2 Korin 5:17 - Nupela Testamen long tokples Kandas

¹⁷ Ra taio tagun o Karisito, i a matok na ukukis. Anun a petutna tagun numugu i sa rop. Tama i, a matok na nilaun i sa wanpat.

2 Korin 5:17 Referans Kwoze

A Wakak na Wasiso un o Iesu Karisito o Jon i tumusi 3:3

O Iesu i balu i lena, “A inanos ui nama lingmulus, osi ra ka di usus matoki, ken tama lar pas a matanitu anun o God.”

Galesia 6:15

Ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit, dat a matok na ukukis anun o God.

A Pas anun o Pol torom a taro Rom 8:1

I mo ra det ra tagun o Karisito Iesu, katu warkurai na minabalu mo anun o God torom det.

Epeses 2:10

Dat a sap na laman o God. Dat tagun o Karisito Iesu, ma o God i ukis dat sur dat in pam a kum wakak na pinapam, ra o God i sa waninar tari sur dat in pami.

1 Korin 1:30

O God ut i sa pam tar a kisapi sur mot in laun tomo nam o Karisito Iesu, ma i pitar tari sur i a kimkibin anundat a mananos. Un o Karisito, o God i watung dat lena dat tokodos umatano, ma dat anun a taro. Ma una pinapam anun o Karisito, o God i kul langolango pas dat gusun anundat a kum sakino petutna.

A Wakak na Wasiso un o Iesu Karisito o Jon i tumusi 15:5

“Iau ut in nanai na wain, ma mot a kum kanokano. Osi ra i laun un iau, ma iau a laun uni, in wu a susut na wino. Ikut ra mot laun gisen gusun iau, ka mot in pam lar pas tu utna.

2 Korin 5:21

O Karisito ke pam tu sakino petutna, ikut o God i ubek tar anundat a sakino petutna netes uni, sur dat ra tagun o Karisito, dat in rakon a tokodos na petutna anun o God.

A Pas anun o Pol torom a taro Rom 7:6

Ikut uniri, dat mat gusun a kum Warkurai ra i ker ukai dat numugu. Ma di sa ulangolango pas dat gusun a dekdekin a Warkurai, ma dat papam torom o God nama matok na kisapi, ra a Tokodos na Nion i pitari torom dat. Awu sur i elar nama mugano kisapi, ra dat muri kut a kum Warkurai ra di tumus tari.

2 Korin 5:16

I mo ra uniri, anumet a petutna torom a taro ke elar nami ra numugu. Numugu met tama a taro elar nama ngasino taginin na rakrakon bual. Ma met tama i kai o Karisito elar nama taro tagun a rakrakon bual det tama i. Ikut uniri, anumet a tamtama ke len melet mo lar numugu.

A Wakak na Wasiso un o Iesu Karisito o Jon i tumusi 3:5

Ra o Iesu i balu i lena, “A inanos ui nama lingmulus, osi ra ka di usus matoki una danim ma una nion, ken ruk lar pas una matanitu anun o God.

Epeses 2:15

Ra i mat, i urop ru a kum Warkurai anun a taro Juda, sur in dat tomo aru kabotaro, sur ara matok na kabotaro mukut, sur dat rop dat in kis na malmal.

Galesia 3:28

Una nurnur un o Karisito, a taro Juda ma a taro gisen det elar umatan o God, lenkutkai ra a kum tene ititula ma det ra awu sur a kum tene ititula, a kum musano ma a wardain. Uni mot rop mot ara mukut un o Karisito Iesu.

A Wakak na Wasiso un o Iesu Karisito o Jon i tumusi 15:2

I ser tau ru a kum kanokano rop nin un iau ra ka det ser wu, ma i ser burup det ra det ser wu, sur det in wu a susut na wino.

A Wakak na Wasiso un o Iesu Karisito o Jon i tumusi 17:23

Iau kura un det, ma ui kai kuri un iau, sur det ara mukut, sur a taro nin una rakrakon bual det in tasmani lena, u tulu ru iau urin, ma det in tasmani kai lena, u nem det elar nami ra u nem iau.

A Wakak na Wasiso un o Iesu Karisito o Jon i tumusi 14:20

A bung ra an katutur melet gusun a minat, mot in tasmani lena kura iau un o Tita, ma mot kai kuri un iau, ma iau kura un mot.

Galesia 5:6

Ra kura dat un o Karisito Iesu, ra di tok talilis a pinin taio, o ka di tok talilisi, i a utna oros kut umatan o God. Ara utna kut ra i labo sakit umatan o God, a nurnur ra i pam pat a marmaris.

Matiu 12:33

“In wakak na duwai, i ser wu a wakak na wino, ma in laulau na duwai, i ser wu a laulau na wino. Din tama lele in nanai tagun a wino.

Matiu 24:35

A langit ma a rakrakon bual der in rop, ikut anung a kum wasiso ken rop.

1 Korin 13:11

Ra a natlik utmakai, a wasiso elar nama natlik, a nuknuk elar nama natlik, ma a mananos kai elar nama natlik. Ra a sa labo, a umana ru a magiran a natlik.

2 Korin 5:19

Un o Karisito, o God i marom nama taro taginin una rakrakon bual. Ken nuk melet pasi mo anundet a kum sakino petutna sur in warkurai det uni. Iri a wasiso na emarom, ra i pitar tari tamet.

2 Korin 12:2

A tasman ara musano, a te Karisito, numugu tan a noino ma wat na kilalo, o God i ben pasi usapat una mantul na langit. Ka tasmani ra i los tito pasi, tomo nama pinino, o a niono kut. O God kut i tasmani.

Pilipai 4:21

Mot in pitar anung a marmaris torom a taro rop anun o Karisito Iesu. A kum tistising una nurnur ra det kis tomo nam iau, det pitar anundet a marmaris torom mot.

A Pas anun o Pol torom a taro Rom 16:7

Mot in pitar anung a marmaris kai torom o Andronikus ma o Junias, aru kukung ra der kis tomo nam iau una karabus. Epotor tan a kum aposel a risander i wan sarara. Der aru mugano te Karisito tang, ma iau, a mur tander.

A Pas anun o Pol torom a taro Rom 16:11

Mot in pitar anung a marmaris torom o Erodion, a kukung. Mot in pitari kai anung a marmaris torom det tagun a rumu anun o Nakisus ra det tagun a Labino.

A Pas anun o Pol torom a taro Rom 16:3

Mot in pitar anung a marmaris torom o Prisila ma anun a musano o Akuila, ra metul papam tomo una pinapam anun o Karisito Iesu.

A Pas anun o Pol torom a taro Rom 16:9

Mot in pitar anung a marmaris torom o Urbanus, ara tene pinapam kai tagun met una pinapam anun o Karisito, ma torom a wakak na pasang kai o Stakis.

A Pas anun o Pol torom a taro Rom 16:10

Mot in pitar anung a marmaris torom o Apelis, i ra di sa lar tari ma i upuaso i lena i a tene nurnur mulus un o Karisito. Mot in pitar anung a marmaris torom det ra tagun a rumu anun o Aristobulus.

Luk 5:38

Din titior a matok na wain ut utiro unin matok na koto na wain.