Aposel 13:14 - Nupela Testamen long tokples Kandas

¹⁴ O Pol ma o Banabas der katutur melet pas tagitong o Perga ra der wan utong o Antiok una papor Pisidia. Ma una Bung na Sabat der ruk una rumu na lotu anun a taro Juda, ra der kis tiro iai.

Aposel 13:14 Referans Kwoze

Aposel 16:13

Una Bung na Sabat met pirso una matansako ina tamon ra, sur a danim, uni met nuki lena a nubual na niaring kura nisan a danim ra. Met kis taru, ma met wasiso nama wardain ra kura det sa kis tomo taru tiro iai.

Aposel 17:2

O Pol i ruk torom det una rumu na lotu elar nami ra i ser pami. Una tulu Bung na Sabat i wasiso tomo nam det una Buk Tabu.

Aposel 14:19

Numur a ramano kum te Juda det wanpat tagitong o Antiok ma o Aikoniam, ra det dat pukus pas a nuknukin a susut na taro gusun o Pol der nam o Banabas. Det duku o Pol nama watat, ma det dat pirso ru i gusun a tamon, ra det nuki lena i sa mat.

Aposel 13:5

Der wanpat tong o Salamis, ra der warawai nama wasiso anun o God, una kum rumu na lotu anun a taro Juda. Detul wan tomo nam o Jon, anunder a tene warut.

Aposel 18:4

Una kum Bung na Sabat i wasiso tomo nam det una rumu na lotu anun a taro Juda, sur in ukatutur a nuknukin a taro Juda, ma det kai ra awu sur a taro Juda, sur det in nurnur un o Iesu.

Aposel 19:8

O Pol i ser ruk una rumu na lotu, ma i wasiso nama dekdek ma ke ngara. I lari sur in pukus pas a nuknukin det sur a matanitu anun o God. I pami lenra i elar nama tulu kalang.

Aposel 13:44

Una Bung na Sabat ra det sa kubus tari, milau sur det rop tagun a tamon ra det wanpat tomo, sur det in longoro a wasiso anun o God.

Aposel 13:42

O Pol ma o Banabas der pirso gusun a rumu na lotu, ra a taro det saring der sur der in milet una Bung na Sabat sapat, sur der in wasiso melet torom det una kum utna ri.

Aposel 9:20

Uniutra i turpasi sur in warawai una kum rumu na lotu anun a taro Juda. I warawai un o Iesu lena, i a Nutun o God.

Luk 4:16

O Iesu i wanpat tiro o Nasaret, a tamon ra i labo pat iai, ma i ruk una rumu na lotu una Bung na Sabat, elar nama nun a petutna ut, ma i tur sur in luluk.

Aposel 13:46

Ikut ka der ngara ra der watungi lena, “A labino utna sur mir in upuaso mugu tar a wasiso anun o God torom mot. Ma mir sa pam sot pasi. Ikut mot rosumur gusuni, ra i elar nami ra mot ut mot watungi lena, ‘Ka met tokodos sur met in los a nilaun tukum.’ Mot in tama i, mir in nan mo torom a taro ra awu sur a taro Juda.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.