2 Timoti 2:15 - Nupela Testamen long tokples Kandas

¹⁵ Un pitar tar ui ut torom o God ma un dekdek sur ui a lingmulus na tene pinapam, ra o God in gas nami. A tene pinapam ra ke ser maimai una nun a pinapam, ma i palos kodos a lingmulus na wasiso.

2 Timoti 2:15 Referans Kwoze

1 Tesalonaika 2:4

Awu! Metul wasiso puaso nama Wakak na Wasiso, uni o God i sa lar tar metul, ma i nurnur un metul lena metul in pami. Ka metul wasiso puaso sur metul in ugasgas a taro nami, awu, sur o God ut in gas nami, i ra i ser lar tar a nuknuki metul.

2 Pita 1:10

I mo ra a kum tistising, mot in papam dekdek sur mot in ese i una numot a nilaun lena, o God i sa kabo pas mot ma i pilok pas mot. Ra mot in pami lenra, ka mot in puku,

1 Timoti 4:6

Ra un ususer a kum tistisim nama kum etowo ri, ui a wakak na tultul anun o Karisito Iesu. Una pinapam ri in talapor lena u labo pat una nurnur mulus, ma a wakak na etowo ra u muri.

2 Korin 10:18

Uni osi ra i watung ulabo pasi ut, o naro ra awu sur i labo umatan a Labino, ikut osi ra a Labino i watung ulabo pasi, i ra i labo.

2 Korin 5:9

Lenra, una nilaun nin upiso, o una nilaun sapat netes una langit, met nemi sur met in pami kut a utna ra in gas uni.

2 Korin 4:2

Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Pita 3:14

A kum wakak na paspasang, ra mot kis langlang sur a bung ra, mot in dekdek sur gong tu dur una numot a nilaun, ma katu etakun in los mot un tu utna, ma mot in kis na malmal tomo nam o God.

Galesia 1:10

Ka nemi sur a taro det in ulabo pas iau, a nemi sur o God ut in gas nam iau. Ka nem na ugasgas a taro kut. Ra an ugasgas a taro kut, awu sur iau a tultul anun o Karisito.

2 Pita 1:15

A lingmulus, an dekdek sur an unuk tar mot una kum utna ri, sur mot in nuk ukai det ra a sa mat.

Epeses 1:13

Ma mot kai tagun o Karisito, uni mot longoro a lingmulus na wasiso ri, a Wakak na Wasiso lena o God in ulaun pas mot. Ra mot nurnur un o Karisito, o God i ubek tar anun a ukinalong un mot, a Tokodos na Nion, ra i sa uliliman mugu taru uni.

1 Tesalonaika 5:14

A kum tistisi metul, metul saring mot sur mot in tumarong a kum tubunu wok na taro, mot in uragot det ra det ser ngara, mot in warut det ra ka det dekdek una nurnur, ma mot in ese a wowowon na petutna torom a taro rop.

2 Korin 3:6

I ut i ukis tar met sur met a kum tene pinapam una matok na kunubus, ma i pitar tar a dekdek tamet sur met in papam nami. A matok na kunubus ri, awu sur tagun a kum wasiso na Warkurai ra di sa tumus tari, i kibino pas ut una Tokodos na Nion. A wasiso na Warkurai i pitar pati kut a minat, ikut a Tokodos na Nion i pitar a nilaun.

A Pas anun o Pol torom a taro Rom 14:18

Ma osi ra in mur a kum petutna ri una nun a pinapam torom o Karisito, o God in gas nami, ma a taro kai det in tama lele i lena anun a petutna i tokodos.

Ibru 4:11

I mo ra dat in dekdek sur dat in ruk una tamon na mana ra, sur gong taio tandat i puku elar nama taro ra ka det mur a wasiso anun o God.

Jems 1:18

Una nun a nemnem ut, o God i usus matok dat nam anun a lingmulus na wasiso. I pilok pas dat gusun a kum utna na ukukis rop, sur dat in elar nama kum mugano wino duwai ra di ser etabor nami torom o God.

1 Korin 2:6

Ikut, met wasiso na mananos ut epotor tan a taro ra det tur dekdek una nurnur. A mananos ri, awu sur taginin una rakrakon bual, ma awu sur tan a kum mugumugu taginin upiso, ra anundet a warkurai in rop kut.

Aposel 2:22

“A taro Israel, mot in longoro iau. An inanos mot un o Iesu, a te Nasaret. Mot ut mot tasmani lena, una dekdekin o God i pam a kum utna na ukisin, ma a kum dekdek na pinapam ma a kum ukinalong. I pami epotor torom mot, sur o God in ese i torom mot lena, i ut i tulu ru i.

Aposel 20:27

Uni ka ngara ma ka munu tu utna una nuknukin o God. A sa watung rop tari torom mot.

Matiu 13:52

Ra o Iesu i watungi tandet lena, “I mo ra a kum tene ususer rop tagun a Warkurai, ra det sa ususer pas una matanitu tagisapat una langit, det elar nam ara musano ra i uleng a kum wakak na utna una nun a rumu. Ra i upirso a kum wakak na utna ra, gusun anun a rumu sur in papam nami, a ramano kum utna, a kum matokino, ma a ramano kai, a kum turaino.”

A Pas anun o Pol torom a taro Rom 16:10

Mot in pitar anung a marmaris torom o Apelis, i ra di sa lar tari ma i upuaso i lena i a tene nurnur mulus un o Karisito. Mot in pitar anung a marmaris torom det ra tagun a rumu anun o Aristobulus.

Luk 12:42

A Labino i balu i lena, “A tene tamtamabat ra i lingmulus una nun a pinapam ma i mananos kai, anun a labino in ukis tari sur in mugumugu anun a kum tultul, sur in ser tabor det nama andet a utna na inangon una kum du bung na inangon.

A Wakak na Wasiso un o Iesu Karisito o Mak i tumusi 4:33

O Iesu i ususer det nama susut na wasiso elelar kai, ra i elar nam anundet a tastasman.

A Pas anun o Pol torom a taro Rom 6:13

Gong melet mo mot pitar tar tu du pinimot sur in elar nama utna na pinapam sur a pam sakino. Mot in pitar tar mot torom o God, uni mot sa laun melet gusun a minat. Ma mot in pitar tar a kum du pinimot rop torom o God, sur in elar nama kum utna na pinapam sur a tokodos na pinapam.

Jems 1:12

O naro ra i tur dekdek una kum larlar, i dan. Uni, ra i winim pas a kum larlar ra di lar anun a nurnur nami, in rakon a kukup na nilaun tukum, ra o God i sa liliman taru sur in pitari tandet ra det nemi.