Aposel 13:52 - Nupela Testamen long tokples Kandas

⁵² Ma a taro na ususer tong o Antiok det bukus nama gasgas ma a Tokodos na Nion.

Aposel 13:52 Referans Kwoze

1 Tesalonaika 1:6

Mot sa mur pas a magirametul ma a magiran a Labino. A taro det ban laulau mot, ikut mot pam ukai a wasiso nama gasgas, ra a Tokodos na Nion i pitar tari tamot.

A Pas anun o Pol torom a taro Rom 15:13

A wararing torom o God, i ra dat kis langlang suri nama nurnur sur a wakakino ra in pami. A wararing sur in ubukus mot ra mot nurnur uni nama labino gasgas ma a malmal. Ma una dekdekin a Tokodos na Nion ut, mot in kis langlang nama labino nurnur sur a wakakino, ra numur o God in pami.

Galesia 5:22

Ikut, a Tokodos na Nion i wu a kum petutna ri: A marmaris, a gasgas, a malmal, a kinkinis wowowon, a petutna na warut torom taio, a wakak na petutna, a pam a lingmulus na pinapam,

Aposel 4:31

Ra det sa wararing pas, a rumu ra det kis tomo uni i tugunu, ma det rop det bukus nama Tokodos na Nion, ma det wasiso nama wasiso anun o God, ma ka det ngara.

2 Korin 8:2

Det taramo a susut na mamaut, ikut anundet a gasgas i bukus. Ma una nundet a labino gasgas ma anundet a kinkinis na sibo, det gas ut sur det in etabor.

A Pas anun o Pol torom a taro Rom 5:3

Ma awu sur i kut ra dat gas suri, dat gas utkai una kum mamaut ra dat taramo i, uni dat tasmani lena a kum mamaut i pam pat anundat a tuntunur dekdek.

Aposel 2:4

Det rop det bukus nama Tokodos na Nion, ma det turpas a wasiso nama kum wur ngas na wasiso ra a Tokodos na Nion i pitar tari torom det.

Matiu 5:12

Mot in gas, uni i labo sakit anumot a ikul sapat una langit. Uni di sa ban laulau mugu tar a kum poropet ra det laun numugu tamot, lenkutkai ra di pami un mot.

1 Pita 4:13

Ikut mot in gas ra mot in taramo a ngunungut elar nam o Karisito i taramo i, sur mot in bukus nama gasgas ra o Karisito in nanpat nam anun a minamar.

Jems 1:2

A kum tistising, ra lako kum ngas na maut in nanpat torom mot, mot in gas,

A Pas anun o Pol torom a taro Rom 14:17

Uni a matanitu anun o God awu sur tagun a utna na inangon ma a ininum. A matanitu anun o God tagun a tokodos na petutna, a malmal ma a gasgas tan a Tokodos na Nion.

Aposel 5:41

Ra a kum aposel det pirso gusun a kiwung, ma det gas, uni o God i tama det lena det wakak sur det in los a maimai una risan o Iesu.

Aposel 2:46

Det ser kis tomo ubalan in noworo ina rumu na etabor una kum bung rop. Ra det ser wangon tomo una nundet a kum rumu nama gasgas ma a lingmulus ubalandet.

Aposel 11:29

Ra a taro na ususer det kubus pasi sur det in etabor torom a taro na nurnur ra det kis una papor Judia. Det rop taktakai det in etabor nama sau ra i sot sur det in etabor nami, elar nama sau ra det utur ukai i.