2 Korin 4:2 - Nupela Testamen long tokples Kandas

² Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God.

2 Korin 4:2 Referans Kwoze

2 Korin 2:17

Ka met elar nama susut na taro, ra det papam kut nama wasiso anun o God sur a mani. Ikut, un o Karisito met wasiso nama lingmulus umatan o God, uni i ut i tulu ru met.

2 Korin 5:11

I mo ra met papam doko sur met in ukatutur a nuknukin a taro sur det in nurnur, uni met ngara sur a Labino. O God i talapor un met lena, met osi na ngas na taro, ma a nurnur lenri mot kai mot talapor un met.

1 Korin 4:5

I mo ra gong mot warkurai taio numugu tan a bung na warkurai. Mot in kis langlang tuk ra a Labino in nanpat. Ra i ut in utalapor a kum utna ra i parau una dumirum, ra in upuaso a nuknukin a taro. Ma una bung ra, o God in watung ulabo pas a taro, elar ut nama nundet a kum pinapam taktakai.

2 Korin 11:3

Ikut uniri, a ngara, sako din ben raro a nuknuki mot gusun anumot a petutna ra katu dur uni, ma anumot a nurnur mulus un o Karisito, elar namin nusui i toro pas o Iwa.

Epeses 5:12

Uni a utna na maimai sakit, ra dat in wasiso una kum petutna ra a kum tene pitarngat det ser pam eno i.

2 Korin 7:14

Ra ke wan utmakai, a warango mot toromi, ma ka mot ban umaimai iau. A kum utna ra met watungi tan o Taitus un mot i lingmulus, elar nam anumet a kum wasiso rop torom mot i lingmulus.

A Pas anun o Pol torom a taro Rom 1:16

Ka maimai una Wakak na Wasiso, uni i a dekdekin o God sur in ulaun pas a taro rop ra det nurnur. Torom met a taro Juda mugu, ma uniri torom mot kai, ra awu sur a taro Juda.

Epeses 4:14

I mo ra ka dat in elar melet mo nama kum nat liklik, ra anundet a nurnur i elar nama utna ra a top i woro tuptupukusi utong ma urin. Ka dat in mur a kum etowo tan a kum tene torotoro, elar nama utna ra a wuwu i wup pukpukusi. Ka dat in mur det ra det nem na ben raro a taro nam anundet a kum namnamin na wasiso.

2 Korin 11:6

Surko mot nuki lena, ka ususer pas sur a tene warawai, ikut a tasmani ut a utna ra a warawai nami. Mot ut, mot talapor uni, uni una kum utna rop met pami torom mot, met upuaso a mananos rop ri.

2 Korin 1:12

Iri a utna ra met warango met nami: a balamet ke takun met un tu utna, uni met tasmani lena, ka met toro, met muri ut a tokodos na petutna tan o God, una numet a nilaun nin upiso, ma una numet a kinkinis tomo nam mot. Ka met mur a mananos anun a taro, met papam murmuri ut a marmaris anun o God.

A Pas anun o Pol torom a taro Rom 6:21

Numugu mot ser pam a kum sakino petutna, ra uniri mot maimai uni. Ra mot pami, i warut mot pepetlai? I ben mot kut sur a minat.

2 Korin 6:8

Ara taro det ru met, ma ara taro awu. Ara taro det watung laulau met, ma ara taro det watung ulabo pas met. Ara taro det nuki lena, met a kum tene torotoro, ikut met watung a lingmulusino.