2 Timoti 4:17 - Nupela Testamen long tokples Kandas

¹⁷ Ikut a Labino i warut iau, ma i udekdek iau sur an pam sot pas a warawai nama Wakak na Wasiso, ma a taro rop ra awu sur a taro Juda det in longoro i. Det nem na um doko iau, ikut a Labino i ulaun pas iau.

2 Timoti 4:17 Referans Kwoze

1 Pita 5:8

Mot in tumarong, ma mot in tamtamabat wakak anumot a nilaun, uni anumot a ebar, o Satan, i wan tuptupukus elar nama laion. I kukukuk tuptupukus, ma i sisio sur lako taro sur in nan det.

Aposel 9:15

Ikut a Labino i watungi tano lena, “Un nan kut, uni a sa pilok pasi, sur i anung a tene pinapam. In wasiso puaso una risang torom a taro ra awu sur a taro Israel, torom a kum king, ma torom a taro Israel kai.

Ibru 11:33

Una nundet a nurnur, a taro ri det waim tomo nama kum king ma det winim rop pas det, det papam nama tokodos na petutna, det los pas a kum utna ra o God i uliliman tar det nami, ra det pam bat a wan a kum laion.

Aposel 23:11

Una mirum utra, a Labino i wanpat torom o Pol, ra i watungi tano lena, “Gong u ngara, un tur dekdek. U sa wasiso talapor taru un iau nin o Jerusalem, lenkutkai ra un wasiso talapor un iau tong o Rom.”

2 Pita 2:9

Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai.

Matiu 10:19

Ra din dat pas mot, gong mot nuknuk bing sur asau ra mot in watungi, ma mot in wasiso pepetlai, uni una du bung ut ra, o God in unuk tar mot nama wasiso ra mot in watungi.

2 Timoti 3:11

anung a kum mamaut, ma a kum ngunungut ra a taramo i. U tasman rop a kum lamlabino ngunungut ra a taramo i tong una tulu tamon ri: o Antiok, Aikoniam ma o Listra. Ikut a Labino ut i ulaun pas iau gusun a kum utna ri.

1 Timoti 1:12

A watung wakak torom o Karisito Iesu anundat a Labino, ra i pitar tar a dekdek tang. A watung wakak toromi uni i nurnur un iau, ma i ubek tar iau sur an papam toromi.

Epeses 3:8

Ma iau, a natino sakit tandet rop a taro anun o God. Ikut i maris iau, ra i pitar tar a pinapam ri tang, sur an warawai torom det ra awu sur a taro Juda una kum utna anun o Karisito ra i labo sakit, ma ken elar sur taio in tasman rop pasi.

2 Korin 12:9

Ikut i watungi lenri tang, “Anung a marmaris torom ui sa sot, ma kon sibo sur tu utna gisen. Uni din tama pupuaso a dekdeking un ui ra kalako dekdekim.” I mo ra a gas doko sur an warango pas iau lena, kalako dekdeking, sur a dekdekin o Karisito in kis un iau.

Luk 21:15

Uni iau ut, an unuk tar a wasiso ma a mananos kai una nuknuki mot, ra anumot a kum ebar rop, ka det in balu lar pasi, ma ka det in ipul ru i.

Luk 1:1

Torom o Tiopilus, A susut det lari ra det sa pam sot pas a tumtumus una kum utna ra i wanpat epotor tamet.

A Pas anun o Pol torom a taro Rom 15:31

Mot in saring o God sur in ulaun iau gusun a taro ra ka det nurnur, ra kurong det una papor Judia. Ma mot in wararing kai sur a taro anun o God sapat o Jerusalem det in gas pas anung a pinapam na etabor torom det.

2 Timoti 2:1

Timoti, o nutunglik una nurnur, un tur dekdek una marmaris anun o God, ra dat losi tan o Karisito Iesu.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

2 Timoti 4:5

Un nuknuk wakak una kum bung rop. Ra un taramo a kum mamaut, un tur dekdek ut. Un dekdek nama warawai una Wakak na Wasiso, ma un pam sot pas anum a kum pinapam rop, ra o God i sa pitar tari tam.

Taitus 1:3

Ra a du bung i sa sot, i upuaso anun a wasiso ra met warawai nami. O God a Tene Ulaun anundat, i pitar tar a pinapam na warawai tang elar ut nami ra i sa watung tari.