2 Timoti 4:14 - Nupela Testamen long tokples Kandas

¹⁴ O Aleksanda, a tene pam ututna nama aen, i pam a susut na sakino petutna torom iau. A Labino ut in balu i toromi.

2 Timoti 4:14 Referans Kwoze

1 Timoti 1:20

O Emeneus ma o Aleksanda aru tagun det, ma a sa pitar tar der ulaman o Satan, sur der in tasmani lena, gong melet mo der watung laulau o God.

2 Tesalonaika 1:6

O God i tokodos, ma in ukadik det ra det ukadik mot,

Tamtama 18:6

A petutna ra i pam tari un mot, mot in balu meleti toromi, anun a kum pinapam ra i pam tari un mot, mot in balu i elar ut nam aru dino toromi. A kap ra i pitari torom mot sur mot in inum uni, mot in ubukusi aru dino sur mot in pitari toromi sur in inum melet uni.

A Pas anun o Pol torom a taro Rom 12:19

A kum paspasang, gong mot balu taio ra i pam a laulau ino torom mot. Mot in madek tari kut torom o God sur in balu i. Uni di sa tumus tar a wasiso ra a Labino i watungi una Buk Tabu lena, “Anungi kut a warkurai na minabalu. Iau an mabalu.” Lo 32:35

Tamtama 18:20

Mot sapat una langit, mot in gas uni! A taro anun o God ma a kum aposel ma a kum poropet, mot in gas! O God i sa pitar tar a warkurai na minabalu toromi una kum petutna ra i pam tari un mot.’”

Tamtama 6:10

Det kukukuk nama kum labino walngandet lena, “A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?”

1 Jon 5:16

Ra taio in tama o tisino ra i pam a sakino petutna ra ke wan sur a minat, in wararing torom o God, ma o God in pitar a nilaun tano. A niaring ri in warut det ra anundet a sakino petutna ke wan sur a minat. Ikut ka watungi sur mot in wararing sur det ra anundet a sakino petutna i wan sur a minat.

A Pas anun o Pol torom a taro Rom 2:6

O God in warkurai arara, elar ut nama pinapam ra i sa pam tari.

2 Timoti 4:15

Un tumarong ui gusuni, uni i turbat dekdek anundat a etowo.