Aposel 11:27 - Nupela Testamen long tokples Kandas

²⁷ Una kilalo ra, a ramano kum poropet det wan tagisapat o Jerusalem utong o Antiok.

Aposel 11:27 Referans Kwoze

Aposel 13:1

Tiro o Antiok, a kum poropet ma a kum tene ususer kai, kura epotor tan a taro na lotu. Iri a kum risandet: o Banabas, o Simion ara risano kai o Niger, o Lusius a te Sairini, o Sol ma o Manaen, i ra di ugu tomo der nam o Erod, a mugumugu.

1 Korin 12:28

O God i sa pilok pas a taro ri epotor tan a taro na lotu: a mugano ut a kum aposel, a manru a kum poropet, a mantul nami, a kum tene ususer, ma det kai ra det pam a kum utna na ukisin, ma det ra o God i pitar a etabor torom det sur det in ulangolango pas a kum misait, ma det ra det warut a taro, ma det ra det ser mugu a taro una kum pinapam, ma det ra det wasiso nama wur ngas na wasiso.

Epeses 4:11

I ut ra i tabor anun a taro nama kum aposel, a kum poropet, a kum tene wasiso talapor nama Wakak na Wasiso, ma a kum pasta, ma a kum tene ususer,

Aposel 15:32

O Judas ma o Sailas der pitar a susut na wasiso sur der in uragot a taro ra det tar tistisino una nurnur, ma sur der in udekdek det, uni der aru poropet.

Aposel 2:17

‘O God i watungi lena: Una kum ururop na bung an pitar pirso a Niong torom a taro rop. A kum nutnutu mot, a kum musano ma a wardain, det in wasiso na poropet. Anumot a kum barman det in tama a kum tamtama, ma anumot a kum takano na musano det in ririon a kum ririon.

Matiu 23:34

I mo ra an tulu ru a kum poropet, a kum tene mananos, ma a kum tene ususer torom mot. Lako taro tagun det, mot in um doko det, ma lako taro, mot in sak wat det una kum nanai kutus, ma lako taro kai, mot in um det una numot a kum rumu na lotu, ma mot in lu ru det gusun anumot a kum tamon, ma det in kalabor sur a kum tamon gisen.

1 Korin 14:32

A wasiso na poropet i kis utuntudu ina warkurai anun a poropet ut.

Aposel 21:9

O Pilip a wat na nutnutunu, a wat na toraro, ra det ser wasiso na poropet.

Aposel 21:4

Ra met etorom pas a taro na ususer, met kis pas tiro iai a wonom mawit na bung. Ma a Tokodos na Nion i unuk tar det nama wasiso sur gong o Pol i wan usapat o Jerusalem.

Luk 11:49

I mo ri a kibino, o God ra i mananos doko i watungi lena, ‘An tulu ru a kum poropet ma a kum aposel torom a taro. A taro det in um doko lako taro tagun det, ma det in ukadik lako taro kai tagun det.’

Aposel 6:5

Det rop det gas una wasiso ri. Ra det pilok pas o Stiwen, a musano ra i bukus nama nurnur ma a Tokodos na Nion. Ra det pilok pasi kai o Pilip, o Prokorus, o Nikano, o Timon, o Pamenas, ma o Nikolas, a musano tagitong o Antiok, ra awu sur a te Juda, ikut i ruk una lotu Juda.

Aposel 11:20

Ikut ara taro tagun a taro na nurnur ra, a taro Saipras ma a taro Sairini, det wan utong o Antiok, ra det wasiso torom a taro ra awu sur a taro Juda kai, nama Wakak na Wasiso una Labino o Iesu.

Aposel 11:22

A taro na lotu sapat o Jerusalem det longoro a wasiso un asau ra i wanpat, ra det tulu ru o Banabas utong o Antiok.

Aposel 14:26

Ra der sa pam sot pas anunder a pinapam una kum tamon, der kas una sip tagitong o Atalia utong o Antiok. O Antiok a tamon ra a kum tene nurnur, det pitar tar der una marmaris anun o God, ma det tulu der sur a pinapam ri.

Aposel 15:22

A kum aposel, ma a kum mugumugu, ma a taro na lotu rop, det wasiso tomo pas sur det in pilok pas lako ru musano tagun det, sur det in nan tomo nam o Pol ma o Banabas utong o Antiok. Det pilok pas o Judas, ara risano kai o Basabas, ma o Sailas, aru mugumugu tagun det ra det tar tistisino una nurnur.

Aposel 15:30

Numur di tulu det, ra det wan utong o Antiok. Tiro iai det kabo tomo pas a taro na lotu, ra det pitar tar a pas ra tandet.

Aposel 18:22

Ra i sot tong o Sisaria, i wan usapat o Jerusalem sur in lumu tar a taro na lotu, ra numur i wan utong o Antiok.

1 Korin 12:10

Ma i tabor ara kai nama dekdek sur in pam a kum utna na ukisin, ma ara kai nama wasiso na poropet. Ma i tabor ara kai nama mananos sur in tasman lele a Tokodos na Nion ma a kum nion gisen kai, ma ara kai nama mananos sur in wasiso nama wur ngas na wasiso, ma ara kai nama mananos sur in palos a kukurai ina wur ngas na wasiso.

Galesia 2:11

Ra o Pita i wanpat tong o Antiok, a woso matano lena, i sa raro, uni a utna ra i pami ke tokodos.