2 Korin 7:3 - Nupela Testamen long tokples Kandas

³ Ka watung a wasiso ri sur an takun mot uni, awu. Numugu a sa inanos tar mot lena, met nem doko mot. Mot sa kis una nuknuki met, sur dat in laun tomo ma dat in mat tomo.

2 Korin 7:3 Referans Kwoze

1 Tesalonaika 2:8

Metul nem doko mot, ra metul gas doko sur metul in inanos mot una Wakak na Wasiso anun o God. Awu sur i kut ra, awu, metul gas utkai sur metul in pitar anumetul a nilaun kai torom mot, uni mot labo doko umatametul.

2 Korin 13:10

Iri a kibino ra a tumus a kum utna ri torom mot ra ka wanpat utmakai. Ra an nanpat, kan wasiso nama dekdek na wasiso torom mot, ma kan kuro mot nama warkurai ra a Labino i sa pitar tari tang. I pitar tari tang sur an udekdek mot nami, awu sur an ban laulau mot nami.

2 Korin 12:15

A gas kut sur an pitar tar anung a kum utna rop, ma anung a nilaun kai, sur u warut mot. A nem doko mot, ma pepetlai, anumot a marmaris torom iau in natino kut?

2 Korin 11:11

Pepetlai, ra ka saring mani gusun mot, i upuaso i lena, ka nem mot? Awu. O God i tasmani lena, a nem doko mot!

2 Korin 7:12

Numugu a tumtumus torom mot, awu sur i kibino una musano ra di pam a sakino toromi, ma awu sur i kibino kai una musano ra i pam a sakino, awu. A tumtumus sur mot in tama lele pas anumot a tuntunur tomo nam met umatan o God.

2 Korin 3:2

Mot ut a pas anumet, ra di sa tumus tari una balamet. A taro rop det lukluki ma det tasmani.

Pilipai 1:7

I tokodos sur an nuknuk lenri un mot rop, uni mot kis mulus una nuknuking. Dat rop dat tur tomo una pinapam ra o God i pitar tari tang una nun a marmaris. Dat tur tomo ra a kis una karabus, ra a wasiso balu det ra det watung laulau a Wakak na Wasiso, ra a upuaso i torom a taro.