Aposel 14:7 - Nupela Testamen long tokples Kandas

⁷ Ra der warawai nama Wakak na Wasiso torom det tiro iai.

Aposel 14:7 Referans Kwoze

Aposel 14:21

O Pol ma o Banabas der warawai nama Wakak na Wasiso tong o Derbe, ra der ususer a susut na taro ra det wanpat a kum nat na ususer. Numur der milet melet utong o Listra, Aikoniam, ma o Antiok.

2 Timoti 4:2

Un warawai nama Wakak na Wasiso. Un dekdek uni, una kum bung ra a taro det nem na longoro ui, ma a kum bung ra ka det nemi. Un ukodos wakak a taro, un upuaso anundet a kum niraro torom det ma un uragot det. Un pam a kum utna ri nama wowowon na petutna torom det ma un ususer wakak det.

1 Tesalonaika 2:2

Mot tasmani lena numugu tan anumetul a inawan pat torom mot, a taro det ban laulau metul ma det ban umaimai metul tong o Pilipai. Ikut anundat a God i warut metul, ra metul dekdek ut sur metul in wasiso puaso una nun a Wakak na Wasiso torom mot, ma ka metul ngaran det ra det lari sur det in sakbat metul.

Aposel 16:10

Ra i sa tama tar a tamtama ra, uniutra met waninar pas sur a inawan utong o Masedonia, uni met tasmani lena o God ut i sa kabo pas met sur met in warawai torom det nama Wakak na Wasiso.

Aposel 14:15

“A taro, sur asau ra mot pam a kum utna ri? Mir aru musano kut, mir elar kut kai lar mot! Mir wanpat kut nama Wakak na Wasiso torom mot, ma mir inanos mot sur mot in tupukus gusun a kum utna oros kut ri ra mot lotu torom det, sur mot in mur a God ra i laun. I ra, i ukis a bakut, a rakrakon bual, a tasi, ma a kum utna rop ubalandetul.

Aposel 17:2

O Pol i ruk torom det una rumu na lotu elar nami ra i ser pami. Una tulu Bung na Sabat i wasiso tomo nam det una Buk Tabu.

Aposel 11:19

A taro na nurnur ra det wan sarara tagisapat o Jerusalem, uni di ban laulau det numur tan a minatin o Stiwen, det wan bakbak utong o Saipras, ma una papor Ponisia, ma a tamon Antiok. Det wasiso torom a taro Juda kut nama Wakak na Wasiso un o Iesu.

Aposel 8:4

Ma det ra det wan sarara tagisapat o Jerusalem, det warawai nama Wakak na Wasiso una kum tamon ra det wan iai.