomo. Ra o Pol i wasiso torom a taro, ma i walos doko anun a wasiso, tuk ut una labino mirum, uni i nemi sur in nan kut gusun det una bung numur.

Aposel 18:4

Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.

Aposel 17:2

O Pol i ruk torom det una rumu na lotu elar nami ra i ser pami. Una tulu Bung na Sabat i wasiso tomo nam det una Buk Tabu.

Aposel 16:6

A Tokodos na Nion i turbat detul sur gong munung detul warawai nama Wakak na Wasiso, tong una papor Asia. Ra detul wan tuptupukus kut tong una ru papor, Pirigia ma o Galesia.

Aposel 13:42

O Pol ma o Banabas der pirso gusun a rumu na lotu, ra a taro det saring der sur der in milet una Bung na Sabat sapat, sur der in wasiso melet torom det una kum utna ri.

A Wakak na Wasiso un o Iesu Karisito o Jon i tumusi 8:2

Una kobot raut una bung numur, o Iesu i milet melet sur a rumu na etabor, ra a taro rop det wan tomo toromi. Ra i kis ma i ususer det.

Luk 13:10

Un ara Bung na Sabat o Iesu i ususer a taro un ara rumu na lotu.

A Wakak na Wasiso un o Iesu Karisito o Mak i tumusi 16:15

Ma i watungi tandet lena, “Mot in nan una rakrakon bual rop, ma mot in warawai nama Wakak na Wasiso torom a taro rop.

Matiu 13:2

A labino kunur na taro det tur talilis pasi. Ra i kas una pot ra i kis taru uni, ma a taro rop det tur nago korot una usalin.

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

Aposel 16:16

Ara bung ra met wan sur a nubual na niaring, met etorom pas nam ara tultul na ino ra a laulau na nion kura uni, ma i ser wasiso mugu un asau ra in nanpat numur. Anun a kum mugumugu det ser los a labino mani tagun anun a pinapam.