2 Pita 3:10 - Nupela Testamen long tokples Kandas

¹⁰ Ikut a bung anun a Labino in nanpat kisin elar nama tene wolong. A bakut in rorom nama labino rurung, ma a kum ukukis kusapat uni, det in laulau rop tan a labino sungun, ma a rakrakon bual ma a kum utna rop ra det kis uni, det in rorom rop.

2 Pita 3:10 Referans Kwoze

Tamtama 21:1

Numur a tama a matok na langit ma a matok na rakrakon bual, uni a mugano langit ma a mugano rakrakon bual der sa rorom, ma kalako tasi mo.

Matiu 24:35

A langit ma a rakrakon bual der in rop, ikut anung a kum wasiso ken rop.

2 Pita 3:7

O God i pam ukai a bakut ma a rakrakon bual nama wasiso ra, a bakut ma a rakrakon bual ri dat tama der. I pam ukai der sur der in kis langlang sur a bung na warkurai, ra a sungun in ban laulau der, tomo nama taro ra ka det mur a petutna ra i wakak umatan o God.

Tamtama 16:15

“Tama i, an nanpat elar nama tene wolong. Osi ra i kis na tamtamabat ma i waninar anun a kum malu, i dan, sur gong i mengere ma i maimai.”

1 Tesalonaika 5:2

Uni mot sa tasman wakaki lena, a bung anun a Labino in nanpat kisin, elar nama tene wolong una mirum.

A Wakak na Wasiso un o Iesu Karisito o Mak i tumusi 13:31

A langit ma a rakrakon bual der in rop, ikut anung a kum wasiso ken rop.

2 Pita 3:12

Ma mot in kis langlang sur a bung anun o God, ma mot in urarak a bung sur in nanpat lakit. Una bung ra, o God in tun ru a bakut, ma a kum utna sapat una bakut in polo tan a labino mararong ina sungun, ma in rorom.

Tamtama 3:3

I mo ra, mot in nuk pas a etowo ra di sa pitar tari tamot ma mot sa longoro tari, mot in muri ma mot in nukpukus. Ikut, ra ka mot in tuangun, an nanpat torom mot elar nama tene wolong ma ka mot in tasman a du bung ra an nanpat uni.

Luk 12:39

Mot in tasman a utna ri: Ra a taman a rumu in tasman a du bung ra a tene wolong in nanpat uni, ken madek ru anun a rumu sur din wolongi.

Tamtama 20:11

Numur a tama a labino kiskis na king i kabang, ma a tama pas ara ra i kis uni. Ma a rakrakon bual ma a bakut der rorom gusun in matano, katu nubual melet mo anunder.

1 Korin 5:5

mot in pitar tar a musano ra ulaman o Satan, sur din ban laulau a sakino nemnem ina pinino, ma o God in ulaun pas a niono una bung ra a Labino in nanpat melet.

A Pas anun o Pol torom a taro Rom 8:20

Uni a kum ukukis rop det kis una karabus na minat ma det utna oros kut. Awu sur a nemnem anun a kum ukukis, a nuknukin o God sur det in kis langlang sur a bung,

A Pas anun o Jud 1:6

Ma a kum ensel kai, ra ka det gas una kum pinapam ra o God i sa tibo tar det nami, det wan gisen gusun a kinkinis anundet. Ra o God i sa ker ukai tar det nama kum sen, ra in kis tukum. Ma det sa kis una dumirum ra det kis langlang pas a labino bung ra din warkurai det.

1 Korin 1:8

I ut in udekdek mot tuk una ururop na bung, sur katu utna ra din takun mot nami una bung anun anundat a Labino o Iesu Karisito.

1 Tesalonaika 5:4

Ikut mot, a kum tistisi metul, a bung ra ken ukisin mot, elar nama tene wolong, uni awu sur mot kis una dumirum.

2 Pita 3:11

Ra a kum utna rop ri det in laulau lenri, osi na ngas na nilaun ra mot in muri? I wakak ra anumot a nilaun in tokodos, ma mot in pam a petutna ra i wakak umatan o God.

Tamtama 6:14

Ma a bakut kai i rorom kut elar nama bat ra di puli. Ma a kum tangai ma a kum ailan det karkarai gusun a kum kinandet.