2 Pita 2:2 - Nupela Testamen long tokples Kandas

² A susut na taro det in mur a kum petutna na pamuk anun a kum torotoro na tene ususer, ra a taro gisen det in watung laulau a lingmulus na nurnur, i kibino una kum ngasino anun a kum torotoro na tene ususer.

2 Pita 2:2 Referans Kwoze

A Pas anun o Pol torom a taro Rom 2:24

I elar nami ra di sa tumus tari una Buk Tabu lena, “A taro ra awu sur a taro Juda, det watung laulau a risan o God, i kibino un mot.” Ais 52:5

A Pas anun o Jud 1:10

Ikut a taro ri det wasiso laulau una kum utna ra ka det talapor uni. Ma anundet a mananos i elar kut nama mananos anun a kum wewegua, ra det muri kut a nemnem ina pinindet. A utna ra, det in iru uni.

Tamtama 13:14

I toro a taro ra det kis nin una rakrakon bual, kibino una kum ukinalong ra i pami nama dekdek, ra di pitar tari tano sur in warut a mugano kuabor na wewegua nami. I inanos det sur det in pam a malalar ina mugano kuabor na wewegua sur det in urur uni. A mugano kuabor na wewegua ra numugu di so tari namin totok na inaim, ikut i laun ut.

A Pas anun o Jud 1:15

sur in warkurai a taro rop. Ma det rop ra ka det mur a nemnem anun o God, det in iru una warkurai, una nundet a kum sakino pinapam ra det sa pam tari, ma una kum laulau na wasiso ra a sakino taro det sa watung tatari una Labino.”

2 Pita 2:15

Det sa wan gusun a tokodos na kisapi, ra det sa raro. Det sa mur a kisapi anun o Balam a nutun o Beor, ra i pam a sakino, uni i nem doko a mani.

1 Pita 2:12

Mot in pam a wakak na petutna epotor tan a taro ra ka det nurnur, sur det ra det takun mot lena mot a kum tene pam sakino, det in tama anumot a kum wakak na pinapam, ma det in watung ulabo pas o God una bung ra in nanpat uni.

Taitus 2:8

Un watung a tokodos na wasiso ra kataio in pukus ui uni, sur det ra det turbat ui det in maimai, uni ka dat pam tu sakino sur det in watung laulau dat uni.

Aposel 24:14

“Ikut uniri an inanos talapor ui lena, a ser mur a Kisapi anun o Karisito, ra det watungi nama torotoro na lotu. Una kisapi ri, a lotu ut torom o God anun a kum tumtubu met tagun numugu, ma a nurnur una kum utna rop ra di sa tumus tari una Warkurai anun o Moses ma una kum buk anun a kum poropet.

Aposel 16:17

A ino ra i mur met nam o Pol, ma i kukukuk lena, “A kum musano ri, det a kum tultul anun o God a Labino Sakit, det inanos mot una kisapi ra din ulaun mot uni.”

Matiu 24:24

Uni lako kum torotoro na Karisito, ma lako kum torotoro na poropet det in nanpat. Det in pam lako kum labino ukinalong ma lako kum utna na ukisin sur det in toro pas a taro ra o God i sa pilok pas det, raut ko det in pet lar pasi. Ikut ka det in pet lar pasi.

Tamtama 12:9

Di woro pirso ru in labino sui, in nusui tagun narap, ra di watungi a tene etakun, o Satan, i ra i ben raro a rakrakon bual rop. Di woro pirso ru i tomo nam anun a kum ensel urin upiso.

2 Pita 2:21

Gunuk ra ka det in tasman a kisapi ina tokodos na petutna, in wakak torom det. Ikut uniri, in laulau doko torom det, uni det sa tasmani, ikut det rosumur melet gusun a warkurai anun o God, ra di sa pitar tari tandet.

Taitus 2:5

det in tamtamabat wakak anundet a nilaun, det in mur a tokodos na petutna, det in lason una pam a kum pinapam tiro una rumu, det in lason sur det in pam a wakakino torom a taro, ma det in ru anundet a kum musano, sur gong taio i watung laulau a wasiso anun o God.

1 Timoti 5:14

A nemi sur a kum ula, ra det dekdek utmakai, det in nolin melet, det in usus melet, ma det in tamtamabat anundet a kum rumu, sur gong det pam tu utna ra anundat a kum ebar det in watung laulau dat uni.

Aposel 19:9

Ikut a balan a ramano taro tagun det i dekdek sakit, ma ka det nem na nurnur, ra det watung laulau a Kisapi anun o Karisito umatan a taro rop. Numur o Pol i wan pas gusun det. I wan sur a rumu na ususer anun o Tiranus, ma a taro na ususer det muri ra det wasiso tomo una kum bung una rumu ra.

Aposel 18:26

I ruk una rumu na lotu, ra i turpas a wasiso ma ke ngara. Ra o Prisila ma o Akuila der longoro i, der ben pasi, ma der palos wakak a Kisapi anun o God toromi.

Aposel 14:2

Ikut a ramano taro Juda ra ka det nem na nurnur, det usungun balan a ramano taro ra awu sur a taro Juda. Det ban laulau a nuknukin det sur det in kankan torom det ra det tar tistisino una nurnur.

Aposel 13:10

ma i watungi tano lena, “Ui a nutun o Satan, a ebar anun a kum tokodos na petutna rop. U bukus nama kum ngas na torotoro ma a kum usobor. U pukus liklik a tokodos na kisapi anun a Labino. Nangisin mo un mana gusun anum a petutna ra?

A Wakak na Wasiso un o Iesu Karisito o Jon i tumusi 14:6

O Iesu i balu i lena, “Iau a kisapi, ma iau a lingmulus, ma iau a nilaun. Kataio in nan torom o Tita un tu kisapi gisen, un iau kut.

A Wakak na Wasiso un o Iesu Karisito o Mak i tumusi 13:22

Uni lako kum torotoro na Karisito, ma lako kum torotoro na poropet det in nanpat. Det in pam lako kum ukinalong ma lako kum utna na ukisin sur det in toro pas a taro ra o God i sa pilok pas det, raut ko ra det in pet lar pasi. Ikut, ka det in pet lar pasi.

A Wakak na Wasiso un o Iesu Karisito o Mak i tumusi 12:14

Ra det wanpat toromi, det watungi lena, “Tene Ususer, met tasmani lena ui a tokodos na musano. Ko nuknuk bing un asau ra a taro det watungi un ui, uni a magiram i takai kut torom a taro rop, ma u ser ususer det una kisapi anun o God nama lingmulus. Pepetlai, i tokodos sur din pitar a takis torom a Sisa o awu?

Matiu 22:16

Det tulu ru anundet a kum nat na ususer tomo nama kum paspasan o Erod torom o Iesu, ma det watungi lena, “Tene Ususer, met tasmani lena ui a tokodos na musano, ma u ser ususer a taro una kisapi anun o God nama lingmulus. Ko nuknuk bing un asau ra a taro det watungi un ui, uni a magiram i takai kut torom a taro rop.

Matiu 7:14

Ikut a matansako ma a kisapi ra i wan sur a nilaun, i natino, ma a pak na taro kut det ser sio pasi.

Tamtama 13:8

Ma det rop ra det kis una rakrakon bual, ra a risandet ke kis una buk na nilaun, ra di sa tumus tari numugu ra o God ke ukisi utmakai a rakrakon bual, det in lotu torom a kuabor na wewegua. A buk na nilaun ra, anun a Barman na Sipsip, ra di um doko ru i.

2 Pita 2:12

Ikut a kum torotoro na tene ususer ri, det elar nama kum kuabor na wewegua, ra ka det mananos, ma det muri kut a nemnem ina pinindet, ma di usus det kut sur din pam ukai det ma din um doko det. Det watung laulau i kut a kum utna ra ka det tasmani. Det in iru elar nama kum kuabor na wewegua.

Aposel 22:4

A ban laulau a taro ra det mur a Kisapi anun a Labino. A um doko a ramano taro, ma a ramano taro kai a dat pas det, a kum musano ma a wardain utkai, ra a uruk tar det una karabus.

2 Pita 2:7

Ikut, i ulaun pas o Lot. I a tene tokodos, ra i los a labino maut una kum petutna na pamuk anun a taro na lakai warkurai.

2 Pita 2:18

Det ulabo pas det nama kum wasiso oros kut, ma det ulam a taro sur det in pam a pamuk na petutna ma det in mur a kum laulau na nemnem ina pinindet. Una ngasino ri, det ulam det ra ke suano det utmakai a inawan gisen gusun a kum tene sakino.

A Pas anun o Jud 1:4

A tumus a utna ri, uni ara taro det sa ruk eno taru torom mot. Ka det mur a nemnem anun o God, ma det in iru una warkurai anun o God, elar nami ra di sa tumus tari numugu utmakai una Buk Tabu. Det pukus laulau pas a marmaris anun o God, ra det watungi lena, “I wakak kut ra dat in pam a kum petutna na pamuk.” Ma det ipul ru i kut anundat a Mugumugu ma anundat a Labino o Iesu Karisito, i ara sot kut.

A Pas anun o Jud 1:7

Lenkutkai ra torom o Sodom ma o Gomora, ma a kum tamon milau der. A taro tagitiro iai, det pam a petutna na pamuk, ma det pam a sakino petutna melet torom det ut a kum musano. Ra a kum tamon ra, det iru rop una sungun. Ma anundet a iniru i utumarong dat sur dat in tasmani lena, a labino sungun ra ken mat, i kis sur a kum tene sakino sur din tun det uni.