2 Pita 2:4 - Nupela Testamen long tokples Kandas

⁴ O God ke maris bat a kum ensel ra det pam a sakino petutna. I woro pirso ru det unin labino tung ra i dumirum doko, ma di ker ukai tar det, ma det kis langlang pas a bung na warkurai.

2 Pita 2:4 Referans Kwoze

A Pas anun o Jud 1:6

Ma a kum ensel kai, ra ka det gas una kum pinapam ra o God i sa tibo tar det nami, det wan gisen gusun a kinkinis anundet. Ra o God i sa ker ukai tar det nama kum sen, ra in kis tukum. Ma det sa kis una dumirum ra det kis langlang pas a labino bung ra din warkurai det.

Matiu 25:41

“In watungi bulung torom det una papor kair na lamano lena, ‘Mot wan gisen gusun iau. A dekdekin a warkurai na minabalu i sa kis un mot. Mot nan una labino sungun ra ken mat, ra di sa waninar tari sur o Satan ma anun a kum ensel.

A Pas anun o Pol torom a taro Rom 8:32

O God ke maris bat o Nutunu, awu. I pitar tari kut sur in mat sur dat rop. Ra i pitar tar o Nutunu sur in mat sur dat, in pitar orosi utkai a kum wakak na utna rop torom dat.

Tamtama 20:10

O Satan, i ra i toro pas det, din woro pirso ru i unin labino tung na sungun ma salfa. In nutung, ra di sa woro pirso tari munung a kuabor na wewegua ma a torotoro na poropet iai. Tiro iai din ukadik detul una kum mirum ma a waspi, ken rop ma ken rop.

Luk 10:18

O Iesu i watungi tandet lena, “A tama o Satan i puku tagisapat una langit elar namin nememe.

1 Jon 3:8

Ma osi ra i pam a sakino petutna, i anun o Satan, uni o Satan a tene pam a sakino turpasi ut una turturkibino. Ikut, a Nutun o God i wanpat sur in kamar ru a pinapam anun o Satan.

2 Pita 2:11

A kum ensel det dekdek doko taun a kum torotoro na tene ususer ri, ikut ra det tur umatan a Labino ka det watung laulau a kum ukukis ra kusapat una langit.

2 Pita 2:5

Ma o God ke maris bati kai a rakrakon bual numugu, ra i tulu in nolomom, ra a taro ra det rosumur gusun o God det iru uni. Ikut i ulaun pasi kut o Noa, a tene warawai una tokodos na petutna. Ma i ulaun pasi kai a wonom mawit det.

Luk 8:31

Ma det saring o Iesu sur gong i tulu ruk tar det unin labino tung ra katu tuktukino.

A Wakak na Wasiso un o Iesu Karisito o Jon i tumusi 8:44

A tamamot ra o Satan, ma mot nemi ut lena mot in mur anun a nemnem. Tagun numugu utmakai, i a tene um doko a taro, ma ke tasman a lingmulus, uni katu lingmulus i kis uni. Ra i watung a torotoro, i wasiso nam anun a wasiso mulus, uni i ut a tene torotoro ma a taman a torotoro.

A Wakak na Wasiso un o Iesu Karisito o Mak i tumusi 5:7

A musano ra i kukukuk namin labino walngano lena, “Iesu, a Nutun o God, a Labino Sakit, asau ra u nem na pami un iau? Un liliman umatan o God sur gong u ukadik iau.”

Matiu 8:29

Der woiwoi lena, “Nutun o God, asau ra u nem na pami un mir? Pepetlai, u wan urin sur un ukadik met? Ke sot utmakai a bung na warkurai.”

A Pas anun o Jud 1:13

Det elar nama labino top ra i tapak, ma nundet a kum sakino petutna na maimai ra ka det maimai uni, i wanpat talapor elar nama busu na top. Ma det elar kai nama kum nangnang ra ka det kis una kinandet, det wan tuptupukus kut, ra o God i sa waninar tar a labino dumirum sur det, ma ken rop.

2 Pita 2:9

Ra a Labino i tasman a kisapi ra in ulaun pas a taro ra det ru i, gusun a kum larlar ra in barato det. Ma i tasmani kai a kisapi ra in ukadik a taro ra det rosumur gusuni, ma det kis langlang sur anundet a warkurai na minabalu, una bung na warkurai.

A Pas anun o Pol torom a taro Rom 11:21

Uni o God ke maris bat a kum kano tagun in nanai na oliw mulus. Ra i pami lenra torom det, in pami kai lenra torom mot ra ka mot nurnur.