2 Timoti 1:12 - Nupela Testamen long tokples Kandas

¹² Iri a kibino ra a taramo a ngunungut lenri. Ikut, ka maimai, uni a tasman o naro ra a nurnur uni, ma a tasman mulusi lena, in pet lar pasi sur in tamtamabat a pinapam, ra i sa pitar tari tang, tuk una bung na warkurai.

2 Timoti 1:12 Referans Kwoze

2 Timoti 1:8

Gong u maimai sur un wasiso talapor una nundat a Labino, ma gong u maimai un iau, ra uniri a kis una karabus una risano. Ikut, un waninar sur ui kai, un taramo a ngunungut una Wakak na Wasiso tomo nam iau. Ra un taramo a ngunungut, o God ut in pitar a dekdek torom ui.

A Pas anun o Jud 1:24

Dat in watung ulabo pas o God, ra i pet lar pasi sur in tamtamabat mot sur gong mot puku, ma in utur mot umatan anun a minamar, nama labino gasgas ma katu etakun torom mot.

1 Pita 4:19

I mo ra, det ra det los a ngunungut una nemnem anun o God, det in pitar tar det torom anundet a Tene Ukukis, ra i ser pam sot rop pas anun a kum wasiso, ma gong det mana nama pam a wakak na petutna.

2 Timoti 4:8

O God i sa ubek tar anung a ikul, uni anung a nilaun i tokodos umatano. A Labino, a tokodos na Tene Warkurai in pitari tang una bung na warkurai. Ma awu sur torom iau kut, in pitari kai torom det rop ra det kis langlang nama labino nemnem sur anun a inawan pat melet.

Ibru 7:25

I mo ra, o Iesu i pet lari sur in ulaun a taro ra det wan torom o God una risan o Iesu. In ulaun det ra det in laun tukum, uni i laun tukum sur in wararing sur det.

1 Timoti 6:20

Timoti, un tamtamabat wakak a pinapam ra o God i pitar tari tam. Un nan gisen gusun a kum wasiso ororos kut, ra ke elar nama nemnem anun o God, ma gusun a wasiso na engaras una utna di watungi nama “mananos”, ikut awu sur a mananos mulus.

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

Matiu 24:36

“Katutaio i tasman a bung o a du bung ra a kum utna ri in nanpat. A kum ensel sapat una langit ka det tasmani, ma o Nutunu kai ke tasmani, o Tamano sot kut i tasmani.

1 Pita 1:5

Ra i tamtamabat mot nama dekdekino, uni mot nurnur uni. In tamtamabat mot tuk una ururop na bung ra in ulaun mot. Ma anun a pinapam na ulaun a taro, i sa waninar tari sur in upuaso i.

2 Timoti 1:18

A wararing sur a Labino in maris o Onesiporus una bung na warkurai. U sa tasman wakak a kum pinapam na warut ra i sa pam tari torom iau tiro o Epeses.

Pilipai 3:21

In pukus pas a pinindat ra ke dekdek, sur in elar nama pinino ra i bukus nama minamar. In pukusi nama dekdekino. A dekdekino ra i papam nami sur in ubek tar a kum utna rop utuntudu in anun a warkurai.

2 Timoti 2:9

Ma a taramo a ngunungut, ma di ker iau elar nama tene sakino, uni a warawai nama Wakak na Wasiso. Ikut, a wasiso anun o God ka din turbat lar pasi.

Pilipai 3:10

A nemi sur an tasman o Karisito ma a dekdekin anun a katkatutur melet gusun a minat, ra a nemi sur an tur tomo nami una nun a kum ngunungut, ma an elar ut nami una nun a minat.

Pilipai 3:8

I lingmulus, a kum utna rop ri, det a kum utna oros mukut torom iau. Ara utna kut ra i labo sakit, a tasman o Karisito Iesu anung a Labino. A sa ubek ru a kum utna rop ri, kibino un o Karisito. Det elar mukut nama beren umatang, sur an los pasi mukut o Karisito una nung a nilaun,

1 Korin 3:13

din upuaso anun a ngas na pinapam una bung na warkurai. Din upuaso i nama sungun, ma a sungun ra in lar a ngas na pinapam anun arara taktakai.

A Wakak na Wasiso un o Iesu Karisito o Jon i tumusi 17:15

Ka saring ui sur un rakon ru det gusun a rakrakon bual, awu. Ikut a saring ui sur un tamtamabat det gusun a Tene Sakino.

Matiu 12:21

A taro tagun a kum gapman det in nurnur una risano ma det in kis langlang sur in ulaun det.” Ais 42:1-4

A Pas anun o Pol torom a taro Rom 9:33

Elar nami ra di sa tumus tari una Buk Tabu lenri, “Tama i, a ubek tar a wat sapat o Saion, ra a taro det in tutuka uni, ma det in puku. Ma osi ra in nurnur uni, ken maimai.” Ais 8:14; 28:16

1 Pita 4:16

Ikut ra taio i los a ngunungut, uni i a te Karisito, gong i maimai uni. In watung wakak torom o God, uni i los a risan o Karisito.

Ibru 12:2

Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.

Ibru 2:18

O Iesu i pet lari sur in warut det ra di lar det, uni o Iesu kai di lari ma i taramo a ngunungut uni.

1 Tesalonaika 2:16

uni det lari sur det in turbat metul, sur gong metul warawai torom a taro ra awu sur a taro Juda sur gong o God i ulaun pas det. Ma una kisapi ra, det palataun anundet a kum sakino petutna tuk ra anundet a kum sakino petutna i bukus. I mo ra uniri a kankan anun o God i sa wanpat torom det.

Pilipai 1:20

A nurnur lena, kan pam tu utna ra an maimai uni. An tur dekdek ma kan ngara, sur an ulabo pas o Karisito una nung a kum petutna rop elar nami ra numugu a ser pami. Sako an laun o an mat, an ulabo pasi ut.

Aposel 21:13

Ikut o Pol i balu met lena, “Ilai ra mot tangis, ma mot utupunuk iau? A sa pitar tar iau sur det in ker iau ma din um doko iau utkai sapat o Jerusalem, kibino una risan a Labino o Iesu.”

Aposel 13:50

Ikut a kum te Juda, det ukatutur a nuknukin a kum mugumugu na ino ra det ser urur torom o God, ma a nuknukin a kum mugumugu na musano kai tagun a tamon ra, sur det in ban laulau o Pol ma o Banabas. Ma det lakro ru der gusun anundet a papor.

Aposel 13:46

Ikut ka der ngara ra der watungi lena, “A labino utna sur mir in upuaso mugu tar a wasiso anun o God torom mot. Ma mir sa pam sot pasi. Ikut mot rosumur gusuni, ra i elar nami ra mot ut mot watungi lena, ‘Ka met tokodos sur met in los a nilaun tukum.’ Mot in tama i, mir in nan mo torom a taro ra awu sur a taro Juda.

Aposel 9:16

Ma an inanosi lena, in taramo a susut na mamaut una risang.”

Aposel 7:59

Ra kura utmakai det dukuduku i, o Stiwen i wararing lena, “Labino o Iesu, un los pas a niong.”

A Wakak na Wasiso un o Iesu Karisito o Jon i tumusi 6:44

O Tita i tulu ru iau urin. Kataio in pet lar pasi sur in nan torom iau, ra o Tita ken ben tari torom iau. Ra o Tita in ben tari torom iau, iau ut an ukatutur pasi gusun a minat una bung na warkurai.

Luk 23:46

Ra o Iesu i kukuk dekdek lena, “Tita, a pitar tar a niong un aru lamam.” Ra i sa watung tari lenri, i mat.

1 Tesalonaika 5:4

Ikut mot, a kum tistisi metul, a bung ra ken ukisin mot, elar nama tene wolong, uni awu sur mot kis una dumirum.

Luk 10:12

A watungi tamot, una bung na warkurai, a warkurai torom a tamon ra, in laulau doko taun a warkurai torom a taro Sodom.

Matiu 7:22

Una bung na warkurai a susut na taro, det in watungi tang lena, ‘Labino, Labino, met wasiso na poropet nama risam, ma met lakro ru a kum laulau na nion kai nama risam, ma met pam a susut na utna na ukisin nama risam.’

1 Korin 1:8

I ut in udekdek mot tuk una ururop na bung, sur katu utna ra din takun mot nami una bung anun anundat a Labino o Iesu Karisito.

2 Timoti 1:14

Una dekdekin a Tokodos na Nion ra i kis un dat, un tamtamabat wakak a Wakak na Wasiso ra o God i sa pitar tari tam.

2 Timoti 1:16

A wararing sur o God in maris o Onesiporus det tamtamano, uni i ser ugasgas iau, ma ke maimai un iau ra a kis una karabus.

Taitus 3:8

A kum wasiso ri i lingmulus sakit. Ma a nemi sur un papam dekdek nami, sur a taro ra det nurnur un o God, det in pitar mulus tar det una wakak na pinapam una nundet a kum bung na nilaun. A kum wasiso ri i wakak ma i warut a taro rop.